DSND

🎩 Hoededag by DSND! 🎩

Vandag het Fedics 'n heerlike Hoededag by DSND se drie aftreeoorde – Altena, Ametis en Serenitas – aangebied.

Ons inwoners het behoorlik uitgehaal met hul kreatiewe en pragtige hoede, en daar was selfs 'n prys op die spel vir die beste hoed! Saam met 'n heerlike bord kos en baie lag en gesels, het dit vir 'n besonderse dag gesorg.

Baie dankie aan al ons inwoners wat met soveel entoesiasme deelgeneem het. 'n Spesiale woord van dank ook aan Fedics en al die personeel wat gehelp het om die dag so suksesvol en onvergeetlik te maak.

Dit is hierdie spesiale oomblikke wat ons gemeenskap so besonders maak.

Winterkoud? Nie by Ametis Aftree-oord!

Onder leiding van mev. Susan Albertyn het 'n groep toegewyde helpers gister heerlike pannekoek vir die inwoners en personeel van Ametis Aftree-oord gebak.

'n Opregte dankie aan mev. Albertyn (borg van die pannekoek), Dr. en mev. Botha, mev. Sumin de Bruin, mev. Ansie van der Merwe en mej. Lenette Swart vir julle omgee en diensbaarheid.

Dit was heerlik en word opreg waardeer!