IBAS

Klientë të dashur,

Kohëve të fundit janë shpeshtuar mashtrimet dhe pagesat në internet. Para së gjithash, ju lusim ta verifikoni vegëzën/linkun, nëse ajo është zyrtare apo jo. Jo rrallëherë, faqet mashtruese të internetit duken pothuajse identike me ato origjinale. Andaj, para se të realizoni një pagesë me kartelat e IBAS, ndihuni të lirë të konsultoheni me ne nëse ueb-faqja është e sigurt apo jo.

Por, nëse ju keni realizuar ndonjë pagesë përmes ndonjë mashtrimi, na paraqisni ankesën dhe IBAS do të kërkojë kthimin e parave tuaja nga institucioni financiar që u ka mundësuar mashtruesve pranimin e pagesave përmes Visa ose Mastercard.

Për njoftimin tuaj, secili institucion financiar që ia mundëson një pale, në këtë rast mashtruesve, pranimin e pagesave përmes skemave të pagesave, siç janë Visa ose Mastercard, ka për detyrë të bëjë kthimin e pagesës te pala e dëmtuar. Kjo mund të marrë rreth dy (2) muaj kohë, por në fund, ose institucioni financiar mundësues, ose vetë mashtruesit, do t’ua kthejnë paratë tuaja.

Dhe ju, si klient i cilitdo institucion financiar që jeni, keni të drejtë ta inicioni kërkesën për kthimin e mjeteve/rimbursim brenda 30 ditëve, në disa raste edhe më shumë, te institucioni financiar që ju ka dhënë kartelën Mastercard ose Visa.

Sinqerisht,
Departamenti për Përkrahjen e Klientëve

Themeluesi dhe Drejtori i IBAS, z. Gazmend Selmani gjatë konferencës së organizuar nga Binance dhe Balkans Blockchain Summit, në cilësi të Keynote Speaker lidhur me temën "Mundësitë në Ekonomi të re" prezantoi mundësitë që ndërlidhen me:

▪︎ Ndërtimin e platformave të besueshme.

▪︎ Ndërtimin e infrastrukturës financiare të rregulluar.

▪︎ Ndërtimin e sistemeve të identitetit digjital.

▪︎ Ndërtimin e binareve (rails) të pagesave.

▪︎ Ndërtimin e teknologjive për asete të tokenizuara.

▪︎ Ndërtimin e zgjidhje të produktivitetit të fuqizuara nga inteligjenca artificiale.

▪︎ Ndërtimin e teknologjive financiare të eksportueshme.

Z. Selmani elaboroi se si mund të kalojmë nga konsumatorë digjitalë në ndërtues të infrastrukturës financiare të besueshme, se si po kalojmë nga interneti i informacionit tek interneti i vlerës.

Sipas z. Selmani, faza e ardhshme e ekonomisë digjitale nuk do të përcaktohet nga zhurma (hype) apo trendet e përkohshme. Ajo do të përcaktohet nga infrastruktura.

Ai tha se, për më shumë se dy dekada, interneti ka transformuar mënyrën se si komunikojmë, kërkojmë informacion, publikojmë, mësojmë dhe shpërndajmë të dhëna. Kjo ishte epoka e Internetit të Informacionit — një botë e ndërtuar rreth përmbajtjes, mediave, të dhënave dhe komunikimit.

"Kjo fazë e re nuk ka të bëjë vetëm me dërgimin e mesazheve apo shpërndarjen e përmbajtjes. Ajo ka të bëjë me pronësinë, pagesat, identitetin, shlyerjen, kontratat, asetet dhe besimin. Ka të bëjë me krijimin e sistemeve ku vlera mund të lëvizë në mënyrë të sigurt, transparente dhe efikase ndërmjet kufijve, institucioneve, platformave dhe komuniteteve.
Për vende si Kosova, kjo nuk është vetëm një zhvendosje teknologjike. Është një mundësi strategjike."

Z. Selmani fuqiahëm theksoi se "Ekonomia e së ardhmes nuk do të krijohet vetëm në qendrat më të mëdha financiare. Ajo do të krijohet edhe në vendet që e kuptojnë momentin, organizojnë ekosistemet e tyre dhe ndërtojnë infrastrukturë me disiplinë dhe besim."

Balkans Blockchain Summit organizohet nga Cryptolbanian dhe Binance, lider i pakontestueshëm në infrastrukturë të besueshme, likuiditet dhe këmbim të kripto aseteve dhe zotërues të licencave rregullatore në shumë shtete të Evropës dhe përtej.

Fintech is redefining the future of financial services. 💻
This fireside chat explores how innovation is transforming banking, access to finance, and digital ecosystems.
🚀 Powered by IBAS, the conversation highlights what’s next in the fintech revolution.


Fintech po riformëson të ardhmen e shërbimeve financiare. 💻
Ky fireside chat trajton si inovacioni po transformon bankingun, qasjen në financa dhe ekosistemet digjitale.
🚀 I mundësuar nga IBAS, diskutimi nxjerr në pah çfarë vjen më pas në revolucionin fintech.