Tahiri Partners Law Firm LLC

Gjykata Supreme e Republikës së Kosovës, me Aktgjykimin ARJ.nr.147/2025 të datës 21.01.2026, ka refuzuar si të pabazuar revizionin e Administratës Tatimore të Kosovës (ATK) dhe ka lënë në fuqi vendimin në favor të klientit tonë, “A.......” Sh.p.k. të cilin padrejtësisht ATK e kishte ngarkuar me mbi 100k tatim shtesë!

Në këtë çështje, Gjykata Supreme ka konfirmuar disa parime të rëndësishme juridike:

• Vendimet shpjeguese publike të ATK nuk kanë karakter normativ dhe nuk mund të ndryshojnë ligjin.
• Rivlerësimi doganor nuk nënkupton automatikisht rivlerësim tatimor.
• Barra e provës në konflikt administrativ bie mbi administratën.
• Siguria juridike dhe proporcionaliteti duhet të respektohen në çdo veprim administrativ edhe atyre të ATK.

Ky aktgjykim përfaqëson një precedent të rëndësishëm në të drejtën tatimore dhe në mbrojtjen e të drejtave të tatimpaguesve ndaj rivlerësimeve të pabazuara.

Tahiri Partners Law Firm L.L.C., përmes Av. Xhafer Tahiri, ka përfaqësuar klientin në të gjitha fazat e procedurës, duke mbrojtur me profesionalizëm parimet e ligjshmërisë, sigurisë juridike dhe të drejtës për proces të rregullt.

Ne mbetemi të përkushtuar në mbrojtjen e interesave të klientëve tanë në çështje komplekse tatimore dhe administrative.

Tahiri Partners Law Firm L.L.C.
Av. Xhafer Tahiri

✅ Tre çështje të tjera të përfunduara me sukses për klientët tanë!

Në Tahiri Partners Law Firm, drejtësia dhe shërbimi ndaj klientit janë udhërrëfyesi ynë i punës. Çdo rast, çdo klient e trajtojmë me përkushtim, profesionalizëm dhe integritet maksimal.

Faleminderit për besimin tuaj!

Drejtësia u vu në vend!

Falë angazhimit profesional e ligjor të stafit tonë dhe fakteve të pamohueshme, pala që përfaqësojmë doli fituese në këtë proces gjyqësor.

✊ Drejtësia mbrohet, ajo nuk negociohet!

Si përfaqësues ligjor, ju njoftojmë se Inspektorati i Punës ka konstatuar shkelje të të drejtave të punëtorëve nga ana e punëdhënësit Posta e Kosovës sh.a me rastin e risistemimit e rsitrukturimit të brendshëm të saj dhe ka marrë vendim për shqiptimin e gjobës ndaj subjektit përgjegjës. Ky vendim përforcon përkushtimin tonë profesional për mbrojtjen e të drejtave të punëtorëve dhe zbatimin e ligjit të punës në Republikën e Kosovës.

- Të drejtat e punëtorëve janë të panegociueshme.
- Drejtësia gjithmonë fiton.

Me respekt,

Tahiri Partners Law Firm LLC

Njoftim

Jemi të lumtur të njoftojmë se Avokatura Tahiri Partners Law Firm ka zgjeruar ekipin me dy avokatë të licencuar të rinj! Na bashkohen Mr sc Jetullah Aliu dhe Ma.sc Arben Rrahmani, të cilët sjellin me vete përvojë dhe ekspertizë të jashtëzakonshme në fushën e ligjit. Mirë se vini në ekipin tonë!

Nga tani, puna artizanale dhe artistike e grave të mbijetuara nga dhuna seksuale e luftës së vitit 1999, është e mbrojtur me markë tregtare, duke garantuar që asnjë person i paautorizuar nuk do të mund të përdorë këto punime për përfitime materiale pa lejen e pronarëve të MT.
Firma Ligjore Tahiri Partners Law Firm me sukses ka ndihmuar pro bono OJQ Qendra për Promovimin e të Drejtave të Grave në Drenas në procesin e regjistrimit të markave tregtare te tyre pranë Agjencisë për Pronësi Industriale të Kosovës.
Faleminderit per besimin që te jemi partner i juaji.

Në shërbim të drejtësisë ⚖️

Vazhdojmë të angazhohemi me profesionalizëm dhe përkushtim për interesat e klientëve tanë.
Si në Gjykatën Komerciale e po ashtu dhe në Departamentin për Krime të Rënda/Gjykata Themelore Prishtinë, ne vazhdojmë të përfaqësojmë klientët tanë me sukses!

Miqësisht,
Tahiri Partners Law Firm LLC
Xhafer Tahiri
Arben Rrahmani
Jetullah Aliu

Tahiri Partners Law Firm L.L.C me sukses vazhdon të ofrojë këshilla ligjore dhe përfaqësim për individët dhe bizneset duke ofruar për klientët tanë përvojë dhe strategji të gjatë e me vlerë të lartë profesionale në të gjithë territorin e Republikës së Kosovës.

Faleminderit për besimin tuaj!

Tahiri Partners Law Firm dhe Orient Kubz Construction kemi partneritet që nga fillimet tona.
Takimet me Blerimin janë gjithnjë produktive dhe insipiruese.
Faleminderit për besimin tuaj në shërbimet tona ligjore!