Apia Samoa Central Stake

As we obey His commandments and serve our fellowmen, we become better disciples of Jesus Christ. #discipleship #jesuschrist #commandments #holyghost #obedience Becoming a True Disciple By Elder Daniel L. Johnson Of the Seventy, General Conference of October of 2012

PE A MATUTUA OU MATUA, MA UA E MATUA FOI MA MANUIA,
Tuu pea i latou ia soifua matutua i le alofa lava e tasi na la alolofa ai ia oe a o e tuputupu ae...
Tuu pea laua e saunoa atu ma toe faamatala pea lava pea tala i le onosai lava e tasi ma le naunau na la faalogologo ai foi i au tala na tau faamatala a o e laitiiti...
Tuu i laua e malo e pei foi ona la tuu oe e te malo i ni finauga ma ni mea a o e laitiiti...
Tuu i laua e fiafia ma a la uo, e pei foi ona la tuu oe e te tafao ma au uo a o e laitiiti...
Tuu i laua e fiafia ma a la fanau a fanau ona o loo la vaaia oe i foliga o lau fanau...
Tuu i laua pe a sese, e pei o le tele o taimi na e sese ai foi a o e laitiiti ae la te le'i faamaasiasia oe...
Tuu i laua e soifua i o la olaga ua i ai ma taumafai e faafiafia i laua i le vaega o totoe o le la ala, ma tuu atu i ai lou lima e pei foi ona tuu mai o la lima i taimi uma a o tau amata na e savali i lou ala!
'Aua ne'i galo ia oe ou matua pe afai ua e manuia ma maua mea. O nisi ua pei lava le faiga o matua o le faiga o tamai tamaiti, e otegia, e lafo i ai upu malolosi, ma ua oo lava i ai le fasi po o le sasa.
Toe mafaufau tasi, i le taimi a o e laitiiti na o lou tamoe lava i lou tina ma lou tama i mea uma e te manao ai. Tiga le faigata ae sa taumafai lava matua ia maua mea sa e manao ai.
Toe siaki tasi lava pe o lelei na vaai lou tama ma lou tina. Vaai po o lou toalua na e te lua nonofo ua leaga ai le lua va ma ou matua. Vaai po o tala a nisi tagata ua mafua ai sou le fiafia i nai ou matua.
'Aua lava ne'i o tatou sasi i le poloaiga a le Atua, Ia e ava i lou tama ma lou tina, e faalevaleva ai ou a*o i le nuu ua foaiina mai e le Alii lou Atua ia te oe.
O le a le taimi mulimuli na e vili ai e asi lou tina po o lou tama, pe le o i ai se mea o manao ai? O le a le taimi mulimuli na e fai atu ai i ou matua, ou te alofa ia te oulua. O le a se taimi mulimuli na lua talie ma featai faatasi ai ma ou matua, ma fetagisi faatasi, ma uulima faatasi. O le a se taimi mulimuli na e faia ai se mea manaia mo lou tama po o lou tina, ae tagi lou tama ma lou tina, ma faamanuia ia te oe. I lo tatou pisi tele i lenei lalolagi ma o tatou lava aiga, ma o tatou tiute ma galuega, lotu, taaloga, kalapu, ma isi mau mea, 'aua ne'i tuualafoai i ou matua. Ia manatua, o mafatiaga ma puapuaga uma na uia e ou matua, na mafua uma ona o le alofa e le uma mo oe. O le tele o aitalafu ma nonogatupe na fia tausaga o tau togitogi, na mafua ona o oe. 'Aua ne'i e faatalale i lou tiute, aua o loo tutupu a'e lau fanau, o mea pueata, ma o le fua e te luluina, e te toe seleseleina.
IA E AVA I LOU TAMA MA LOU TINA, O LE UPU LENA A LE ATUA LAVA IA, MA E LE SUIA E OO MAI LE FAAVAVAU.