ZIYO FORUM

“Imkoniyatlar olimpiadasi” muvaffaqiyatli yakunlandi!

III an’anaviy “Inson uchun” festivali doirasida tashkil etilgan “Imkoniyatlar olimpiadasi” kasblar tanlovi o‘z nihoyasiga yetdi.

Bu yil loyiha nogironligi bo‘lgan yoshlar orasida katta qiziqish uyg‘otdi olimpiadada ishtirok etish istagini mamlakat bo‘ylab 1000 nafarga yaqin yoshlar bildirdi. Saralash bosqichlari yakuniga ko‘ra, eng iqtidorli va salohiyatli 80 nafarga yaqin ishtirokchi final bosqichida o‘z mahoratini namoyon etdi.

Musobaqa davomida ishtirokchilar turli kasbiy yo‘nalishlarda bilim va ko‘nikmalarini sinovdan o‘tkazib, o‘z imkoniyatlari, qat’iyati va iste’dodini namoyish qildilar.

G‘olib va sovrindorlar ham munosib taqdirlandi:
1-o‘rin — zamonaviy noutbuk
2-o‘rin — planshet
3-o‘rin — smartfon bilan taqdirlandi.

“Imkoniyatlar olimpiadasi” — bu nafaqat tanlov, balki nogironligi bo‘lgan yoshlarni qo‘llab-quvvatlash, ularning jamiyatdagi faol ishtirokini kengaytirish va yangi imkoniyatlar eshigini ochishga xizmat qiluvchi muhim loyiha bo‘ldi.

Eslatib o‘tamiz, “Imkoniyatlar olimpiadasi” hamda III an’anaviy “Inson uchun” festivali O‘zbekiston Respublikasi Prezidenti huzuridagi Ijtimoiy himoya milliy agentligi tashabbusi bilan Ilm-fan va ta’lim-tarbiyani rivojlantirish fondi hamda Xalqaro inklyuziv xab bilan hamkorlikda tashkil etildi.

“Imkoniyatlar olimpiadasi – Abilimpiks 2026” kasblar tanlovining “Karving” yo‘nalishi hamkorlari — “Korzinka” supermarketlar tarmog‘i hamda “O’zbekiston oshpazlar uyushmasi”

III an’anaviy “Inson uchun” festivali doirasida o‘tkaziladigan “Imkoniyatlar olimpiadasi – Abilimpiks 2026” kasblar tanlovida “Korzinka” supermarketlar tarmog‘i hamda “O’zbekiston oshpazlar uyushmasi” hamkor sifatida ishtirok etadi. Hamkorlar ishtirokchilarni saralash jarayonlari hamda tanlovni yuqori saviyada tashkil etishda amaliy ko‘mak ko‘rsatadi.

Eslatib o‘tamiz, “Imkoniyatlar olimpiadasi – Abilimpiks 2026” kasblar tanlovi 13 ta yo‘nalish bo‘yicha o‘tkaziladi. Olimpiada kasbiy ko‘nikmalar, ijodkorlik va amaliy tajribani birlashtirgan imkoniyatlar platformasidir.

Sizni “Imkoniyatlar olimpiadasi – Abilimpiks 2026”da kutib qolamiz!

Manzil: O‘zekspomarkaz, 1-pavilyon
Sana: 2026 yil 12–13 may

“Imkoniyatlar olimpiadasi – Abilimpiks 2026” kasblar tanlovining “Tikuvchilik” yo‘nalishi hamkorlari — “Korzinka” supermarketlar tarmog‘i hamda “Iroda textite”

III an’anaviy “Inson uchun” festivali doirasida o‘tkaziladigan “Imkoniyatlar olimpiadasi – Abilimpiks 2026” kasblar tanlovida “Korzinka” supermarketlar tarmog‘i hamda “Iroda textile” hamkor sifatida ishtirok etadi. Hamkorlar ishtirokchilarni saralash jarayonlari hamda tanlovni yuqori saviyada tashkil etishda amaliy ko‘mak ko‘rsatadi.

Eslatib o‘tamiz, “Imkoniyatlar olimpiadasi – Abilimpiks 2026” kasblar tanlovi 13 ta yo‘nalish bo‘yicha o‘tkaziladi. Olimpiada kasbiy ko‘nikmalar, ijodkorlik va amaliy tajribani birlashtirgan imkoniyatlar platformasidir.

Sizni “Imkoniyatlar olimpiadasi – Abilimpiks 2026”da kutib qolamiz!

Manzil: O‘zekspomarkaz, 1-pavilyon
Sana: 2026 yil 12–13 may