WOSCU UZ

Firdavs Abduxoliqov Islom sivilizatsiyasi markazi direktori etib tayinlandi

U O‘zbekiston madaniy merosini o‘rganish, saqlash va ommalashtirish bo‘yicha Butunjahon jamiyati (WOSCU) boshqaruvi raisi sifatida mamlakatimizning boy madaniy merosini asrab-avaylash va ommalashtirish borasidagi vazifasini davom ettirib kelmoqda.

U Prezidentimiz Shavkat Mirziyoyev tashabbusi bilan boshlagan keng islohotlar tufayli “O‘zbekiston madaniy merosi” turkumidagi 70 jildlik nashriy to‘plam, “O‘zbekiston obidalaridagi bitiklar” turkumidagi 20 jild kitob-albomlar, mamlakatimiz madaniyatiga oid 10 dan ortiq eksklyuziv nashrlar, shuningdek, O‘zbekistonning qadimiy va o‘rta asrlar qo‘lyozmalari nusxalarining bir qator faksimile nashrlari chop etilishida tashabbuskor va muallif sifatida ishtirok etgan. Bu loyihalar O‘zbekiston madaniy merosini asrab-avaylash va o‘rganish, uni zamonaviy jamiyat va kelajak avlodlar uchun ochiq qilishda muhim hissa bo‘ldi. Bu ishlarning barchasini O‘zbekiston Respublikasi Prezidenti Shavkat Miromonovich Mirziyoyevning O‘zbekiston xalqlari madaniy merosini chuqur o‘rganish va kelajak avlodlarga yetkazishga qaratayotgan shaxsan ko‘magi va ulkan eʼtiborisiz amalga oshirib bo‘lmas edi. WOSCU jamoat va davlat tashkilotlari, ilmiy doiralar va ijtimoiy masʼuliyatli korxonalar tomonidan qo‘llab-quvvatlandi.
Firdavs Abduxoliqov butun umrini O‘zbekiston hududida islom sivilizatsiyasini o‘rganishga bag‘ishlagan atoqli tadqiqotchidir. Uning asarlarida “Katta Langar Qurʼoni”, “Husayn Boyqaro devoni”, “Ravzat us-safo”, “Temur tuzuklari”, “Qo‘zg‘almas yulduzlar kitobi”, “Zafarnoma” va “Meʼrojnoma” kabi qadimiy va o‘rta asr qo‘lyozmalariga batafsil sharh va tahlillar kiritilgan. Bu asarlar islom madaniyati haqidagi tushunchamizni boyitibgina qolmay, balki zamonaviy olim va tadqiqotchilar uchun muhim maʼlumot manbai bo‘lib xizmat qiladi.
Uning chuqur bilimi va tinimsiz mehnati natijasida “114 Qurʼon qo‘lyozmalari”, “Dunyoning buyuk Qurʼonlari” kabi salmoqli loyihalar amalga oshirilgan.
🇺🇿 woscu.org 🇺🇿 legacy.uz 📷Instagram 📺Youtube 💬Facebook

🐎Panor buva va Xudoybergan Devonov

Muzeyda saqlanayotgan fotonegativlar to‘plami uch mingdan ziyod bo‘lgan fotosuratlar va mingga yaqin fotonegativlarni o‘zida mujassam etgan.

Mazkur to‘plam 1924 yilda shakllana boshlagan. 1939 yilda Nurullaboy saroyida viloyat o‘lkashunoslik va inqilob tarixi muzeyi ochilishi munosabati bilan muzey fondiga o‘zbek foto va kino sanʼatining otasi Xudoybergan Devonovning XIX asr oxiri – XX asr boshlarida bo‘lib o‘tgan tarixiy voqealar, Xorazmning meʼmoriy obidalari, mahalliy aholining turmush tarzi urf-odatlarini aks ettiruvchi fotosuratlar va sh**ha negativlari qabul qilindi.

BATAFSIL

🇺🇿woscu.org 🇺🇿 legacy.uz 📷Instagram 📺Youtube 💬Facebook

👳🏽‍♀️Qoraqalpoq ayollarining kundalik bosh kiyimi nima deb atalgan?

✨Do‘ppi ustidan aylantirib o‘raladigan salla – turme qoraqalpoq ayollarining kundalik bosh kiyimi bo‘lgan.

Turme ro‘mol yoki matolardan tayyorlangan. Shahar va qishloq ayol lari turmesi shakli, o‘lchami va o‘rash uslubi bilan farqlangan.

✨Qoraqalpoq ayollarining turmesi asosan qizil shoyi yoki aydinli (to‘linoy) chitidan tayyorlangan. Faqat yoshi ulug‘ ayollar oq matodan foydalangan. Agar salla matosi aydinli bo‘lsa, u aydinli oramal deb nomlangan. Yilning sovuq mavsumida ayollar salla ustidan katta shalgish yoki sharshi ro‘moli o‘ragan.

📖Boshqa o‘zbek milliy liboslari haqidagi ma’lumotlarni “O‘zbekiston madaniy merosi jahon to‘plamlarida” turkumidagi “O‘zbekiston muzeylari va xususiy Kolleksiyalari materiallari bo‘yicha an’anaviy o‘zbek liboslari” (XLIX jild, 2-qism) kitob-albomidan olishingiz mumkin.