Bijte e Shqipes

Të nderuar prindër dhe nxënës të shkollës shqipe “Gjuha Jonë”,

Ju njoftojmë se nesër, ditën e Diel, në datën 5 Prill shkolla shqipe është e mbyllur se është festa e Pashkëve.
Gëzuar Pashkët!
Festa, gëzime dhe bekime paçi kurdoherë së bashku me familjet tuaja!

Këshilli Drejtues
Shoqata Shqiptare Amerikane “Bijtë e Shqipes” Filadelfia

Këtë të diel, nxënësit e klasës së parë në shkollën shqipe “Gjuha Jonë”, me mësuese Irini Zeneli patën një përvojë të veçantë dhe shumë argëtuese!
Gjatë aktivitetit, fëmijët mësuan një aftësi të vjetër dhe të çmuar, si të nxjerrin gjalpë nga qumështi dhe si të përgatisin një mëngjes të shijshëm me bukë të thekur dhe gjalpë të freskët. Ishte një aktivitet praktik dhe plot emocione, ku çdo nxënës kishte mundësinë të provonte dhe të krijonte diçka me duart e veta.
Fëmijët e mirëpritën me shumë gëzim këtë pervoje, duke mësuar dhe duke u argëtuar njëkohësisht. Energjia dhe kureshtja e tyre e bënë ambientin të ngrohtë dhe plot buzëqeshje.
Një falenderim i veçantë shkon për mësuesen Irini, për punen dhe përkushtimin e saj, për anetaren e shoqatës zonjën Alma Telushi, për kontributin e çmuar, për ndihmes mësuesen Elda Janji, dhe per zonjen Albana, për ndihmën dhe mbështetjen gjatë aktivitetit.
Ky aktivitet eshte një shembull i shkëlqyer i mënyrës se si traditat dhe aftësitë e hershme mund të lidhen me mësimin dhe argëtimin e fëmijëve, duke krijuar kujtime të paharrueshme.

🌸 Gëzuar Ditën e Verës! 🌸
Nxenesit e shkollës shqipe "Gjuha Jonë" festuan 14 Marsin – Ditën e Verës me shumë buzëqeshje, lojëra dhe gëzim së bashku me mësueset dhe prindërit e tyre.
Një falënderim i veçantë për prindërit që sollën ëmbëlsira të shijshme dhe për znj. Anila Tahiraj Anila's Kitchen, per shportën e bukur plot me gurabie, që e shijuan të gjithë se bashku.
Përveç festës së Ditës së Verës, nxënësit i uruan edhe Gëzuar Ditëlindjen shokut të tyre Chris, duke e bërë ditën edhe më të veçantë! 🎉🎂
🌞🇦🇱 Një ditë e mbushur me traditë, buzëqeshje dhe shpirt festiv!