Natanim

እግዚአብሔር ሲያዝ ሰይጣን ይታዘዛል

በአንድ ወቅት፣ በኑሮ እጅግ የተቸገሩ አንዲት አሮጊት ነበሩ። ችግራቸው ከሚችሉት በላይ በሆነ ጊዜ፣ አማራጭ ሲያጡ ወደ አንድ የሬዲዮ ጣቢያ ደወሉ። በሚንቀጠቀጥና ተስፋ በቆረጠ ድምፅም፣ "እባካችሁ እርዱኝ! አምላኬ ሆይ በአንተ እተማመናለሁ፤ የዕለት ጉርሴን ስጠኝ" ብለው የልባቸውን አውጥተው ተማጸኑ። በዚያው ቅጽበት፣ በእግዚአብሔር መኖር የማያምን አንድ ሀብታም ሰው ይህንን የሬዲዮ ፕሮግራም ይሰማ ነበር። የሴትየዋን ጸሎት ሲሰማ ልቡ አልራራም፤ ይልቁንም በእምነታቸው ሊያላግጥና ሊያሳፍራቸው አሰበ። በንቀት ፈገግ ብሎም፣ "ተሳስታ እንደሆነና ጸሎቷ ዋጋ እንደሌለው አሳያታለሁ" አለ።

ሰውየው የሬዲዮ ጣቢያውን አድራሻ ተቀብሎ፣ ጸሐፊውን ጠራና አንድ የጭነት መኪና ሙሉ ምግብ ገዝቶ ወደ አሮጊቷ ቤት እንዲወሰድ አዘዘ። ነገር ግን አንድ ጥብቅ ማስጠንቀቂያ ሰጣት፡- "ሴትዬዋ ምግቡን ማን እንደላከው ስትጠይቅሽ፣ 'ከሰይጣን ነው የተላከው' በያት" አላት።

ጸሐፊዋ የታዘዘችውን ምግብ ጭና የአሮጊቷ ቤት ደረሰች። አሮጊቷ ከትንሽ ቤታቸው ፊት ለፊት በዝምታ ተቀምጠው ሳለ፣ ድንገት ከፊታቸው የቆመውን የጭነት መኪናና የሚራገፈውን ምግብ ሲያዩ በድንጋጤና በደስታ ተሞሉ። ጸሐፊዋም፣ "እመቤቴ፣ ይህ ሁሉ የእርስዎ ነው" አለቻቸው።

አሮጊቷ እንባ እየተናነቃቸው እግዚአብሔርን እያመሰገኑ ምግቡን ወደ ቤታቸው ማስገባት ጀመሩ። ዳቦው፣ ወተቱ፣ ሩዙና ፍራፍሬው ትንሿን ቤታቸውን ሞላት። ይሁን እንጂ ጸሐፊዋን አንድ ነገር ግራ አጋባት፤ አሮጊቷ ይህ ሁሉ ሀብት ከማን እንደመጣ ለመጠየቅ ምንም ፍላጎት አልነበራቸውም። ዝም ብለው ብቻ ያመሰግናሉ።

በመጨረሻም ጸሐፊዋ መታገስ አቃታትና ጠየቀች፡- "እመቤቴ፣ ይህን ሁሉ ምግብ ማን እንደሰጠሽ ማወቅ አይፈልጉም?"

አሮጊቷ ቀና አሉ፤ ፊታቸው በሰላምና በፈገግታ በርቶ እንዲህ ሲሉ መለሱላት፡-

"አይ ልጄ፣ ማን እንደላከው ማወቁ ለኔ ምንም አይጠቅምም፤ ምክንያቱም እግዚአብሔር ካዘዘ ሰይጣን እንኳን ይታዘዛል!"

#አሜን #እግዚአብሔር #ኢትዮጵያ