FFTL

Sekretáriu Jerál FFTL ho Jogadór Juvenil Sira Selebra Loron Grassroots Football 2026

FFTL- Sekretáriu Jerál Federasaun Futebool Timor-Leste (FFTL), Sr. José Adilson Ribeiro hamutuk ho labarik no jogadór juvenil sira selebra loron espesiál AFC Grassroots Football 2026, iha kampo FFTL, loron 23 Maiu 2026.

Serimonia selebrasaun ne’e hanmesan parte ida oinsá atu kampaña no promove futeból baze no dezenvolve talentu joven sira iha Timor-Leste.

Atividade ne’e la’o di’ak tebes no dinâmiku, tanba involve labarik sira husi klub no eskola oioin atu partisipa iha joga, ezersísiu no atividade edukativa sira kona-ba futeból.

Iha okaziaun ne’e, Sekretáriu Jerál FFTL mós hato’o katak, Grassroots Football Day ne’e importante tebes atu haburas domin ba futeból husi idade ki’ik no hamosu gerasaun foun ne’ebé iha kapasidade no dissiplina atu reprezenta Timor-Leste iha futuru.

Selebrasaun ne’e mós reflete kompromisu FFTL no Asian Football Confederation (AFC) atu garante katak futeból sai esporte ida ne’ebé asesível ba ema hotu, liuliu ba labarik no joven sira iha komunidade nia leet.

“Football for All” sai mensajen prinsipál iha loron selebrasaun ne’e, ne’ebé fó inspirasaun ba labarik sira atu kontinua aprende, joga no dezenvolve sira-nia talentu iha ambiente ne’ebé saudavel no pozitivu.

Serimonia ne'e, hetan mós prezensa husi reprezentante Plan Internasional.