USBAN

USBAN-CUP
Jogu ohin, Domingo; 01-10-2023.

Jogu dahuluk, FC.Johata vs FC.CENBAN, skor 10-7.

Jogu Daruak, FC.Nossa Senhora de Fátima Noetoco (NSFN) vs PM ho skor 11-3.

Parabéns ba Jogadór sira hotu.
Parabéns ba Johata + NSFN.
Parabéns ba PM + CENBAN, korajen no forsa nafatin iha Jogu tuir mai.
Parabéns ba adeptos.

Saudações desportivas ⚽🥎🤝💪
Matadouro, Díli.

SELEBRASAUN LORON PADROEIRA KAPELA SÃO SIMPLÍCIO NEFOMTASA

Selebrasaun Loron Padroeira Kapela São Simplício Nefomtasa - pertense ba Parókia Nossa Senhora de fátima de Baocnana , Nitibe -Oe-cusse. Selebrasaun loron padroeira ne'e realiza iha dia 26 fulan Setembro 2023, iha Nefomtasa-Banafi.

Iha eventu ne'e, Komisaun Organizadora loke kompetisaun ka atividade oi-oin hanesan; Voleiból ne'ebé kompostu husi feto no mane, Futsal, Certame, Dansa tradisional, Dansa moderna, Kulinária ka kompetisaun te'in ai-han lokal, Dada tali, kompetisaun Lee Bíblia no dezenvolve mos ho arte balun hanesan Vokal Group.

Husi modalidade sira ne'ebé mensionadu, realiza ho objetivu atu oinsa bele promove no dezenvolve joventude no estudante sira nia talentu no kreatividade.

Paratisipante ba atividade sira ne'e mai husi sarani sira hotu iha Suku Banafi.

Portantu, Eventu ne'e hahú iha dia 23-26 Fulan Setembru tinan 2023. Amu Selebrante ba Selebrasaun Missa ba loron Padroeira Kapela São Simplício de Nefomtasa mak Padre "SIMPLISIUS BAU MALI, SVD".

Agradese no Obrigadu ba Amu Selebrante.
Parabéns ba konkorente sira hotu.
Parabéns ba mana'an na'in sira.
Parabéns ba sarani sira hotu, espesial ba sarani sira husi kapela São Simplício Nefomtasa.
Parabéns ba Komisaun Organizadora.
Obrigadu ba Banafi oan hotu nia kontribuisaun.

Tabe Alekot ma Halinat, Usi Neno nakan kiit piut 🙏.
📝27/09/2023.

ABERTURA USBAN-CUP 2023

Dili____Loron 17 fulan Setembru tinan ne'e, Unidade Suku Banafi (USBAN) kompostu hosi estudante no joventude Banafi oan hotu iha kapital Dili halo ona abertura jogu ho modalidade Futsal iha Kampu Matadoru suku Vila-Verde.

Objetivu hosi jogu ne'e atu bele promove foin sa'e sira nia talentu iha area desportu no oinsa hametin liutan lasu amizade entre Banafi oan iha kapital Dili.

Atividade desportu ne'e USBAN sempre realiza iha kada tinan, hahú hosi 2017 ate ohin loron no sei kontinua ba futuru.

Portantu, klubu ne'ebé partisipa iha eventu ne'e hamutuk neen (6), hanesan: 1. Fomentasi
2. Johata
3. PM A
4. PM B
5. São José
6. CENBAN

Klubu ne'ebé ohin abertura mak, FC Fomentasi vs Johata no segundu jogu mai hosi FC PM A vs PM B. Iha jogu primeiru Fomentasi mak manaan Johata ho skor (8-4). No PM A manan PM B ho Skor (13-7). Parabéns ba jogador hotu.

Entretantu, Iha jogu ne'e partisipa maximu hosi inan-aman, Estudante no joven Banafi oan sira iha Dili.

USBAN orgullu no hato'o Parabéns mos ba alin sira hosi FC Johata tanba antes abertura jogu, hatudu sira nia talentu ho dansa modernu iha kampu laran.

Liu hosi meiu ida ne'e, USBAN Agradese no husu Obrigadu ba Autoridade lokal, Nai Xefe Suku Vila-Verde, xefe Aldeia no komunidade Matadoru tomak ne'ebé ho fuan bo'ot oferese kampu gratuita ba USBAN atu bele realiza jogu refere.

USBAN
Matadoru; 17/09/2023.

Estudante-USBAN
Preparasaun ba eventu Liga Futsal USBAN
Aumezmu tempu halo Reflesaun ba loron Konsulta Popular 30/08/1999.

Dili: 30/08/2023.