Dabiston

WebSocket - ин як шакли иртиботи сервер бо муштарӣ(телефон, компютер ва ғайра) аст. Ба фарқ аз HTTP иртиботи сервер бо муштарӣ тавассути WebSocket дуҷониба буда, имконияти пайвастшавии доимиро дорад.
Масалан, барои иртибот бо сервер ба воситаи HTTP аввал аз ҷониби муштарӣ дархост фиристода мешавад ва баъдан сервер ба муштарӣ маълумотро равон мекунад ва баъди ин алоқа қатъ мегардад. Ҳамин тариқ, барои гирифтани маълумоти нав ба сервер боз дархост равон кардан лозим аст. Ба воситаи WebSocket алоқаи сервер бо муштарӣ доимӣ мебошад. Яъне муштарӣ бо сервер танҳо як бор пайваст мешавад ва дар давоми ин пайвастшавӣ бемаҳдудият иртибот мекунад. Ин гуна шакли иртибот бештар дар бозиҳои онлайн ва чатҳо истифода бурда мешавад.

#фурӯзон #барномасозӣ