Super One Media

ကျွန်တော်တို့အားလုံးရဲ့ နှလုံးသားကို ကြေကွဲစေခဲ့တဲ့ ပုံရိပ်လေးတစ်ခုပါပဲ။

ပေါ်တူဂီအသင်း ကမ္ဘာ့ဖလားပြိုင်ပွဲကနေ ထွက်ခွာခဲ့ရပြီးနောက်ပိုင်း ခရစ္စတီယာနို ရော်နယ်ဒိုဟာ သူ့ရဲ့ မျက်ရည်တွေကို မထိန်းချုပ်နိုင်ခဲ့ပါဘူး။

“ကမ္ဘာ့ဖလားပြိုင်ပွဲကနေ အခုလို ပုံစံမျိုးနဲ့ ထွက်ခွာခဲ့ရတဲ့အတွက် ကျွန်တော် တကယ်ပဲ ဝမ်းနည်းမိပါတယ်။ ဒါပေမဲ့ ကျွန်တော့်ဘက်ကတော့ လိပ်ပြာသန့်သန့်နဲ့ ထွက်ခွာသွားတာပါ။ ဟုတ်ပါတယ်၊ ဒါဟာ ကျွန်တော့်ရဲ့ နောက်ဆုံး ကမ္ဘာ့ဖလားပြိုင်ပွဲပါပဲ။ အခုတော့ မိသားစုနဲ့အတူ အချိန်ဖြတ်သန်းပြီး အရာရာကို ပြန်လည်စဉ်းစားသုံးသပ်ဖို့ အချိန်အနည်းငယ် ယူသွားမှာပါ" လို့ ရော်နယ်ဒိုက ပြောကြားခဲ့ပါတယ်။

ကမ္ဘာ့ဖလားကို ဆွတ်ခူးနိုင်ခဲ့တဲ့ ဘောလုံးသမားတွေ ရှိကြသလို၊ ဘောလုံးလောကရဲ့ သမိုင်းကြောင်းကို ထာဝရပြောင်းလဲပစ်ခဲ့တဲ့ ကစားသမားတွေလည်း ရှိပါတယ်။ ခရစ္စတီယာနိုကတော့ ဘောလုံးလောကရဲ့ သမိုင်းကြောင်းကို ထာဝရပြောင်းလဲပစ်ခဲ့တဲ့ ကစားသမားတစ်ဦးပါပဲ။