Health post

https://shorturl-ddc.moph.go.th/acT

​⛈️🐍 မိုးရာသီ - မြွေဆိုးကိုက်ခြင်းကို သတိပြုပါ⚠️ (ကာကွယ်ခြင်းက ပိုမိုဘေးကင်းစေသည်)✨
​မိုးရာသီသည် မြွေဆိုးများကို အများဆုံးတွေ့ရတတ်သည့် အချိန်ဖြစ်သည်။ ၂၀၂၃ - ၂၀၂၅ ခုနှစ် အတွင်း မြွေဆိုးကိုက်ခံရ၍ ထိခိုက်ဒဏ်ရာရသူ သို့မဟုတ် သေဆုံးသူ စုစုပေါင်း ၁၂,၂၁၂ ဦး ရှိပြီး၊ တစ်နှစ်လျှင် ပျမ်းမျှ ၄,၀၇၁ ဦး ရှိပါသည်။
​📊 စာရင်းဇယား အချက်အလက်များ
​💀 သေဆုံးသူ: ၂၀ ဦး
​👤 အများဆုံးဖြစ်ပွားသည့် လိင်: အမျိုးသားများတွင် ပိုမိုတွေ့ရသည်။
​👨‍🌾 အလုပ်အကိုင်: ကာယလုပ်သားများနှင့် လယ်သမား/တောင်သူများ။
​🏠 ဖြစ်ပွားသည့်နေရာ: အိမ်တွင်း/အိမ်အနီးအနား၊ လယ်ကွင်း၊ ယာခင်းနှင့် ခြံဝင်းများ။
​📅 အများဆုံးဖြစ်ပွားသည့် လအလိုက်: မေလ မှ အောက်တိုဘာလ အတွင်း။
​⏰ ဖြစ်ပွားသည့် အချိန်: ညနေ ၆:၀၀ နာရီ မှ ည ၈:၀၀ နာရီအတွင်း။
​🛡️ မြွေကိုက်ခြင်းမှ ကာကွယ်ရန် လမ်းညွှန်ချက်များ
​ခြေမျက်စိဖုံးသော ဖိနပ် (သို့မဟုတ်) ဘွတ်ဖိနပ်အရှည်နှင့် ဘောင်းဘီရှည်များကို ဝတ်ဆင်ပါ။
​ညဘက် သွားလာလှုပ်ရှားလျှင် ဓာတ်မီး အမြဲသုံးပါ။
​ခြုံနွယ်ပိတ်ပေါင်းများ သို့မဟုတ် ရှုပ်ပွနေသော နေရာများသို့ မသွားမီ တုတ်ဖြင့် အရင်ယမ်းပါ။
​မြက်တောများ သို့မဟုတ် သစ်ခေါင်းများထဲသို့ ခြေဗလာဖြင့် သွားခြင်း၊ လက်နှိုက်ခြင်းများကို ရှောင်ကြဉ်ပါ။
​သစ်ပုံများ၊ အုတ်ပုံများနှင့် သစ်ရွက်ခြောက်ပုံများကို သတိထားပါ။
​မြွေသည် သေနေပြီဟု ထင်ရသော်လည်း လက်ဖြင့် သွားမကိုင်ပါနှင့်။
​🚑 မြွေကိုက်ခံရပါက ရှေးဦးသူနာပြုစုနည်း
​အဆိပ်များ ခန္ဓာကိုယ်ထဲမှ ထွက်သွားစေရန် ဒဏ်ရာဝန်းကျင်ရှိ သွေးများကို ညှစ်ထုတ်ပါ။
​ဒဏ်ရာကို ရေစင်စင်ဖြင့် ဆေးကြောပြီး ဆပ်ပြာ (သို့မဟုတ်) ပိုတက်စီယမ် ပါမန်ဂနိတ် (Potassium Permanganate) ဖြင့် ဆေးပါ၊ ထို့နောက် အဝတ်သန့်ဖြင့် ခြောက်အောင် သုတ်ပါ။
​ကိုက်ခံရသည့် အင်္ဂါအစိတ်အပိုင်းကို လှုပ်ရှားမှု အနည်းဆုံးဖြစ်အောင် ကြိုးစားပါ (ထိုအစိတ်အပိုင်းကို ငြိမ်နေအောင် ကြပ်စည်းထားနိုင်သည်)။
​ဒဏ်ရာရှိသည့်နေရာကို နှလုံးအောက် နိမ့်သောအနေအထားတွင် ထားရှိပြီး လူနာကို ဆေးရုံသို့ အမြန်ဆုံး ပို့ဆောင်ပါ။
​⚠️ အရေးပေါ် အကူအညီ: အိမ်ထဲသို့ မြွေ သို့မဟုတ် အဆိပ်ရှိသတ္တဝါများ ဝင်ရောက်လာပါက ဖုန်းနံပါတ် 199 သို့ ခေါ်ဆို၍ အကူအညီတောင်းခံနိုင်သည် (သို့မဟုတ်) ဒဏ်ရာရရှိပါက ဒေသတွင်း ကယ်ဆယ်ရေးအဖွဲ့ သို့မဟုတ် ဖုန်းနံပါတ် 1669 သို့ ဆက်သွယ်နိုင်ပါသည်။

📍ผื่น အဖုအပိန့်

📢📢📢

📍တုတ်​ကွေး ကာကွယ်​ဆေး💉
📍ဦးစား​ပေး အုပ်စု (၇) စု
📍အခမဲ့

မဲဆောက်ဆေးရုံသည် ကမ္ဘာ့ကာကွယ်ဆေးထိုးရက်သတ္တပတ်လှုပ်ရှားမှုများတွင် ပါဝင်ခဲ့သည်။
..

၂၀၂၆ ခုနှစ်၊ ဧပြီလ ၃၀ ရက်၊ ကြာသပတေးနေ့၊ နံနက် ၉:၃၀ နာရီတွင် မဲဆောက်ခရိုင်ရုံးခန်းမ၌ တာ့ခ်ပြည်နယ်ပြည်သူ့ကျန်းမာရေးရုံးသည် မဲဆောက်ဆေးရုံနှင့် တာ့ခ်ပြည်နယ်နယ်စပ်ဆေးဘက်ဆိုင်ရာနှင့်ပြည်သူ့ကျန်းမာရေးသင်ယူရေးဌာနတို့နှင့်ပူးပေါင်း၍ ၂၀၂၆ ခုနှစ် ကမ္ဘာ့ကာကွယ်ဆေးထိုးရက်သတ္တပတ်ပွဲကို "လူအားလုံး၊ လူမျိုးအားလုံးအကျုံးဝင်သော အသက်အရွယ်အားလုံးအတွက် ကာကွယ်ဆေးများ" ခေါင်းစဉ်ဖြင့် ကျင်းပခဲ့သည်။ တာ့ခ်ပြည်နယ်ပြည်သူ့ကျန်းမာရေးအရာရှိ ဒေါက်တာ နာကာရင် ဆိုမာဘူတာက ဖွင့်ပွဲအခမ်းအနားကို သဘာပတိအဖြစ် ဆောင်ရွက်ခဲ့သည်။

မဲဆောက်ဆေးရုံညွှန်ကြားရေးမှူးနှင့် သင်ယူရေးဌာန၏ ယာယီညွှန်ကြားရေးမှူး တွဲဖက်ပါမောက္ခ (အထူး) ဒေါက်တာ ရာမက်စ် ဝေါင်ဝီလိုင်ရတ်က ပွဲ၏ရည်ရွယ်ချက်များကို တင်ပြခဲ့ပြီး ထိုင်းနိုင်ငံဆိုင်ရာ ကမ္ဘာ့ကျန်းမာရေးအဖွဲ့ (WHO ထိုင်းနိုင်ငံ) ၏ ကိုယ်စားလှယ် မစ္စ အာရီ မောင်ဆွတ်ချာရွန်က ပွဲအား ပံ့ပိုးကူညီရန် အရေးကြီးကြောင်း အလေးပေးပြောကြားခဲ့သည်။

ပွဲ၏ရည်ရွယ်ချက်မှာ အသက်အရွယ်မရွေး၊ လူမျိုးမရွေး ပစ်မှတ်ထားအုပ်စုများအား ကာကွယ်​ဆေးများရရှိ​စေရန်နှင့် အခွင့်အလမ်းများ ဖန်းတီး​ပေးရန်ဖြစ်သည်။

မဲဆောက်မြူနီစီပယ်၊ မဲဆောက်ခရိုင်ပြည်သူ့ကျန်းမာရေးရုံး၊ ထိုင်းနိုင်ငံရှိ ကမ္ဘာ့ကျန်းမာရေးအဖွဲ့(WHO Thailand) ၊ မိတ်ဖက်ကွန်ရက်များနှင့် ဒေသခံများ တက်ရောက်ခဲ့ကြသည်။

📢 မဲဆောက်ရှိ ဒေသခံအားလုံးအတွက် သတင်းကောင်း!!

ကမ္ဘာ့ကျန်းမာရေးအဖွဲ့ (WHO)နှင့် ထိုင်းနိုင်ငံပြည်သူ့ကျန်းမာရေးဌာနသည် မဲဆောက်ဆေးရုံကြီး၊ တာ့ခ်ခရိုင် ပြည်သူ့ကျန်းမာရေးရုံး၏ လူထုဆေးခန်းများ၊ မိတ်ဖက်ကွန်ရက်များနှင့် ပူးပေါင်း၍ ထိုင်းနိုင်ငံသားနှင့် နိုင်ငံခြားသား အသက်အရွယ်မရွေး နိုင်ငံသားအားလုံးကို ၂၀၂၆ ခုနှစ်၊ ဧပြီလ ၃၀ ရက်၊ နံနက် ၈:၃၀ မှ မွန်းတည့် ၁၂:၀၀ နာရီအထိ မဲဆောက်မြို့နယ် အုပ်ချုပ်​ရေးမှူးရုံးခန်းမ၌ ကျင်းပမည့် "၂၀၂၆ ခုနှစ် ကမ္ဘာလုံးဆိုင်ရာ ကာကွယ်ဆေးထိုးနှံမှုရက်သတ္တပတ်" တွင် ပါဝင်ရန် ဖိတ်ခေါ်အပ်ပါသည်။

လှုပ်ရှားမှုများတွင်
❤️အသက်အရွယ်မရွေးလူမျိုးမရွေး အခမဲ့ကာကွယ်ဆေးထိုးခြင်း၊ ကာကွယ်ဆေးပညာပေးခြင်း၊
❤️အပန်းဖြေလှုပ်ရှားမှုများနှင့် ဆုများစွာရရှိရန် အခွင့်အရေးတို့ ပါဝင်သည်။

ရရှိနိုင်သော 💉 ကာကွယ်ဆေးများတွင် အောက်ပါတို့ ပါဝင်သည်-
၁။ အသက် ၅ နှစ်အောက် ကလေးများအတွက် ကာကွယ်ဆေးများ🤱🙋‍♀️🙋‍♂️
၂။ ကိုယ်ဝန်ဆောင်အမျိုးသမီးများအတွက် ကာကွယ်ဆေးများ🫃🫄( ကိုယ်၀န်​စောင့်​ရှောက်မှု စာအုပ် ရှိပါက ယူလာ​ပေးပါ)
၃။ အများပြည်သူအတွက် တုပ်ကွေးကာကွယ်ဆေး 👨‍👩‍👧‍👦👨‍🦼👨‍🦯🧓👵(၂၅၀၀ ဦး ရရှိနိုင်ပါသည်။

🎉ဤပွဲသည် အားလုံးအတွက် တန်းတူညီမျှပြီး ဘေးကင်းလုံခြုံသော ကာကွယ်ဆေးများ ရရှိစေခြင်း၊ လူတိုင်းအတွက် ကိုယ်ခံအားတည်ဆောက်ခြင်း၊ လူမှုအသိုင်းအဝိုင်းဘေးကင်းရေးကို သေချာစေရန် ရည်ရွယ်ပါသည်။

🎊လာရောက်ပြီး ကာကွယ်ဆေးထိုးရန်ဖိတ်ခေါ်ပါသည်။