Migrant Information Center

🎓 ထိုင်းနိုင်ငံသို့ အလုပ်မသွားမီ "ပြည်ပအလုပ်အကိုင် အသိပညာပေးသင်တန်း (Pre-departure Orientation Training - PDO)" အကြောင်း သိကောင်းစရာ (အပြည့်အစုံ)

Passport လည်းရပြီ၊ ဗီဇာလည်း အိုကေပြီဆိုရင် အားလုံးပြီးပြီလို့ ထင်ရပေမယ့် တကယ်တော့ ခရီးမထွက်ခင် ကိုယ့်ကိုယ်ကို အကာအကွယ်ပေးဖို့ အသိပညာတွေ ထပ်ဖြည့်ဖို့ လိုပါသေးတယ်။ ဒါကြောင့် အစိုးရကနေ မဖြစ်မနေ တက်ရောက်ခိုင်းတဲ့ ဒီသင်တန်းအကြောင်းကို သေချာလေ့လာကြည့်ရအောင်။

၁။ အသိပညာပေးသင်တန်း (PDO) ဆိုတာ ဘာလဲ?

ဒီသင်တန်းဟာ အလုပ်သမားညွှန်ကြားရေးဦးစီးဌာနက ဦးဆောင်ပြီး ပြည်ပထွက်ခွာမယ့် အလုပ်သမားတွေ လုပ်ငန်းခွင်ထဲမှာ အခက်အခဲမရှိစေဖို့၊ မိမိရဲ့ အခွင့်အရေးတွေကို သိရှိစေဖို့နဲ့ တစ်ဖက်နိုင်ငံရဲ့ ဥပဒေတွေကို နားလည်စေဖို့ ဖွင့်လှစ်ပေးတဲ့ သင်တန်းဖြစ်ပါတယ်။

၂။ သင်တန်းမှာ ဘာတွေကို အသေးစိတ် သင်ကြားပေးမှာလဲ?
သင်တန်းတက်တဲ့အခါ အောက်ပါအချက်တွေကို အဓိကထား ရှင်းပြပေးမှာ ဖြစ်ပါတယ် -

⚙️ အလုပ်သမားအခွင့်အရေးနှင့် တာဝန်များ: မိမိရရှိမယ့် အခြေခံလစာ၊ အချိန်ပို (OT) ကြေး၊ အလုပ်ပိတ်ရက်နဲ့ ခွင့်ရက်တွေအကြောင်း။

⚖️ ထိုင်းနိုင်ငံ၏ ဥပဒေနှင့် စည်းကမ်းများ: သွားရောက်လုပ်ကိုင်မယ့် နိုင်ငံရဲ့ ဥပဒေတွေ (ဥပဒေကျူးလွန်ရင် ဖြစ်လာမယ့် နောက်ဆက်တွဲ ပြဿနာတွေ)။

🏥 ကျန်းမာရေးနှင့် လူမှုဖူလုံရေး: လုပ်ငန်းခွင်အတွင်း ထိခိုက်မှုရှိရင် ဘယ်လိုကုသခွင့်ရမလဲ၊ လူမှုဖူလုံရေး (Social Security) အကျိုးခံစားခွင့်တွေ ဘယ်လိုရမလဲ။

💱 ငွေလွှဲခြင်းဆိုင်ရာ ဗဟုသုတ: မိမိရှာဖွေထားတဲ့ လုပ်အားခတွေကို မိသားစုဆီ တရားဝင်လမ်းကြောင်းကနေ ဘေးကင်းစွာ ဘယ်လိုလွှဲရမလဲ။

📞အရေးကြီး ဆက်သွယ်ရန် ဖုန်းနံပါတ်များ: အလုပ်ရှင်နဲ့ ပြဿနာဖြစ်တာပဲဖြစ်ဖြစ်၊ အခက်အခဲကြုံလာရင်ပဲဖြစ်ဖြစ် ဆက်သွယ်ရမယ့် မြန်မာသံရုံး၊ အလုပ်သမားသံအရာရှိရုံးနဲ့ NGO/CBO အဖွဲ့အစည်းတွေရဲ့ ဖုန်းနံပါတ်တွေ။

၃။ ဘာကြောင့် ဒီသင်တန်းကို မဖြစ်မနေ တက်ရောက်သင့်တာလဲ?

💳 OWIC (Smart Card) ရရှိရန်: ဒီသင်တန်းတက်ရောက်ပြီးကြောင်း အထောက်အထားရှိမှသာ လေဆိပ်နဲ့ နယ်စပ်မှာ မရှိမနေပြရမယ့် OWIC (အလုပ်သမားသက်သေခံကတ်ပြား) ကို ထုတ်ပေးမှာ ဖြစ်ပါတယ်။

✅ အလိမ်အညာမှ ကာကွယ်ရန်: သင်တန်းမှာ မိမိသွားမယ့် အလုပ်ရှင်၊ အလုပ်နေရာနဲ့ စာချုပ်ပါ အချက်အလက်တွေကို နောက်ဆုံးအကြိမ် ထပ်မံစစ်ဆေးနိုင်တာကြောင့် အေဂျင်စီက လိမ်လည်ပို့ဆောင်တာမျိုးကို ကာကွယ်နိုင်ပါတယ်။

✅ မိမိကိုယ်ကို ယုံကြည်မှုရှိရန်: သူစိမ်းနိုင်ငံမှာ ဘယ်လိုနေထိုင်ရမယ်ဆိုတာ ကြိုသိထားတဲ့အတွက် စိုးရိမ်စိတ်တွေ လျော့နည်းသွားစေပါတယ်။

၄။ ဘယ်သူတွေက သင်တန်းစီစဉ်ပေးမှာလဲ?

✅ MOU အေဂျင်စီဖြင့် သွားသူများ: မိမိချိတ်ဆက်ထားတဲ့ အေဂျင်စီက သင်တန်းတက်ရမယ့် ရက်နဲ့ နေရာကို စီစဉ်ပေးပါလိမ့်မယ်။

✅ မိမိအစီအစဉ်ဖြင့် သွားသူများ (PJ): သက်ဆိုင်ရာ ပြည်ပအလုပ်အကိုင် အကျိုးဆောင်ဌာနတွေမှာ စုံစမ်းပြီး ကိုယ်တိုင် တက်ရောက်ရပါမယ်။

⚠️ အရေးကြီး သတိပေးချက်
"သင်တန်းတက်စရာမလိုဘဲ OWIC ကတ် လုပ်ပေးမယ်" ဆိုတဲ့ ပွဲစားတွေရဲ့ စကားကို လုံးဝ မယုံပါနဲ့။ သင်တန်းမတက်ဘဲ ရလာတဲ့ ကတ်တွေဟာ အတုဖြစ်နိုင်သလို၊ လေဆိပ်မှာ စစ်ဆေးတွေ့ရှိရင် ထွက်ခွာခွင့် ပိတ်ပင်ခံရနိုင်ပါတယ်။

"သင်တန်းမှာ ရရှိတဲ့ ဗဟုသုတတွေဟာ ပြည်ပနိုင်ငံမှာ သင့်ကို ကာကွယ်ပေးမယ့် အကြီးမားဆုံး လက်နက်တွေ ဖြစ်ပါတယ်။"

ဒီသင်တန်းကို တက်ရောက်ခြင်းဟာ အချိန်ဖြုန်းတာမဟုတ်ဘဲ ပြည်ပမှာ အခက်အခဲမရှိ အလုပ်လုပ်နိုင်ဖို့အတွက် "အဖိုးတန်တဲ့ ဗဟုသုတတွေ" စုဆောင်းတာဖြစ်လို့ သေချာအာရုံစိုက် နားထောင်ကြဖို့ တိုက်တွန်းချင်ပါတယ်ခင်ဗျာ။

#ထိုင်းအလုပ်အကိုင် #ပြည်ပအလုပ်အကိုင်သင်တန်း

Migrant Information Center

မင်္ဂလာပါခင်ဗျာ။ Migrant Information Center ကနေ ပြန်လည်ကြိုဆိုပါတယ်။ ဒီနေ့မှာတော့ ထိုင်းနိုင်ငံမှာ အလုပ်လုပ်ကိုင်နေကြတဲ့ ကျွန်တော်တို့ရွှေ့ပြောင်းလုပ်သားတွေအနေနဲ့ မိမိတို့ရဲ့ အခွင့်အရေးတွေကို သိရှိဖို့လိုသလို၊ ဥပဒေအရ တားမြစ်ထားတဲ့ အလုပ်အကိုင်တွေကိုလည်း ရှောင်ကြဉ်ဖို့ အလွန်အရေးကြီးပါတယ်။

၂၀၂၀ ခုနှစ်၊ မတ်လ ၁၁ ရက်နေ့က ထုတ်ပြန်ထားတဲ့ မူဝါဒအရ ရွှေ့ပြောင်းလုပ်သားတွေကို လုပ်ကိုင်ခွင့်မပြုတဲ့ လုပ်ငန်း ၂၇ မျိုး ရှိပါတယ်။ အဲဒါတွေကတော့ -

- ဥပဒေပိုင်းဆိုင်ရာဝန်ဆောင်မှုလုပ်ငန်း
- ပိုးချည်လုပ်ငန်း
- အတွင်းရေးမှုးလုပ်ငန်း
- ချည်ယက်လုပ်ငန်း
- ဗုဒ္ဓရုပ်ပွားတော်ထုခြင်းလုပ်ငန်း
- စက္ကူနဲ့ ပိတ်ဖြင့်ပြုလုပ်သောထီးလုပ်ငန်း
- ပွဲစားနှင့်အေးဂျင့်လုပ်ငန်း
- ထိုင်းရိုးရာနှိပ်နည်းလုပ်ငန်း
- ကြေးထည်ကနုတ်ဖော်ခြင်းလုပ်ငန်း
- ရွှေထည် ၊ ငွေထည်လုပ်ငန်း
- ကြေးထည်လုပ်ငန်း
- ထိုင်းရိုးရာအရုပ်ပြုလုပ်ခြင်းလုပ်ငန်း
- သပိတ်ပြုလုပ်ခြင်းလုပ်ငန်း
- ဆံပင်ညှပ် ၊ အလှပြင်ခြင်းလုပ်ငန်း
- သစ်သားပန်းပုလုပ်ငန်း
- ယာဉ်မောင်းနှင်သည့်လုပ်ငန်း
- လေလံတင်အရောင်းအဝယ်လုပ်ငန်း
- ကျောက်မျက်ရတနာလုပ်ငန်း
- ပန်းယွန်းလုပ်ငန်း
- ဖျာယက်ခြင်းလုပ်ငန်း
- ယက်ကန်းလုပ်ငန်း
- စက္ကူထုတ်လုပ်ခြင်းလုပ်ငန်း
- ထိုင်းရိုးရာတူရိယာလုပ်ငန်း
- ဆေးလိပ်လိပ်ခြင်းလုပ်ငန်း
- ဧည့်လမ်းညွှန်လုပ်ငန်း
- လမ်းပေါ်လှည့်လည်ရောင်းချခြင်း
- လုပ်ငန်းထိုင်းအက္ခရာစီခြင်းလုပ်ငန်း
တွေပဲ ဖြစ်ပါတယ်။

အဲ့လုပ်ငန်းတွေဟာ ထိုင်းနိုင်ငံသားတွေအတွက်ပဲ သီးသန့်သတ်မှတ်ထားတာ ဖြစ်ပါတယ်။ အကယ်၍ ဒီတားမြစ်ထားတဲ့ အလုပ်တွေကို လုပ်ကိုင်မိရင် ဥပဒေအရ အရေးယူခံရနိုင်တဲ့အပြင် အလုပ်လုပ်ကိုင်ခွင့် (Work Permit) ပါ ထိခိုက်နိုင်ပါတယ်။

ဥပဒေအရ အရေးယူ အပြစ်ပေးမှုများ 👮🏻👮🏻‍♀️
အလုပ်သမားအတွက် ပြစ်ဒဏ် -
ဒဏ်ငွေ - ၅,၀၀၀ မှ ၅၀,၀၀၀ ဘတ်
ပြည်နှင်ဒဏ် - နေရပ်သို့ ပြန်လည်ပို့ဆောင်ခြင်းခံရမည်
ပိတ်ပင်မှု - ၂ နှစ်အတွင်း အလုပ်လုပ်ကိုင်ခွင့် (Work Permit) ပြန်လျှောက်ခွင့်မရှိပါဘူးနော်

အလုပ်ရှင်အတွက် ပြစ်ဒဏ် -
ပထမအကြိမ် - အလုပ်သမားတစ်ဦးလျှင် ၁၀,၀၀၀ မှ ၁၀၀,၀၀၀ ဘတ်အထိ ဒဏ်ငွေရိုက်ခြင်း
ထပ်မံကျူးလွန်လျှင် - ထောင်ဒဏ် ၁ နှစ်အထိ ကျခံရနိုင်ခြင်း၊ ဒဏ်ငွေ ၅၀,၀၀၀ မှ ၂၀၀,၀၀၀ ဘတ်အထိ ပေးဆောင်ရခြင်းနှင့် ရွှေ့ပြောင်းလုပ်သား ငှားရမ်းခွင့် ၃ နှစ် ပိတ်ပင်ခံရမှာပဲဖြစ်ပါတယ်။

ကဲ.. မိတ်ဆွေတို့လည်း အဲ့ဒီတားမြစ်ထားတဲ့လုပ်ငန်းတွေကိုသိသွားပြီဆိုတော့ ဒီသတင်းအချက်အလက်ကို မိမိတို့အသိမိတ်ဆွေဆီ ပြန်လည်ဝေမျှပြီး ဖြစ်လာနိုင်ချေရှိတဲ့ risk တွေကို ကျွန်တော်တို့အတူတူ လျှော့ချလိုက်ကြစို့နော်။ 📢

#ထိုင်းရောက်မြန်မာများ ゚viralシ

မင်္ဂလာပါ၊ Migrant Information Center ကနေ ပြန်လည်ကြိုဆိုလိုက်ပါတယ်ခင်ဗျာ။ ☺️

ဒီနေ့မှာတော့ ‌ကျနော်တို့ MIC page ကနေ (ဩဂုတ်လကနေစပြီး) တင်ပေးတဲ့ postတွေ အကြောင်းအရာတွေအပေါ် မိတ်ဆွေသူငယ်ချင်းတို့ရဲ့ ထင်မြင်ချက်တွေ အကြံပြုချက်တွေကို ကြိုဆိုလက်ခံခြင်းနဲ့ပတ်သက်တဲ့ survey လေးဖြေဆိုပေးရုံနဲ့ ဖုန်းဘေလ် ၅၀၀၀၀ ရမယ့်အခွင့်အရေးလေးနဲ့ မိတ်ဆက်ပေးမယ်နော်။ 📢

ဘယ်လိုမျိုးဖြေရဆိုရမလဲဆိုရင်
⬇️အောက်က Link ထဲကိုဝင် (သို့မဟုတ်)
⬇️QR Code ကို Scan ဖတ်ပြီး ဝင်ရောက်ဖြေဆို၊
📞 မိမိတို့ကိုင်ဆောင်နေတဲ့ ဖုန်းနံပါတ်လေးထည့်ပေးရုံနဲ့
ရပါပြီနော်။

🗓️ ဖြေဆိုလို့ရတဲ့သတ်မှတ်ကာလကတော့ ဒီနေ့ကနေစပြီး မတ်လ ၈ရက်နေ့အထိပါနော်။

🌟 ဖြေဆိုသူအားလုံးကို Random စနစ်နဲ့မဲဖောက်၊
ကံထူးသူ (၁၀)ဦးကိုဆက်သွယ်ပြီး ဖုန်းဘေလ် ၅၀၀၀ စီ ဖြည့်ပေးသွားမှာပါနော်။

🔗 ဖြေဆိုရမည့် Linkပါ။
https://docs.google.com/forms/d/e/1FAIpQLScCcYUNLRyX_C2eetOCOMwXOSxlB-4Ft91J6I3CeZFXm5eGNQ/viewform?usp=publish-editor

📌🤩 မှတ်ချက်။ ကံထူးသူ(၁၀)ဦးကို တစ်ဦးလျှင် ၅,၀၀၀ကျပ်နှုန်းဖြင့် ပေးအပ်သွားပါမည်။

ကဲ.. မိတ်တွေသူငယ်ချင်းတို့အနေနဲ့လည်း
ကျနော်တို့ရဲ့ Survey လေးတွေကိုဖြေဆိုရင်း မိမိသိထားတဲ့ Safe Migration အကြောင်းအရာတွေကို မသိရှိသေးတဲ့အသိမိတ်ဆွေတွေကိုမျှဝေပြီး ပိုမိုဘေးကင်းလုံခြုံတဲ့ လူမှုအသိုက်အဝန်းတစ်ခုကို အတူတူတည်ထောင်ကြစို့နော်။ 🔊😊

#ထိုင်းရောက်မြန်မာများ