God's Hand Forces

ကျေးဇူးအထူးဥပကာရတင်ရှိခြင်း

ဖေဖော်ဝါရီ (၁) ကစခဲ့တဲ့ ကျွန်တော်တို့ရန်ကုန်ယူဂျီများရဲ့ ‘ရန်ကုန်မှာ နားထွင်း စစ်တပ်ကိုတအားဗျင်း’ ကမ်ပိန်းဟာ ဒီကနေ့ မတ် (၃၁) မှာ အဆုံးသတ်ပြီဖြစ်ပါတယ်။ ပဏာမအနေနဲ့ ကမ်ပိန်းမှာပါဝင်ပေးခဲ့သူ ပြည်သူတဦးချင်းစီကို အထူးပင်ကျေးဇူးတင်၊ လေးစား၊ ဦးညွတ်ပါကြောင်း ပြောလိုပါတယ်။ ပြည်သူတွေရဲ့ထည့်ဝင်မှုကြောင့် ကြပ်တည်းတဲ့ကာလဖြစ်လင့်ကစား မျှော်မှန်းပမာဏမပြည့်ခဲ့ပေမင့် ထက်ဝက်ကျော်ရရှိခဲ့ပါတယ်။ ဒါဟာ ငွေကြေးတန်ဖိုးထက်ပိုတဲ့ တော်လှန်ရေးအပေါ် ယုံကြည်မှု တန်ဖိုးညွန်းကိန်းဖြစ်ပါတယ်။ ဒါကို ကျွန်တော်တို့ ရန်ကုန်ယူဂျီများအနေနဲ့ လေးနက်စွာ နှလုံးသွင်းပါတယ်။

ပြီးတော့ ၂ လတာ ကမ်ပိန်းကာလအတွင်း ယုံကြည်စွာမေတ္တာဖြင့်ပံ့ပိုးပေးခဲ့ပါသော ယူဂျီရဲဘော်များ၊ PDF တပ်ရင်းတပ်ဖွဲ့များ၊ သရုပ်ဆောင်များ၊ ကဗျာဆရာများ၊ Artist များ၊ ကိုယ်စားလှယ်များ နှင့် RCS ရဲဘော်များ ကို အထူးပင် ကျေးဇူးတင်ရှိပါတယ်။

ဒါ့အပြင် ဂရက်ဖစ်ဒီဇိုင်နာများ၊ ဗီဒီယိုတည်းဖြတ်သူများအပါအဝင် ကမ်ပိန်း ဖြစ်မြောက်ရေးအတွက် နောက်ကွယ်မှကူညီပေးခဲ့သူများ၊ ကိုယ်၏စောင်မခြင်း၊ နှုတ်၏စောင်မခြင်းဖြင့်ပါဝင်ပေးခဲ့သူ အားလုံး ကိုလည်း ရန်ကုန်ယူဂျီများမှ မမေ့မလျော့ ကျေးဇူးတင်နေပါတယ်။

ဒီကမ်ပိန်းဟာ ၂ လတာကမ်ပိန်းသာဖြစ်ပေမဲ့ ရန်ကုန်ယူဂျီများကို ပံ့ပိုးကူညီလိုသူ ပြည်သူများအနေနဲ့ ဒီစာမျက်နှာမှတဆင့်ဖြစ်စေ၊ God’s Hand Forces တပ်ဖွဲ့စာမျက်နှာမှဖြစ်စေ သက်ဆိုင်ရာ အဖွဲ့များ၏ စာမျက်နှာများမှ ဖြစ်စေဆက်သွယ်ပံ့ပိုးနိုင်ပါ တယ်။

အာဏာသိမ်းမှု ၅ နှစ်ကျော်ပါပြီ။ နိုင်ငံရေးအခင်းအကျင်းများစွာလည်း ဖြစ်ထွန်းပေါ်ပေါက်ပြီးပါပြီ။ အခင်းအကျင်းသစ်များလည်း အလားအလာမြင်နေရပါတယ်။ မည်သို့ပင်ဖြစ်စေကာမူ ဖက်ဒရယ် ဒီမိုကရယ်စီနိုင်ငံပေါ်ပေါက်ရေး၊ စစ်အာဏာရှင်စနစ်အပြီးတိုင်ချုပ်ငြိမ်းရေးခရီးတွင် ရည်မှန်းချက် မပြည့်မချင်း ကျွန်တော်တို့ရန်ကုန်ယူဂျီတွေအနေနဲ့ ပါဝင်နိုင်တဲ့နည်းနာအားလုံးမှာ ပါဝင်သွားမှာ ဖြစ်ပါတယ်။ မစ်ရှင်မပြီးမချင်း ‘ယူဂျီ’ အလုပ်ကို ဆက်လုပ်နေပါမယ်။

မြဲမြံခိုင်ကျည်သော တော်လှန်ရေးသစ္စာဖြင့်။

#ရန်ကုန်မှာနားထွင်းစစ်တပ်ကိုတအားဗျင်း

#စစ်အာဏာရှင်အမြစ်ပြတ်ရေး
#မြို့ပြပြောက်ကျား
#ချစ်သောရန်ကုန်