Hand Over Hand

ဘန်ကောက်မြို့က အဝေးပြေး (Express) ကားဝင်းများ

ထိုင်းနိုင်ငံကို အလည်လာရင်ပဲ ဖြစ်ဖြစ် ၊ ထိုင်းနိုင်မှာ နေထိုင်ရင်ပဲ ဖြစ်ဖြစ် တစ်ချိန်မဟုတ် တစ်ချိန်တော့ အဝေးပြေးကားတွေ စီးပြီး ခရီးဝေးတွေ သွားဖို့ကြုံကြိုက်ကြမှာပါ ၊ ထိုင်းနိုင်ငံရဲ့နယ်မြို့တွေမှာ နေထိုင်သူတွေကတော့ မြို့တိုင်းလိုလိုမှာ ကားဝင်းတစ်ခုလောက်ပဲ ရှိကြမှာ ဖြစ်ပေမယ့် ၊ ထိုင်းနိုင်ငံရဲ့ မြို့တော် ဖြစ်တဲ့ ဘန်ကောက်မှာကတော့ အဓိက အဝေးပြေးကားဝင်း(၃)ခု ရှိပါတယ် ။

ဘန်ကောက်က ကားဝင်းတစ်ခုချင်းစီဟာ ရောက်နိုင်တဲ့မြို့တွေလည်း ကွာခြားကြတာမို့ ဘန်ကောက်က အဝေးပြေးကားဝန်း (၃) ခု အကြောင်းကို ဖော်ပြပေးလိုက်ပါတယ်ဗျ။

📍Mochit Bus Terminal (Northern Bus Terminal)
ဘန်ကောက်မှာ အကြီးဆုံး အဝေးပြးကားဝင်းကတော့ Mochit ကားဝင်းပါ ၊ Mochit ကားဝင်းကို Northern Bus Terminal လို့လည်း ခေါ်ကြပါတယ် ၊ အဓိကအားဖြင့် ဒီကားဝင်းကနေ ထိုင်းနိုင်ငံမြောက်ပိုင်းကို သွားတဲ့ အဝေးပြေးကားတွေ ထွက်ကြတာမို့ Northern Bus Terminal လို့ ခေါ်တာပါ ၊ ဘန်ကောက်ရဲ့ အဓိက ကားဝန်းဖြစ်တာမို့ မြောက်ပိုင်းသွားတဲ့ ကားတွေအပြင် အခြားနေရာတွေကို ပြေးဆွဲတဲ့ ကားတွေလည်း အနည်းငယ်စီတော့ ရှိပါတယ် ။

ကားဝင်းထဲမှာ စားသောက်ဆိုင်တွေ ၊ လက်မှတ်အရောင်းကောင်တာတွေနဲ့ အခြားဈေးဆိုင်တွေလည်း အများအပြားရှိပါတယ်။ Mochit ကားဝင်းကြီးရဲ့ကားလမ်းမတစ်ဖက်ခြမ်းမှာဆိုရင်လည်း New Mochit Minivan Terminal ဆိုပြီး ဗန်ကားသီးသန့်ပြေးဆွဲတဲ့ ကားဂိတ်တစ်ခု ထပ်ပြီးတော့ ရှိပါမယ်။ ဘန်ကောက်ကနေ (၂) နာရီ (၃)နာရီလောက်သာ သွားရတဲ့ မြို့တွေကိုတော့ လိုင်းကားကြီး (Express ကားကြီး) တွေ ပြေးဆွဲလေ့ မရှိပဲ ဗန်ကားလေးတွေက အဓိက ပြေးဆွဲလေ့ ရှိပါတယ်။

📌 Mochit ကားဝန်းကနေ အဓိက စီးနိုင်မယ့် မြို့များ

✅ ထိုင်းနိုင်ငံ မြောက်ပိုင်း ➡️ ချင်းမိုင် ၊ ချင်းရိုင် ၊ မဲဆောက် ၊ ဆူကိုထိုင်း ၊ Lampang
✅ ထိုင်းနိုင်ငံ အလယ်ပိုင်း ➡️ အယုဒယ ၊ ကန်ချနပူရီ ၊ ဟွာဟင်း
✅ ထိုင်းနိုင်ငံ အရှေ.မြောက်ပိုင်း ➡️ Nakhon Ratchasima (Korat) ၊ Khon Kaen ၊ Udon Thani
✅ ထိုင်းနိုင်ငံ အရှေ.ပိုင်း ➡️ ပတ္တယား ၊ Rayong ၊ Trat
✅ ထိုင်းနိုင်ငံတောင်ပိုင်း ➡️ ဖူးခက် ၊ ခရာဘီ ၊ ဆူရာဌာနီ (ကော့စမွေ ၊ ကော့ဖငန်) ၊ Hat Yai
အခုကျွန်တော်ဖော်ပြပေးခဲ့တာက ထိုင်းနိုင်ငံထဲက ထင်ရှားပြီး အသွားအလာများတဲ့ မြို့တွေကိုသာ ဖော်ပြပေးခဲ့တာပါ။ Mochit ကားဝန်းကနေ အခြားသော မြို့တွေ နေရာတွေကိုလည်း ရောက်ရှိနိုင်ပါတယ်။

📌 Mochit ကားဝင်းကို ဘယ်လိုသွားမလဲ ?

Mochit ကားဝင်းက အဓိကကားဝင်းဖြစ်ပေမယ့် MRT/BTS မြို့ပတ်ရထားတွေစီးပြီး အလွယ်တကူသွားလို့ ရတဲ့ကားဝင်းတော့ မဟုတ်ပါဘူး ၊ BTS အစိမ်းလိုင်းမှာ Mochit ဘူတာရှိတာမို့ Mochit ဘူတာထိ ရထားစီးရုံနဲ့ ကားဝင်းနေရာကို ရောက်မယ်လို့ တချို့က ထင်တတ်ကြပါတယ်။
Mochit ဘူတာကနေ လိုင်းကားထပ်စီးမှသာ Mochit ကားဝင်းကို ရောက်နိုင်ပါမယ် ။
Mochit ကားဝင်းကို လိုင်းကားနဲ့သွားချင်ရင်တော့ မိမိနဲ့ နီးစပ်ရာမှတ်တိုင်ကနေ ဘယ်ကားရောက်သလဲဆိုတဲ့ လိုင်းကားနံပါတ်တွေကို Via Bus App ကနေ တစ်ဆင့် ကြည့်နိုင်ပါတယ်။

📍 Ekkamai Bus Terminal (Eastern Bus Terminal)

Ekkamai ကားဝင်းကတော့ ဘန်ကောက်က ကားဝင်း (၃) ခု ထဲမှာ အသေးဆုံးကားဝင်း ဖြစ်ပြီးတော့ ထိုင်းနိုင်ငံ အရှေ့ပိုင်း မြို့တွေကို သွားတဲ့ ကားတွေ အဓိကထွက်တာမို့ Eastern Bus Terminal လို့လည်း ခေါ်ကြပါတယ်။ ထိုင်းနိုင်ငံ အရှေ့ပိုင်းက နာမည်ကျော် ကမ်းခြေ ပတ္တယားကို လိုင်းကားနဲ့ သွားချင်ရင် ဒီကားဝင်းကနေ စီးတာက အဆင်ပြေဆုံးပါပဲ။

ထိုင်းနိုင်ငံအရှေ့ပိုင်းက မြို့တွေဟာ ဘန်ကောက်ကနေ (၂) နာရီကနေ (၅) နာရီလောက်ထိသာ ကားစီးရတာမို့ Ekkamai ကားဝင်းမှာရှိတဲ့ ကားအများစုက ဗန်ကားတွေနဲ့ Mini Bus တွေများပါတယ် ၊ အဝေးပြေးကားပုံစံ Express ကားကြီးတစ်ချို့လည်းရှိပါတယ်။

📌 ကားဝင်းကနေ ရောက်တဲ့နေရာတွေကတော့ ပတ္တယား ၊ ဟွာဟင်း ၊ Koh Chang ၊ Trat ၊ Koh Samet ၊ Bang Saen ၊ Chanthaburi ၊ Chonburi ၊ Samut Songkhram ၊ Chachoengsao နဲ့ Aranyanprathet တို့ဖြစ်ပါတယ် ၊

Aranyaprathet မြို့ကတော့ ထိုင်း ကမ္ဘောဒီးယား နယ်စပ်မြို.ဖြစ်တာမို့ ကမ္ဘောဒီးယားနိင်ငံကို ဆက်သွားချင်သူတွေဆိုရင် ဒီမြို့ကို ကားစီးနိုင်ပါတယ်။ ကားစီးရချိန် (၅) နာရီလောက်ကြာပါမယ်။

📌 Ekkamai ကားဝန်းကို ဘယ်လိုသွားမလဲ ?

ဘန်ကောက်ထဲက ကားဝင်းတွေအားလုံးထဲမှာ Ekkamai ကားဝင်းကို သွားရအလွယ်ကူဆုံးပါပဲ ၊ BTS အစိမ်းရောင်လိုင်းရထားကို စီးပြီး Ekkamai ဘူတာမှာ ဆင်းလိုက်တာနဲ့ ကားဝင်းဆီကို တန်းပြီးတော့ ရောက်ပါတယ်။ ကိုယ်နေတဲ့နေရာကနေ ဘယ်လိုင်းကားစီးရင် ရောက်မလဲဆိုတာကိုတော့ Via Bus App ကနေ တစ်ဆင့် ကြည့်နိုင်ပါတယ်။

📍 Sai Tai Mai Bus Terminal (Southern Bus Terminal)

Sai Tai Mai ကားဝင်းကတော့ အတော်အသင့်ကြီးမားတဲ့ ကားဝန်းတစ်ခုပါ ၊ ဒီကားဝင်းကနေပြီးတော့ ထိုင်းနိုင်ငံတောင်ပိုင်းက မြို့တွေကို သွားနိုင်တာမို့ Southern Bus Terminal လို့လည်း ခေါ်ကြပါတယ်။ ကားဝင်းထဲမှာတော့ စားသောက်ဆိုင်တွေ ၊ ဈေးဆိုင်တွေနဲ့ ကားလက်မှတ် အရောင်းကောင်တာတွေ ရှိကြပါတယ်။

Sai Tai Mai ကားဝင်းမှာကတော့ ထိုင်းနိုင်ငံတောင်ပိုင်းကိုသွားတဲ့ Express ကားကြီးတွေကို အဓိက တွေ့ရမှာ ဖြစ်ပြီးတော့ ၊ ထိုင်းနိုင်ငံအရှေ့ပိုင်းမြို့တွေဖြစ်တဲ့ ပတ္တယား ၊ ထိုင်းနိုင်ငံအလယ်ပိုင်းမြို့တွေကိုသွားတဲ့ Mini Van တွေလည်း ရှိပါတယ်။

📌 Sai Tai Mai ကားဝင်းကနေ အဓိကရောက်တဲ့ မြို့တွေကတော့ ဖူးခက် ၊ ခရာဘီ ၊ ဆူလတ်ဌာနီ ၊ ကော့စမွေ ၊ ကော့ဖငန်၊ Chumphon ၊ Ranong ၊ Hat Yai အပါအဝင် ထိုင်းတောင်ပိုင်းက မြို့တွေကို သွားပါတယ်။

📌 Sai Tai Mai ကားဝင်းကို ဘယ်လိုသွားရမလဲ ?

Sai Tai Mai ကားဝင်းက အခြားကားဝင်း (၂) ခုနဲ့ ယှဉ်ရင် ဘန်ကောက်မြို့ထဲပိုင်း ဧရိယာနဲ့ အနည်းငယ် အလှမ်းဝေးတယ်လို့ ဆိုနိုင်ပါတယ် ၊ MRT/ BTS ရထားလိုင်းတွေ မရောက်ပါဘူး ၊ SRT Red Line ကို စီးမယ်ဆိုရင်တော့ Taling Chan ဘူတာအထိ စီးပြီး ၊ ဘူတာကနေ တက္ကစီ ထပ်ငှါးစီးရမှာ ဖြစ်ပါတယ် ။ ကိုယ်နေတဲ့နေရာကနေ ဘယ်လိုင်းကားစီးရင် ရောက်မလဲဆိုတာကိုတော့ Via Bus App ကနေ တစ်ဆင့် ကြည့်နိုင်ပါတယ်။

✅ ထိုင်းနိုင်ငံမှာ အဝေးပြေးကားစီးမယ်ဆိုရင် သိထားသင့်တာလေးတွေ

ထိုင်းနိုင်ငံက အဝေးပြေးကားဝင်းတွေရဲ့လည်ပတ်ပုံက ကျွန်တော်တို့ နိုင်ငံနဲ့ ကွာခြားပါတယ် ၊ ကျွန်တော်တို့ဆီမှာဆိုရင် ကားလိုင်းတွေက ကိုယ်ပိုင် ကားဂိတ်တွေရှိပြီးတော့ ကားလိုင်းရဲ့ဂိတ်ကနေ စီးရုံပါပဲ ။ ထိုင်းနိုင်ငံမှာကတော့ ကားလိုင်းတွေဟာ ကိုယ်ပိုင်လက်မှတ်ရောင်းတဲ့ အရောင်းကောင်တာလေးတွေ ရှိပြီး အဲ့ဒီ အရောင်းကောင်တာတွေကနေ လက်မှတ်ဝယ်လို့ရသလို ၊ အွန်လိုင်းကနေ ကြိုဝယ်ထားတဲ့ လက်မှတ်တွေကိုလည်း သက်ဆိုင်ရာ အရောင်းကောင်တာမှာ Physical Ticket ပြန်လဲရမှာ ဖြစ်ပါတယ် ၊

Physical Ticket ပြန်လဲပြီးရင် ရလာတဲ့ လက်မှတ်မှာ ကိုယ်ကားစီးရမယ့် Platform No ပါမှာဖြစ်ပြီး ၊ သက်ဆိုင်ရာ Platform ကနေ သွားစောင့်စီးရပါတယ် ။ ကားအများစုက ကားမထွက်မှီ (၁၅) မိနစ်အလိုခန့်မှ Platform ကို ရောက်လာပြီး ခရီးသည်များတင်ဆောင်ကာ ပြန်ထွက်သွားတတ်ကြပါတယ်။Platform တစ်ခုထဲမှာ ကားလိုင်းပေါင်းစုံက ဝင်လိုက်ထွက်လိုက်နဲ့ ခရီးသည်တင်ဆောင်လေ့ ရှိတာမို့ အချို့တွေကားမှားစီးတက်ကြပါတယ် ၊ ကိုယ်တက်ရမယ့် ကားမှန် မမှန်ကို သက်ဆိုင်ရာ ကားမောင်းသူ ၊ ယာဉ်နောက်လိုက်တွေကို လက်မှတ်ပြပြီး သေချာမေးပြီးမှ စီးပါလို့ အကြံပေးပါရစေ။

မှတ်ချက် ။ ။လွတ်လပ်စွာ မျှဝေနိုင်ပါတယ်။ တဆင့်ပြန်ကူးတင်ခြင်း ခွင့်မပြုပါ

မနက်ဖြန် ပို့မယ် Blind Box တွေ
ညတွင်းချင်း ထုတ်ပိုးနေပါပြီ

BKK မှာရှိတဲ့ လူသုံးကုန် ၊ စားသောက်ကုန် ၊ အဝတ်အထည် နှင့် အလှအပပစ္စည်းတွေ
BKK U Kaung ဆီ မှာယူ လို့ရတယ်နော်

ယံုကြည်စိတ်ချစွာအလုပ်အပ်နိုင်ပြီး အမြန်ဆုံးနဲ့အတန်ဆုံးဝန်ဆောင်မှုပေးပါတယ်ခင်ဗျ ✌️
🙏🙏🙏

ထိုင်းနိုင်ငံ မှာရှိတဲ့ BKK Made တွေလိုချင်တယ်ဆို
အခုပဲ page messenger ကနေမှာယူလိုက်တော့နော် 👋