She Stories

Relationship တစ်ခုမှာ တချို့ အမျိုးသမီးတွေက ကြိုးကိုင်ခြယ်လှယ်ခံနေရတတ်ပါတယ် အမျိုးသားအများစုက သူတို့ဘာလုပ်လိုက်ရင် လိုချင်တာကို ရနိုင်တယ်ဆိုတာကို သိကြပါတယ်
အမျိုးသမီးတွေအနေနဲ့ ဒီအချက်ကို သတိထားသင့်ပါတယ် အစိုးရိမ်လွန်တာ မဟုတ်ပါဘူး သတိရှိနေတဲ့သဘောပါ
ကိုယ့်ကို ဘယ်လိုလာပြီး ရစ်ပတ်ဖွဲ့နှောင်မလဲဆိုတာကို နားလည်ထားရင် အသုံးချ မခံရအောင် ကာကွယ်နိုင်ပါတယ် ဒီကိစ္စမှာ အမျိုးသမီး တစ်ဦးချင်းစီရဲ့ ပင်ကိုယ်စရိုက်နဲ့ တိုက်ရိုက်သက်ဆိုင်ပါတယ်အမျိုးသမီး အများစုက တစ်ဦးတည်းသီးသန့် နေတတ်ကြပါဝာယ် သူများက စကားတစ်ခွန်းပြောလိုက်ရင် ဟုတ်မဟုတ်ကို အာရုံခံပြီး ခံစားသိမြင်နေတတ်တာက အမျိုးသမီးတွေရဲ့ အားသာချက်ပါ ဒါပေမဲ့ သူနဲ့ပတ်သတ်နေတဲ့ အမျိုးသားက တစ်ဖက်လူကို လွှမ်းမိုး ချုပ်ကိုင်တတ်တဲ့သူဆိုရင် ကိုယ်ထင်နေတာတွေက မှားနေသယောင် ပြောပါလိမ့်မယ် အဲဒီအချိန်မှာ ကိုယ့်စိတ်ထဲမှာ ထင်နေပေမယ့် အရမ်းအပိုတွေ လုပ်မိနေသလား အစိုးရိမ်လွန်နေတာလားလို့ ထင်သွားနိုင်ပါတယ် သူပြောတာတွေ မှန်မမှန် စစ်ဆေးဖို့ ကိုယ့်မှာ မိတ်ဆွေ အပေါင်းအသင်း များများစားစားမရှိဘူး ကိုယ်က တစ်ယောက်တည်းနေတတ်တာကြောင့် အရာအားလုံးကို ကိုယ်တစ်ယောက်တည်း ဆုံးဖြတ် အဖြေရှာရပါတယ် အဲဒီလို အချက်တွေကြောင့် ပြဿနာတွေ ဖြစ်ရတော့တာပါ လူလိမ်တစ်ယောက်အတွက်တော့ တကယ့်ကို လိမ်လို့ကောင်းတဲ့သူဖြစ်နေပါတယ်
တစ်ဖက်မှာရှိတဲ့ အမျိုးသားကတော့ လူတွေကို အသုံးချနေကြပါ ဒီလိုအမျိုးသားတွေကတော့ လူအများနဲ့ ပေါင်းသင်းဆက်ဆံတတ်ပြီး သိတတ်နားလည်တဲ့သူပါ လူ့အဖွဲ့အစည်းက သတ်မှတ်ထားတဲ့ စည်းကမ်းတွေကိုလည်း လိုက်နာစရာမလိုဘူးလို့ တွေးတတ်တဲ့ အတွေးအခေါ်မျိုး သူ့မှာရှိနေတတ်ပါတယ်
ရုပ်ရည်ကလည်း အသင့်အတင့်ရှိပြီး သူ့ကိုယ်သူ ယုံကြည်ချက် ရှိတတ်ကြပါတယ် သူ့ကိုယ်သူတော့ သံသယတွေနဲ့ ရစ်ပတ်ဖွဲ့နှောင်မခံပါဘူး သူက သူနဲ့ ပုံစံမတူနဲ့ အမျိုးသမီးကို စိတ်ဝင်စားပါတယ် အမျိုးသမီးရဲ့ ကိုယ်ချင်းစာစိတ်တွေ ဂရုစိုက်တတ်မှုတွေကို သူက ဘယ်လို အသုံးချရမလဲဆိုတာကို ကောင်းကောင်းသိပါတယ် ဒါက အရမ်းကို အန္တရာယ်ရှိတဲ့ အခြေအနေပါ အောင်မြင်တဲ့ အမျိုးသမီးတွေက လိမ်ဖို့ ဒါမှမဟုတ် ကြိုးကိုင်ခြယ်လှယ်ဖို့ အလွယ်ဆုံးသူတွေ ဖြစ်နေတတ်ပါတယ် လူတစ်ယောက် အောင်မြင်လာဖို့ဆိုရင် ညွှန်ကြားချက်တွေကို လိုက်နာပြီး အောင်မြင်အောင် ဆောင်ရွက်ရတာပါ
အောင်မြင်တဲ့သူတွေက
ညွှန်ကြားချက်တွေကို ကောင်းကောင်းလိုက်နာနိုင်ပါတယ် အမိန့်အာဏာတွေကို လိုက်နာ သင်ယူနိုင်ပါတယ် ကန့်သတ်ချက်ဘောင်တွေအတွင်းမှာ အလုပ်လုပ်ရတာကို ကျင့်သားရပြီးသားပါ ကြိုးကိုင်ခြယ်လှယ်သူတစ်ယောက်က ကိုယ့်ဆီကိုဝင်လာပြီး ညင်ညင်သာသာ အကြံပေးသလိုပုံစံနဲ့ အမိန့်တွေ ပေးနေပြီဆိုရင် အမျိုးသမီးက လိုက်နာတတ်ပါတယ် အဲဒါက ဒီအမျိုးသမီးရဲ့ အားနည်းချက်ပါ
သတိပေးချင်တာကတော့ ကိုယ့်စိတ်က ထင်နေပြီဆိုရင် အဲဒါတွေက တကယ်မှန်ပါတယ် ကိုယ်တကယ်မြင်ထားတာ ကြားထားတာတွေပါ စိတ်ထင်တာမဟုတ်ပါဘူး သက်သေအထောက်အထားရှိပါတယ်
ကိုယ့်ကို ပစ်မှတ်ထားတဲ့လူလိမ်က ကိုယ့်စိတ်ကို မယုံအောင်လုပ်ထားတာပါ 'အပိုတွေလုပ်နေတယ်' 'အတွေးလွန်နေတယ်'ဆိုပြီး ကိုယ့်ကိုယ်ကို စိတ်ရှုပ်သွားအောင် လုပ်လိုက်ပါတယ် အဲဒါကလည်း သူတို့ရဲ့ လက်နက်ပါ
ကိုယ့်စိတ်က လူတစ်‌ယောက်ကို မကောင်းဘူးလို့ထင်ရင် တကယ် ဟုတ်ပါတယ် အဲဒါကြောင့် ကိုယ့်ရဲ့ မသိစိတ်ကို ယုံကြည်လိုက်ပါ အပေါင်းအသင်းများများရှိအောင်လုပ်ပါ ကိုယ့်ရဲ့ အောင်မြင်မှုတွေကို တစ်ဖက်လူတွေက အသုံးချနေတာမျိုး မလုပ်ပါစေနဲ့

မနာလိုဖြစ်နေတဲ့သူတွေ မေးတတ်တဲ့ မေးခွန်း (၅) ခု
မေးခွန်း (၁) ကိုယ်က ပစ္စည်းကောင်းတာလေးတစ်ခု ဝယ်လိုက်တဲ့အချိန်မှာ ဘယ်လိုလုပ်ပြီး ဒီလိုပစ္စည်းမျိုး ဝယ်နိုင်တာလဲ သူတို့ မေးချင်တဲ့သဘောက ကိုယ့်ကို ဂုဏ်ပြုပေးချင်တာ ကိုယ်နဲ့ ထိုက်တန်တယ်လို့ ပြောချင်တာ မဟုတ်ဘူး ကိုယ်အဆင်ပြေတာကို မြင်နေရတာကို သည်းမခံနိုင်တာ ကိုယ် ဒီပစ္စည်းတစ်ခုကို ဘယ်လိုဝယ်နိုင်လဲဆိုတာကို ရှင်းပြစေချင်တာ ကိုယ့်ကို အပြစ်ရှိတယ်လို့ ခံစားစေချင်တာ ဒီပစ္စည်းက ကိုယ်နဲ့ မတန်ဘူးလို့ ထင်စေချင်တာ
သူတို့ကို ပြန်ပြီးတော့ ရှင်းပြနေရပြီဆိုရင် ကိုယ့်ရဲ့အပျော်တွေ ပျောက်သွားပါပြီ သူတို့မေးတာကို ပြန်ဖြေတဲ့အခါမှာ 'ဈေးလျှော့ပေးလို့ ဝယ်လိုက်တာပါ' 'ဒါလေးဝယ်နိုင်ဖို့ ပိုက်ဆံတွေ အကြာကြီးစုထားရတာ' 'ဒီလောက်လည်း ဈေးမကြီးပါဘူး'ဆိုတာမျိုး ပြောလိုက်ရရင် ကိုယ့်ရဲ့ ပျော်ရွှင်မှုတွေ လျော့ပါးသွားရပါပြီ ကိုယ့်ကိုယ်ကိုယ် သေးသိမ်သွားရအောင် ကိုယ့်ရဲ့ ပျော်ရွှင်မှုတွေအတွက် သူ့ကို ပြန်ပြီး တောင်းပန်ရအောင် ပြောတာပါ
မေးခွန်း (၂) 'ဒီကိစ္စက အဆင်ပြေပါ့မလား' ဆိုတဲ့မေးခွန်းပါ
ဥပမာ ကိုယ်က အလုပ်အသစ်ရတာ/မြို့ကြီးတစ်မြို့ကို ပြောင်းနေတာ/ လုပ်ငန်းတစ်ခု စတင်တာ/ ပညာအသစ်တစ်ခု သင်ယူတာ အစရှိသဖြင့် ကောင်းတဲ့ကိစ္စတစ်ခု အဆင်ပြေတဲ့ကိစ္စတစ်ခုလုပ်တော့မယ့်အချိန်မှာ ဒီလိုမေးခွန်းမျိုးကို မေးတတ်တာပါ ကိုယ့်ရဲ့ အစီအစဉ်ကို သိချင်လို့ အကူအညီပေးချင်လို့ မေးတာမဟုတ်ပါဘူးနော် စိတ်ထဲမှာ ကိုယ့်ကိုယ်ကိုယ် သံသယ ဝင်လာအောင် မေးတာပါ ကိုယ်အဆင်ပြေသွားတာတဲ့အချိန်မှာ သူတို့ကိုယ်သူတို့ နောက်ကျကျန်ရစ်ခဲ့ပြီလို့ ခံစားရတာကြောင့် ကိုယ် အဆင်ပြေသွားမှာကို စိုးရိမ်ပြီး မေးတဲ့မေးခွန်းပါ ကိုယ့်ရဲ့ ရဲရင့်မှုတွေကိုကြည့်ပြီး သူတို့ကြောက်နေတာပါ သူတို့က နောက်ကျကျန်ရစ်ခဲ့တဲ့အချိန်မှာ ကိုယ်က ရှေ့ရောက်နေတာကို မြင်ရတာ စိတ်မသက်မသာ ဖြစ်တာပါ သူတို့ရဲ့ စကားကြောင့် ကိုယ့်ရဲ့ စိတ်လှုပ်ရှားမှုတွေ လျော့သွားပြီး ကိုယ်လုပ်နေတာတွေ မှားနေပြီလားဆိုတဲ့ စိတ်မျိုးနဲံ သံသယတွေ ဝင်လာနိုင်ပါတယ်
မေးခွန်း (၃) 'မင်းကိုယ်မင်း ဘယ်လိုလူလို့ ထင်နေတာလဲ' ' မင်းက ပြောင်းလဲသွားပြီ' ' မင်းကိုယ်မင်း ငါတို့ထက် ပိုသာတယ်လို့ ထင်နေတာလား' ဆိုတဲ့ မေးခွန်းမျိုးတွေပါ ကိုယ်က ပိုပြီးအဆင်ပြေလာတာ ပိုပြီး ပြုံးရွှင်လာတာ အဝတ်အစားကောင်းကောင်းတွေ ပိုဝတ်လာတာ သူတို့တွေနဲ့ သိပ်မပေါင်းတော့တာတွေ ကိုယ့်ကို မလေးမစား ဆက်ဆံတာတွေကို လက်မခံတော့တာတွေပါ ကိုယ့်ကိုယ်ကိုယ် အပြစ်ရှိတယ်လို့ ခံစားရအောင် အရင်လိုပဲ သိမ်သိမ်ငယ်ငယ် ပြန်နေအောင် ပြောတာပါ ကိုယ်က ပိုပြီး ပျော်ရွှင်နေတာ ကျန်းမာနေတာ ပိုပြီး ယုံကြည်မှုရှိလာတာကို မြင်ပြီး စိတ်ဆိုးတာပါ သူတို့သာ သူငယ်ချင်းကောင်းဆိုတာ 'အခုလို အောင်မြင်လာတာကို မြင်ရလို့ တကယ်ဂုဏ်ယူပါတယ်' 'တော်လိုက်တာ' 'မင်းတကယ် လုပ်နိုင်တာပဲ' ဆိုတာမျိုးပဲ ပြောမှာပါ
မေးခွန်း (၄) 'နည်းနည်းပိုမနေဘူးလား' 'အခုတစ်လော အရမ်းကြွားနေတာပဲ' ဆိုတဲ့ စကားမျိုးပဲ ကိုယ့်ကိုယ်ကိုယ် ရှက်သွားအောင် မနေတတ်မထိုင်တတ်ဖြစ်သွားအောင် မေးတာပါ ကိုယ့်ကို လိုလားတဲ့သူဆိုရင် ကိုယ်ပျော်နေတာကိုမြင်ရင် စိတ်ဓာတ်ကျသွားအောင် ပြောမှာ မဟုတ်သလို ကိုယ်အဆင်ပြေနေတာတွေကိုကြည့်ပြီး မျက်စိနောက်နေမှာလည်း မဟုတ်ပါဘူး
မေးခွန်း (၅) 'တစ်ယောက်ယောက်က ကူညီပေးထားတာလား'
ရာထူးတိုးတာ လုပ်ငန်းကြီးတစ်ခု လုပ်နိုင်တာ လှပတဲ့ အရာတစ်ခုခုကို ဖန်တီးနိုင်တာ အစရှိတဲ့ အကြီးအကျယ် အောင််မြင်သွားတဲ့အချိန်မှာ မေးပါလိမ့်မယ်
ကိုယ့်ကို ချီးမွမ်းချင်တာ/ အရမ်းတော်တယ်လို့ ပြောချင်တာမဟုတ်ပါဘူး ကိုယ့်ကို တော်တယ်လို့ လက်ခံချင်တာ မဟုတ်ပါဘူး ကိုယ့်ကိုယ်ကိုယ် ငါက ဒီလောက်လည်း လုပ်နိုင်တဲ့သူ မဟုတ်ပါဘူးလို့ ထင်လာအောင် ငါနဲ့ သိပ်မတန်ဘူးလားလို့ထင်လာအောင် ပြောိုက်တာပါ
ဒီလို မေးခွန်းမျိုးတွေ အမေးခံရပြီဆိုရင် မကြောက်ပါနဲ့ အတင်းမငြင်းပါနဲ့ ကိုယ့်ဘာသာ လုပ်စရာရှိတာလုပ်ပါ သူတို့က ကိုယ့်ကို မနာလိုနေတာမှန်းသိရင် သူတို့နဲ့ ဝေးတဲ့နေရာမှာ သွားနေပြီး ကိုယ့်ကိုယ်ကိုယ် ကာကွယ်ဖို့လုပ်ပါ

ပေါင်းသင်းဆက်ဆံရေးတွေ
Relationship တွေ နဲ့
လုပ်ငန်းကိုင်ငန်း ကိစ္စတွေမှာ
အောင်မြင်ဖို့ဆိုရင်
လူတွေအကြောင်း ပိုသိဖို့ လိုပါတယ်
"Surrounded by idiots"ဆိုတဲ့ စာအုပ်ထဲမှာ လူလေးမျိုးရှိတယ်လို့ပြောထားပြီး လူတွေကို အရောင်တွေနဲ့ ခွဲပြထားတယ်

၁။ အနီရောင်
ရဲရင့်တယ်
ဆုံးဖြတ်ချက် ပြတ်သားတယ်
အနိုင်လိုချင်စိတ်ရှိတယ်
စိတ်မရှည်ဘူး
လူတွေက သူတို့ကို အေးစက်တယ် ခက်ထန်တယ်လို့ မြင်ကြတယ်
သူတို့နဲ့ စ‌ကားပြောတဲ့နေရာမှာ ကိုယ်ပြောတဲ့စကားကို နားဝင်စေချင်ရင် မြန်မြန်ဆန်ဆန်နဲ့ ထိရောက်တဲ့စကားမျိုး
ကိုယ်ပြောနေတဲ့ ကိစ္စတစ်ခုကနေ
ဘယ်လိုရလဒ်တွေ ရလာစေမလဲဆိုတာကို သေချာပြောနိုင်ဖို့ လိုပါတယ်
အသေးစိတ်အချက်အလက်တွေ အများကြီး ပြောပြတာကို သူတို့က သဘောမကျပါဘူး

၂။ အဝါရောင်
ပျော်ပျော်နေတတ်ပြီး လူတွေနဲ့ ပေါင်းသင်းဆက်ဆံရတာကို သဘောကျတယ် စိတ်အားထက်သန်တယ် အကောင်းမြင်စိတ်များတယ် တစ်ခုခုကို အကြာကြီး အာရုံမစိုက်နိုင်ဘူး
သူတို့ကို တစ်ခုခု ပြောပြတော့မယ်ဆိုရင်
သူတို့ ကိုယ်တိုင်လက်တွေ့ လိုက်လုပ်လို့ရမယ့် လွယ်လွယ်ကူကူ အကြောင်းအရာမျိုးကိုပဲ ပြောပေးပါ

၃။ အစိမ်းရောင်
အေးအေးချမ်းချမ်းနေတတ်တယ်
တည်ငြိမ်တယ်
သူများကို ကူညီတတ်တယ်
စိတ်ချရတယ်
စိတ်ရှည်တယ်
သတိကြီးတယ်
အားနည်းချက်
ပြဿနာတစ်ခုခုရှိရင်သေချာမဖြေရှင်းဘဲ ရှောင်နေတတ်တယ်
ဆုံးဖြတ်ချက် မပြတ်သားဘူး
သူတို့က ဘာပဲလုပ်လုပ်ခပ်နှေးနှေးနဲ့ အေးအေးဆေးဆေးပဲ လုပ်တတ်တာကြောင့် သူတို့ကို အတင်းတွန်းအားပေးတာမျိုး မလုပ်သင့်ပါဘူး

၄။ အပြာရောင်
ကျိုးကြောင်းဆီလျော်အောင် စဉ်းစားတတ်တယ်
အစီအစဉ်တကျ လုပ်တတ်တယ်
တိကျတယ်
သူတို့ရဲ့ အားနည်းချက်တွေကတော့ ရှုပ်ထွေးလွန်းတယ်
နှေးကွေးလွန်းတယ်
စဉ်းစားချင့်ချိန်စရာတွေ အရမ်းများတယ်
သူတို့တွေက
အသေးစိတ်ကို သိချင်ကြတယ်
ပြီးပြည့်စုံမှုကိုပဲ လက်ခံတယ်
အချက်အလက်နဲ့ ပြောဆိုနိုင်မှ သဘောကျကြပါတယ်
ပေါ့ပျက်ပျက်နဲ့ ခပ်လွယ်လွယ်ပြောရင် လက်မခံနိုင်ကြပါဘူး
ကျွန်မတို့ လူသားတွေက ကိုယ့်ရဲ့ ပင်ကိုယ်အရောင်တစ်ခုစီ ရှိကြပါတယ် ၄ ရောင်လုံးတော့ မဖြစ်နိုင်ပါဘူး လူတွေနဲ့ ပေါင်းသင်းဆက်ဆံပြီး ပြောဆို ဆက်ဆံရေး အောင်မြင်ဖို့အတွက်ဆိုရင် မိမိရဲ့ အလိုကျ ဖန်တီးနိုင်ဖို့ဆိုရင် သူတို့ရဲ့ အကြောင်းတွေ သူတို့ ဘာကို ကြိုက်တတ်လဲဆိုတာတွေကို အသေးစိတ် သိထားဖို့ လိုပါတယ်
ဒါဆိုရင် လူမှုဆက်ဆံရေးမှာ ကျွမ်းကျင်ပိုင်နိုင်ပြီး လုပ်ငန်းခွင်အတွင်းမှာသာမက တစ်ဘဝလုံးကို ပြောင်းလဲပေးနိုင်မှာပါ