AnoniMus

လူအများစုက သူတို့စိတ်ထဲထင်ရာမြင်ရာဆွဲပြောတတ်ကြတယ်။

ကိုယ့်ပတ်ဝန်းကျင်မှာရှိတဲ့သူတွေရဲ့ အမျိုးမျိုးသော ဝေဖန်ပြောဆိုမှုတွေကြောင့် စိတ်ညစ်နေရတဲ့သူတွေအတွက် Ella အနီးစပ်ဆုံး ဥပမာလေးတစ်ခုပြောပြချင်တယ်။

ဒါကတော့ Ella အကြိုက်ဆုံးအဆိုတော် “Justin Bieber” အကြောင်းပေါ့။
သူဆိုရင် သူ့ရဲ့ အမျိုးသမီး “Hailey” နဲ့ ယူတုန်းက
အမေရိကန်မှာ နေထိုင်ခွင့်ရအောင် မိန်းမကောက်ယူလိုက်တာပါဆိုပြီး လူတွေကဝေဖန်ကြတယ်။ သူက
ကနေဒါနိုင်ငံသားဆိုတော့ အမေရိကန်မှာ နေထိုင်ခွင့်ရဖို့ အမေရိကန်နိုင်ငံသားကိုယူရတယ်ပေါ့လေ။ ဒါကတစ်ချက်ပေါ့။ ဟုတ်လား မဟုတ်လားလည်း ဘယ်သူကမှ အတိအကျမသိနိုင်ဘူး။

နောက်တစ်ခါကျတော့ သူတို့ရဲ့ အိမ်ထောင်ရေးမှာ နှစ်တွေကြာလာပြီးနောက် ကလေးမရတော့ ဒါသူတို့ကွဲတော့မယ်။ Justin က နိုင်ငံသားဖြစ်သွားပြီမို့ Hailey နဲ့ကွာရှင်းတော့မှာဆိုပြီး ပြောကြပြန်တယ်။ Social media ပေါ်က ပုံတွေကြည့်ပြီး Justin က မပျော်ရွှင်ရပါဘူးဆိုပြီး ထပ်ပြီး
ဝေဖန်ကြပြန်ရော။

ဒီလိုနဲ့ ဟိုနေ့က “Hailey” ကိုယ်ဝန်ရှိနေပြီဖြစ်ကြောင်း ကြေညာလိုက်တော့ ဘာထပ်ပြောကြလဲဆိုတော့ “အိမ်ထောင်ရေးပြိုကွဲမှာစိုးလို့ ကလေးယူလိုက်ရတာပါ” “ကလေးက သနားဖို့ကောင်းလိုက်တာ” စသဖြင့် အမျိုးမျိုး ထပ်ပြီးဝေဖန်ပြောဆိုကြပြန်တယ်။

ဒီ story မှာ Ella ပြောပြချင်တာကတော့
လူတွေက ကိုယ့်ရဲ့အကြောင်းကို သေချာမသိကြဘဲနဲ့
သူတို့စိတ်ထဲထင်သလို သူတို့ရဲ့ စိတ်နဲ့နှိုင်းပြီးတော့
ကိုယ့်ကို အထင်သေး အမြင်သေးနဲ့ နှိမ်ချပြောဆိုတတ်ကြတယ်။ ဒီလိုဝေဖန်မှုတွေက ဘဝမှာ ကြုံရမှာပဲပေါ့နော်။ ဒါပေမဲ့ Justin & Hailey လိုပဲ သူတို့ကိုလူတွေဘာပြောပြော သူတို့သည် “မီလျှံနာသူဌေး” တွေဖြစ်တယ်၊ “နာမည်သိအနုပညာရှင်” တွေဆိုတဲ့ ဂုဏ်ကတော့ ပျောက်သွားမှာမဟုတ်ဘူး။

ဒါကြောင့်မို့ လူတွေဘယ်လိုပဲပုတ်ခတ်ပြောဆိုနေပါစေ
ကိုယ်သည် ကိုယ်ပဲဖြစ်ပါတယ်။
ကိုယ့်ရဲ့ အရည်အချင်းကို ဘယ်သူကမှ လာပြီးဆွဲချလို့မရပါဘူး။
ပြောဆိုဝေဖန်မှုတွေသည် သူတို့ရဲ့ စိတ်ဓါတ်နဲ့ နှိုင်းပြီး ပြောဆိုကြတာမို့ ဒါကို ဂရုမစိုက်နေဘဲ ကိုယ့်လမ်းကိုယ်သာလျှောက်ပြီး အောင်မြင်မှုရအောင်သာ ကြိုးစားပြလိုက်ပါ။

Ella 👩🏻‍⚖️🇺🇸