DN

ဢၼ်ၼၢင်းယိင်းတေႁဵတ်းမႅၼ်ႈတင်းၽိတ်း
=============================
လွင်ႈတင်းၶေႃႈထၢမ် ဢၼ်ၶုၼ်ႁေႃၶမ်းမိလိၼ်ႇတထၢမ်။
"ၸဝ်ႈႁဝ်းတီႈၶႃႈ ပုတ်ႉထၽြႃးပဵၼ်ၸဝ်ႈႁေႃးဝႆႉဝႃႈ ၼၢင်းယိင်းတင်းသဵင်းၼႆႉ၊ ( 1 ) တူၺ်းသုၼ်ႇလႆႈသုၼ်ႇပဵၼ်သေ ၸၢင်ႈႁဵတ်းမႅၼ်ႈတင်းၽိတ်း၊ ( 2 )တီႈၽိတ်ႇလပ်ႉ တီႈပိူၼ်ႈဢမ်ႇႁၼ်ၼၼ်ႉၵေႃႈၶဝ်ၸၢင်ႈႁဵတ်းမႅၼ်ႈတင်းၽိတ်းယူႇယဝ်ႉ၊ ( 3 ) သမ်ႉထႅင်ႈ ပေႃးၵေႃႉတုၵ်းယွၼ်းမႃးၼၼ်ႉ မိူၼ်ၸဝ်ႈၽူဝ်တူဝ်ၵဝ်ႇၼၼ်ႉၸိုင် ၸၢင်ႈႁဵတ်းမႅၼ်ႈတင်းၽိတ်းယူႇယဝ်ႉ၊ ( 4 ) သင်ဝႃႈဢမ်ႇၸၢင်ႈလႆႈၽႂ်သေၵေႃႉၵေႃႉၵေႃႈ ၵေႃႉမီးတိၼ်မိုဝ်းပုတ်း ဢၼ်ဢင်ႇၵႃႇလၵ်ႉၶၼႃႇဢမ်ႇတဵမ်ထူၼ်ႈၼၼ်ႉ ၶဝ်ၸၢင်ႈႁဵတ်းၽိတ်းမႅၼ်ႈယူႇယဝ်ႉ။ ၵူၺ်းၵႃႈ 'ၼၢင်းဢမရႃႇတေႇဝီႇ ဢၼ်ပဵၼ်မေးၼၢင်းၸဝ်ႈမီးပၼ်ႇၺႃႇ ၸဝ်ႈမႁေႃႇသထႃႇၼၼ်ႉ၊ သမ်ႉဝႃႈဢသၢၵ်ႈတိုၵ်ႉလဵၵ်ႉ လႆႈၽၢတ်ႇယၢၼ်ၽူဝ်သေယဝ်ႉဢမ်ႇၵႃး လႆႈယူႇတီႈၽိတ်ႇလပ်ႉတႃပိူၼ်ႈသေ၊ မီးၵူၼ်းၸၢႆးဢၼ်မိူၼ်ၸဝ်ႈၶုၼ်မိူၼ်ၽူဝ်တူဝ်ၵဝ်ႇ၊ ဢဝ်ပႃးငိုၼ်းၼိုင်ႈႁဵင်(ငိုၼ်းၼိုင်ႈႁဵင်ပၢၼ်ပုၼ်ႉ)မႃးတုၵ်းယွၼ်းႁႂ်ႈႁဵဵဵဵဵဵဵဵတ်းလွင်ႈဢမ်ႇလီ ၼႆလႄႈသင်ႁၼ်မီးၶႃႈဢေႃႈ၊ ၸဝ်ႈႁဝ်း ၼႂ်းၵႂၢမ်းသွင်ၶေႃႈၼၼ်ႉ သင်ဝႃႈၶေႃႈၵႂၢမ်းတင်းၼႃႈမၢၼ်ႇၸိုင် ၶေႃႈၵႂၢမ်းတင်းလင်ၽိတ်းၶႃႈဢေႃႈ သင်ဝႃႈၵႂၢမ်းတင်းလင်မၢၼ်ႇၸိုင်ၶေႃႈၵႂၢမ်းတင်းၼႃႈသမ်ႉတေၽိတ်းၶႃႈဢေႃႈ ၶေႃႈၵႂၢမ်းမီးတီႈပွင်ႇသွင်မဵဝ်းၸိူင်ႉၼႆ မီးမႃးၶႃႈယဝ်ႉ ၶႅၼ်းတေႃႈၸဝ်ႈႁဝ်းတွပ်ႇၵႄႈၶႆပၼ်သေၵမ်း။

(ၶုၼ်ႁေႃၶမ်းမိလိၼ်ႇတၼႆႉ မၼ်းလႆႈႁူႉဝႃႈ ပုတ်ႉထၸဝ်ႈၼႆႉႁေႃးဝႆႉဝႃႈ ၼၢင်းယိင်းၸၢင်ႈႁဵတ်းမႅၼ်ႈတင်းၽိတ်းၼႂ်းသီႇလွင်ႈတင်းဢၼ်လၢတ်ႈမႃးပႃႈၼိူဝ်ၼၼ်ႉ ၵူၺ်းၼႃႇ'ၼၢင်းဢမရႃႇတေႇဝီႇ”ၼႆႉသမ်ႉ ယူႇၼႂ်းလွင်ႈတၢင်းၼၼ်ႉယူႇသေတႃႉ ယွၼ်ႉသင်မၼ်းဢမ်ႇႁဵတ်းၽိတ်း၊ ယွၼ်ႉလွင်ႈတၢင်းသွင် ဢၼ်ပုတ်ႉထၸဝ်ႈႁေႃး လႄႈ ဢၼ်ပဵၼ်မႃးၼၼ်ႉ ဢမ်ႇၵႂႃႇမိူၼ်ၵၼ်လႄႈ မၼ်းၸင်ႇမီးၶေႃႈထၢမ်ထိုင်ၸဝ်ႈရႁၢၼ်းၼႃႇၵသေႇၼယူႇယဝ်ႉ။

ၵမ်းၼၼ်ႉၸဝ်ႈရႁၢၼ်းၼႃႇၵသေႇၼၸင်ႇတွပ်ႇဝႃႈ ၶေႃႈၵႂၢမ်းတင်းသွင်ဢၼ်မႅၼ်ႈၼင်ႇၵၼ်ယဝ်ႉ၊ ၼၢင်းဢမရႃႇတေႇဝီႇၼၼ်ႉ သင်ဝႃႈ တီႈသၢင်ႇထုၵ်ႇလႄႈသင်၊ တီႈၽိတ်ႇလပ်ႉလႄႈသင်၊ ၵေႃႉတုၵ်းယွၼ်းမႃးပိူၼ်ၽူဝ်လႄႈသင်၊ လႆႈယူႇႁၢင်ႇၵႆၽူဝ်လႄႈသင်၊ တေႁဵတ်းၵၢၼ်ဢမ်ႇလီယူႇယဝ်ႉ။ ၵူၺ်းၵႃႈ ၽိူဝ်ႇၼၢင်ဢမရႃႇတေႇဝီႇ မႃးဝူၼ်ႉသွၼ်ႇတူၺ်းယဝ်ႉ လွင်ႈသင်ႇထုၵ်ႇလႄႈသင် ၵေႃႉတုၵ်းယွၼ်း ဢၼ်မိူၼ်ၽူဝ်တူဝ်ၵဝ်ႇလႄႈသင် ဢမ်ႇႁၼ်မႅၼ်ႈလႄႈ ၼၢင်းဢမရႃႇတေႇဝီႇ ၸင်ႇဢမ်ႇႁဵတ်းမႅၼ်ႈၵၢၼ်ဢမ်ႇလီၼၼ်ႉယဝ်ႉ။
ၸဝ်ႈရႁၢၼ်းၼႃႇၵသေႇၼၵေႃႈ ၸင်ႇသိုပ်ႇလၢတ်ႈထႅင်ႈဝႃႈ ၸဝ်ႈၶုၼ်လူင် ၼႂ်းမိူင်းၵူၼ်းလူင်ၼႆႉ 1။ ၵွပ်ႈၵူဝ်ပိူၼ်ႈသေႉၼေးလႄႈသင်၊ 2။ ၸၢတ်ႈတေမႃးၵွပ်ႈၵူဝ်တူၵ်းငရၢႆးလႄႈသင်၊ 3။ ၵွပ်ႈဝူၼ်ႉႁၼ်မႅၼ်ႈ ယွၼ်ႉၵၢၼ်ဢမ်ႇလီသေ တေလႆႈၽွၼ်းၸၼႆလႄႈသင်၊ 4။ ၵွပ်ႈဢမ်ႇၽႃႈလႆႈၽူဝ်ႈႁၵ်ႉလႄႈသင်၊ 5။ ၵွပ်ႈၼပ်ႉယမ်ၽူဝ်လႄႈသင်၊ 6။ ၵွပ်ႈၼပ်ႉယမ်တြႃး ၶေႃႈသင်ႇသွၼ်လီလႄႈသင်၊ 7။ လီမိူဝ်ႇလီၸၢၼ်ႈလွင်ႈၵၢၼ်ဢမ်ႇလီလႄႈသင်၊ 8။ ၵွပ်ႈဢမ်ႇၶႂ်ႈႁႂ်ႈဢၵျၢင်ႉၸဝ်ႈၵဝ်ႇလူႉလႄႈသင် ၵွပ်ႈၸိူဝ်းၼႆႉသေ သုၼ်ႇတႃႇႁဵတ်းၵၢၼ်ဢမ်ႇလီၼၼ်ႉ ၸင်ႇဢမ်ႇမီးယဝ်ႉ။
ၸဝ်ႈရႁၢၼ်းၼႃႇၵသေႇၼ ၸင်ႇသိုပ်ႇလၢတ်ႈထႅင်ႈဝႃႈ ၸဝ်ႈၶုၼ်လူင် ၼၢင်းဢမရႃႇတေႇဝီႇၼႆႉ မၼ်းၸင်ႇမႃးဝူၼ်ႉတူၺ်းထႅင်ႈဝႃႈ 1။ ပႅၵ်ႉသမ်ႉလႆႈတီႈၽိတ်ႇလပ်ႉတီႈပိူၼ်ႈဢမ်ႇႁၼ်သေတႃႉၵေႃႈ၊ တႃႇၽီၶဝ်တႄႉဢမ်ႇလပ်ႉလႆႈ၊ 2။ တႃႇၽီၶဝ်လပ်ႉလႆႈယူႇသေတႃႉၵေႃႈ တႃႇရႁၢၼ်းတႃႇၶဝ်ၸဝ်ႈ ၸိူဝ်းႁူႉၸႂ်ပိူၼ်ႈၼၼ်ႉတႄႉ ဢမ်ႇလပ်ႉလႆႈ၊ 3။ တႃႇရႁၢၼ်းတႃႇၶဝ်ၸဝ်ႈၸိူဝ်းႁူႉၸႂ်ပိူၼ်ႈၼၼ်ႉ လပ်ႉလႆႈယူႇသေတႃႉ တႃႇၽီၶဝ်ၸိူဝ်းႁူႉၸႂ်ပိူၼ်ႈၼၼ်ႉတႄႉဢမ်ႇလပ်ႉလႆႈ၊ 4။ တႃႇၽီၶဝ်ၸိူဝ်းႁူႉၸႂ်ပိူၼ်ႈၼၼ်ႉလပ်ႉလႆႈယူႇသေတၵေႃႈ တႃႇတူဝ်ၵဝ်ႇတႄႉဢမ်ႇလပ်ႉလႆႈ တူဝ်ၵဝ်ႇႁူႉလီသေပိူၼ်ႈယဝ်ႉဝႃႈႁဵတ်းသင်ၼႆ။ ပႅၵ်ႉသမ်ႉလႆႈတီႈလပ်ႉယူႇသေတၵေႃႈ ဢၼ်တေႁဵတ်းၼၼ်ႉသမ်ႉ ဢမ်ႇၶဝ်ႈၶႂၢင်ႇတြႃးလႄႈ ၸင်ႇဢမ်ႇပဵၼ်ႁဵတ်းလွင်ႈဢမ်ႇလီယူႇယဝ်ႉ။

ၵမ်းလိုၼ်းသုတ်းၼႆႉ ၸဝ်ႈရႁၢၼ်းၼႃႇၵသေႇၼၸင်ႇဝႃႈ ၸဝ်ႈၶုၼ်လူင် ၼၢင်းဢမရႃႇတေႇဝီႇၼႆႉ မၼ်းဝူၼ်ႉတူၺ်းယဝ်ႉ ၵေႃႉဢၼ်တုၵ်းယွၼ်းမႃးဢၼ်မိူၼ်ၸဝ်ႈၽူဝ်တူဝ်ၵဝ်ႇၼၼ်ႉဢမ်ႇမိူၼ်ၼင်ႇၵဝ်ႇ၊ ယွၼ်ႉသင်ဢမ်ႇမိူၼ်လႃႇပေႃးၼႆ၊ၸဝ်ႈၶုၼ်လူင်ႁဝ်းပႆႉထွမ်ႇတူၺ်းၼႃႈ ၸဝ်ႈႁရၢၼ်းဝႃႈၼႆတီႈၶုၼ်ႁေႃၶမ်းယူႇ ၸဝ်ႈၶုၼ်လူင် ၸဝ်ႈမီးပၼ်ႇၺႃႇမႁေႃႇသထႃႇၼႆႉ 1။ ႁတ်းႁၢၼ် 2။ လီဢၢႆလွင်ႈဢမ်ႇလီ၊ 3။ ၵူဝ်လွင်ႈဢမ်ႇလီ၊ 4။ မီးဢူၺ်းၵေႃႉၼမ်၊ 5။ ဢူၺ်းၵေႃႉလီတဵမ်ထူၼ်ႈ၊ 6။ မေႃယိူၼ်ႉၵၼ်ႈ၊ 7။ မီးသိၼ်၊ 8။ မေႃလၢတ်ႈၵႂၢမ်းၸိုဝ်ႈၸႂ်ႈ၊ 9။ ဢၵျၢင်ႉတင်းၵမ်ၸိုၼ်ႈသႂ်ႇလီ၊ 10။ ဢမ်ႇမေႃၸႂ်လမ်၊ 11။ ၸႂ်ၽႅၼ်သုင်မႃႇၼဢမ်ႇမီး၊ 12။ ဢမ်ႇမေႃၶီႈၵေႉႁေႈတႃပိူၼ်ႈ၊ 13။ မီးတင်းၶတ်းၸႂ်၊ 14။ မေႃႁဵတ်းႁႂ်ႈပဵၼ်၊ 15။ မေႃယုၵ်ႉယွင်ႈပိူၼ်ႈ၊ 16။ ၶူဝ်းၶွင်တူဝ်ၵဝ်ႇမေႃၸႅၵ်ႇၽႄပၼ်ပိူၼ်ႈ၊ 17။ မေႃလၢတ်ႈၵႂၢမ်းၶဝ်ႈလွင်ႈ၊ 18။ မေႃဝႆႉၸႂ်တႅမ်ႇ၊ 19။ ဢူၼ်ႈဢွၼ်ႇလီ၊ 20။ ဢမ်ႇမီးၸႂ်ၵူတ်ႉ၊ 21။ ဢမ်ႇမေႃၵိၼ်ၸိၵ်းတွၵ်ႇၸွၵ်းပိူၼ်ႈ၊ 22။ မီးတင်းမေႃပူၼ်ႉပိူၼ်ႈ၊ 23။ ၸိုဝ်ႈသဵင်လီ၊ 24။ တင်းမေႃတဵမ်ထူၼ်ႈ၊ 25။ မေႃၸွႆႈထႅမ်ႁႂ်ႈပိူၼ်ႈၶိုၼ်ႈယႂ်ႇ၊ 26။ ၵူၼ်းတင်းၼမ်မုင်ႈမွင်း၊ 27။ ၶူဝ်းၶွင်ငိုၼ်းၶမ်းၼမ်၊ 28။ ပီႈၼွင်ႉၸိူဝ်ႉၶိူဝ်းၼမ် မီးၼမ်ႉၵတ်ႉတင်းၶႅၼ်ႇ၊ ၼၢင်းဢမရႃႇတေႇဝီႈၼႆႉ ၵွပ်ႈဢမ်ႇႁႃႁၼ်လႆႈၵေႃႉမီးဢင်ႇၵႃႇလၵ်ႉၶၼႃႇ 28 မဵဝ်းၼႆႉလႄႈ ၵၢၼ်ဢမ်ႇလီၼၼ်ႉၸင်ႇဢမ်ႇႁဵတ်းယူႇ။ ပႅၵ်ႉသမ်ႉတေပဵၼ်ၵေႃႉတဵမ်ထူၼ်ႈလူၺ်ႈ 28မဵဝ်းၸႂ်ႉႁဵတ်းသေတၵေႃႈ ယွၼ်ႉတူဝ်ၵဝ်ႇႁူႉလွင်ႈၽိတ်းလွင်ႈထုၵ်ႇလႄႈ တိုၼ်းတေဢမ်ႇၸၢင်ႈႁဵတ်းမႅၼ်ႈတင်းၽိတ်းလႆႈ။
ၶုၼ်ႁေႃၶမ်းမလိၼ်ႇတလႆႈငိၼ်းၶေႃႈတွပ်ႇၼႆသေ ၸင်ႇပွင်ႇၸႂ်ၵႂႃႇယူႇယဝ်ႉ။

ပုတ်ႉထၽြႃးပဵၼ်ၸဝ်ႈႁေႃးဝႆႉဝႃႈ ၼၢင်းယိင်းတင်းသဵင်းၼႆႉ၊ ( 1 ) တူၺ်းသုၼ်ႇလႆႈသုၼ်ႇပဵၼ်သေ ၸၢင်ႈႁဵတ်းမႅၼ်ႈတင်းၽိတ်း ဢၼ်ဝႃႈၼႆႉ ယွၼ်ႉတေလႆႈၽွၼ်းလီသေဢၼ်ဢၼ် မိူၼ်ၼင်ႇတေလႆႈငိုၼ်းလႆႈၶမ်း လႆႈၼႃႈလႆႈတႃ သေလႄႈတေၸၢင်ႈႁဵတ်းၽိတ်း ( 2 )တီႈၽိတ်ႇလပ်ႉ တီႈပိူၼ်ႈဢမ်ႇႁၼ်ၼၼ်ႉၵေႃႈၶဝ်ၸၢင်ႈႁဵတ်းမႅၼ်ႈတင်းၽိတ်း ဢၼ်ဝႃႈၼႆႉသမ်ႉ ၼႆႉတႄႉဢမ်ႇဝႃႈတေပဵၼ်ၽႂ် ၸိူဝ်းမီးတင်းယၢမ်ႈဢမ်ႇလီၼၼ်ႉ တီႈလပ်ႉၽိတ်ႇတႃပိူၼ်ႈဢိတ်းၼိုင်ႈၵူၺ်းၵေႃႈပဵၼ်တိုဝ်ႉတင်းလီတႃႇမၼ်းတေလႆႈႁဵတ်းလွင်ႈလီယဝ်ႉ မိူၼ်ၼင်ႇၽႂ်ဢမ်ႇႁၼ်သေ လၵ်ႉၶူဝ်းၶွင်ပိူၼ်ႈ ၵၼ်ႉၸၼ်လူလၢႆဢဝ်တၢႆပိူၼ်ႈ ၼႆၸၵႂႃႇ ( 3 ) သမ်ႉထႅင်ႈ ပေႃးၵေႃႉတုၵ်းယွၼ်းမႃးၼၼ်ႉ မိူၼ်ၸဝ်ႈၽူဝ်တူဝ်ၵဝ်ႇၼၼ်ႉၸိုင် ၸၢင်ႈႁဵတ်းမႅၼ်ႈတင်းၽိတ်း ဢၼ်ဝႃႈၼၼ်ႉၵေႃႈ ယွၼ်ႉႁၵ်ႉၵေႃႉႁၵ်ႉတူဝ်ၵဝ်ႇၼႃႇႁႅင်း ဢမ်ႇလိူဝ်လႆႈၸႂ်ႁၵ်ႉ တင်းႁၵ်ႉသီႇၶွင်ႇၼၼ်ႉမႃးလပ်ႇပႅတ်ႈလွင်ႈလီလီသေ တေၸၢင်ႈႁဵတ်းမႅꧣ််််််ႈလွင်ႈဢမ်ႇလီ၊ မိူၼ်ၼင်ႇႁဝ်းတေၵႆႉလႆႈႁၼ်ၼႂ်းၸိူင်း ယွၼ်ႉႁၵ်ႉၵေႃႉႁၵ်ႉၼႃႇလႄႈ ပေႃးဝႃႈၵေႃႉႁၵ်ႉတူဝ်ၵဝ်ႇၼၼ်ႉ သင်ႇႁႂ်ႈႁႅမ်ပိူၼ်ႈၼႆၵေႃႈလႆႈႁဵတ်းတႃႇႁႂ်ႈၵေႃႉႁၵ်ႉတူဝ်ၵဝ်ႇႁၼ်ဝႃႈႁဝ်းႁၵ်ႉၶဝ်တေႉ ယဝ်ႉၵေႃႈႁႂ်ႈၶဝ်ႁၢၼ်ႉၸႂ်တီႈလႆႈႁဝ်းပဵၼ်ၵေႃႉႁၵ်ႉၼႆယူႇ ( 4 ) သင်ဝႃႈဢမ်ႇၸၢင်ႈလႆႈၽႂ်သေၵေႃႉၵေႃႉၵေႃႈ ၵေႃႉမီးတိၼ်မိုဝ်းပုတ်း ဢၼ်ဢင်ႇၵႃႇလၵ်ႉၶၼႃႇဢမ်ႇတဵမ်ထူၼ်ႈၼၼ်ႉ ၶဝ်ၸၢင်ႈႁဵတ်းၽိတ်းမႅၼ်ႈယူႇယဝ်ႉ ဢၼ်ၼႆႉတႄႉယုမ်ႇဝႃႈတေပွင်ႇၸႂ်ၵၼ်ယူႇ။
တင်းၽိတ်းဢၼ်ၶဝ်တေႁဵတ်းမႅၼ်ႈၼၼ်ႉ ဢမ်ႇၸႂ်ႈလႄႈပဵၼ်တင်းၽိတ်းမဵဝ်းလဵဝ် 1။ တင်းၽိတ်းဢၼ်ႁဵတ်းယဝ်ႉသေတေမႃးတိူဝ်ႉၶိုၼ်းတူဝ်ႇ မိူၼ်ၼင်ႇလႆႈလၵ်ႉၶူဝ်းၶွင်ပိူၼ်ႈ လႆႈတဵၵ်းတဵင်ငႅၼ်းသေးပိူၼ်ႈ လႆႈႁဵတ်းႁၢႆႉပေႃႉထုပ်ႉပိူၼ်ႈ လႄႈ လႆႈၵိၼ်လဝ်ႈသူႇယႃႈ၊ 2။ တင်းၽိတ်းဢၼ်ႁဵတ်းယဝ်ႉသေ ၽွၼ်းၸသူင်ႇထိုင်ပႃးၵူၼ်းၼႂ်းမုင်ႉႁေႃႁိူၼ်းတူဝ်ၵဝ်ႇ မိူၼ်ၼင်ႇၶႃႈႁႅမ်တူဝ်ၸႂ်ပိူၼ်ႈတၢႆၸိူဝ်းၼႆႉ။
3။ တင်းၽိတ်းဢၼ်ႁဵတ်းယဝ်ႉသေ ၽွၼ်းၸသူင်ႇထိုင်ၼႂ်းလွင်ႈတင်းႁၵ်ႉ မိူၼ်ၼင်ႇလႆႈႁဵတ်းၽိတ်းမႅၼ်ႈ ၵဝ်ပိူၼ်ႈၼွၵ်ႈသေၸူႉတူဝ်ၵဝ်ႇ ယူႇၸွမ်းပိူၼ်ႈၼွၵ်ႈသေ ၵေႃႉႁၵ်ႉတူဝ်ၵဝ်ႇ ၸိူဝ်းၼႆႉၸၢင်ႈဢဝ်ၽွၼ်းႁၢႆႉသူင်ႇထိုင် ၼႂ်းလွင်ႈတင်းႁၵ်ႉယူႇယဝ်ႉ။
တေမီးထႅင်ႈတင်းၼမ်ဢမ်ႇလႆႈလၢတ်ႈထိုင် ၵူၺ်းၵႃႈၼႂ်းလိၵ်ႈႁူဝ်ၼႆႉ ႁႂ်ႈၵူႈၵေႃႉမေႃဝူၼ်ႉပၼ်ပႃး ၽၢႆႇလီႁႂ်ႈလီ ၽၢႆႇႁၢႆႉမေႃမူၼ်ႉမေးသေၵမ်း ဢမ်ႇၸႂ်ႈလႄႈဝႃႈတေပဵၼ်ၵူႈၵေႃႉ ဢမ်ႇၸႂ်ႈလႄႈဝႃႈတေႁဵတ်းၽိတ်းၵူႈၵေႃႉ ၶႂ်ႈဝႃႈၼႆႉတႄႉဢမ်ႇဝႃႈတေပဵၼ်ၽူႈၸၢႆးႁိုဝ်ၽူႈယိင်း ၸဝ်ႈမုၼ်ႁိုဝ်ၼၢႆးၶၢဝ် ၵေႃႉဢၼ်ၶၢတ်ႇသတိ ၵေႃႉဢၼ်လူင်တူဝ်လိုမ်းၶိင်းၼၼ်ႉ တေၸၢင်ႈႁဵတ်းၽိတ်းၼႆၵူၺ်း။

ၶႃႈႁဝ်း တိတ်ႉဢွၼ်ႇ။
ဢိင်ဢဝ်မႃးတီႈ ပပ်ႉမိလိၼ်ႇတပၼ်ႁႃ လႄႈပၢႆႈဝူၼ်ႉတူဝ်ႇ။

#fbreelsfypシ゚viralシ