StreamingBy Reno

လူငယ် တိုင်းမှ မိသားစုများဆီသို့

"လူငယ်တိုင်းမှ မိသားစုများဆီသို့"

ပြီးခဲ့တဲ့ (၂၈) ရက်နေ့ ၊ စစ်ကိုင်းကို အခြေပြုဖြစ်ပွါးခဲ့တဲ့ ပြင်းအား (၇.၇) ရစ်ချက်တာစကေးရှိ ငလျင်ဘေးကြောင်း မန္တလေး ၊ စစ်ကိုင်းမြို့အနီးတစ်ဝိုက်က ပြည်သူတွေမှာ အသက်အိုးအိမ်စည်းစိမ်တွေ ပျက်စီးဆုံးရှုံးခဲ့ရပါတယ်။

ဒီဖြစ်စဉ်မှာ အဆိုးဆုံးကဏ္ဍအနေနဲ့ ငလျင်ရဲ့ ဗဟိုချက်မမှာရှိတဲ့ စစ်ကိုင်းတိုင်းအတွက် အထောက်အပံ့ ၊ အကူအညီမှန်သမျှကို လွယ်လွယ်ကူကူစိမ့်ဝင်စီးဆင်းနိုင်ခြင်းမရှိအောင် အကြမ်းဖက် စစ်ကောင်စီက တားဆီးထားတယ်ဆိုတာပါ။

ဒါ့အပြင် ငလျင်ဘေးဒဏ်သင့်ထားတဲ့နေရာတွေကိုပါ စကစက အခုအချိန်အထိ လေကြောင်း တိုက်ခိုက်မှုတွေ လုပ်ဆောင်နေတာ အားလုံး မျက်မြင်ပါပဲ။

နောက်ထပ်တစ်ချက်အနေနဲ့ကတော့ ကျွန်တော်တို့တတွေသာ စကစရဲ့ မတရားစစ်အာဏာသိမ်းမှုကြောင့် အိမ်ပြေးလူငယ်တွေ မဖြစ်ခဲ့ဘူးဆိုရင် အခုလိုအချိန် ပြည်တွင်းမှာ ကိုယ်တတ်နိုင်တဲ့အားနဲ့ တစ်ထောင့်တစ်နေရာကကူညီခွင့်ရနေမှာ သေချာပါတယ်။

ဒါကြောင့် ကျွန်တော်တို့လိုအတွေးရှိတဲ့ လူငယ်တွေရဲ့ အားကို ယုံကြည်အားကိုးပြီး ငလျင်ဘေးသင့် စစ်ဘေးရှောင် စစ်ကိုင်းတိုင်းအတွက် ရရာနည်းလမ်းနဲ့ ကူညီနိုင်ဖို့ (၇) ရက်တာ ကမ်ပိန်းလေးကို စတင်လိုက်ပါတယ်။

ဒီကမ်ပိန်းက စစ်ကိုင်းတိုင်းအတွင်းမှာရှိတဲ့ ငလျင်ဘေးသင့် စစ်ဘေးရှောင်ဒေသတွေကို ရရာနည်းလမ်းနဲ့ အကူအညီတွေ စိမ့်ဝင်စီးဆင်းမှာ ဖြစ်ပြီးတော့ ပါဝင်ကူညီလိုသူတွေအနေနဲ့ ကမ်ပိန်းကာလ ဧပြီလ (၁) ရက်နေ့ကနေ (၇) ရက်နေ့အတွင်း ကူညီနိုင်မှာဖြစ်ပါတယ်။

ဒါကြောင့် ဒီကမ်ပိန်းနဲ့ပတ်သက်ပြီး အချိန်နဲ့တပြေးညီသိရှိနိုင်ဖို့ RCS နဲ့ ကူညီကြဖို့ ပထမဆုံးတောင်းဆိုချင်ပါတယ်ခင်ဗျာ။

#လူငယ်တိုင်းမှမိသားစုများဆီသို့ကမ်ပိန်း