EAGLE RA

BBM - ဇန်နဝါရီ ၁၅
သတင်း - နိုင်နိုင်

ဓညဝတီရေတပ်ဌာနချုပ်အနီး ကာကင်းစခန်းနေရာတွေမှာ တိုက်ပွဲပြင်းထန်နေပါတယ်။

ရခိုင်ပြည်၊ ကျောက်ဖြူမြို့နယ်၊ သစ်ပုတ်တောင်လမ်းပိုင်းရှိ ဓညဝတီရေတပ်ဌာနချုပ်အနီး ကာကင်းစခန်းနေရာတွေမှာ အာရက္ခတပ်တော် AA နဲ့ စစ်ကောင်စီတပ်တို့ တိုက်ပွဲတွေ ပြန်လည်ပြင်းထန်နေတယ်လို့ ကျောက်ဖြူစစ်ရေး သတင်းရင်းမြစ်တွေဆီက သိရပါတယ်။

ပြီးခဲ့တဲ့ ဇန်နဝါရီလ ၁၃ ရက်နေ့က စတင်ကာ ဓညဝတီရေတပ်ဌာနချုပ်ကို သွားရာလမ်းပိုင်းရှိ ကာကင်းစခန်းတွေဖြစ်ကြတဲ့ ပျားတဲနဲ့ ကပ်သပြေကျေးရွာအနီးမှာ အာရက္ခတပ်တော် AA နဲ့ စစ်ကောင်စီတပ်တို့ ထိတွေ့တိုက်ပွဲတွေ ဖြစ်ပွားခဲ့ကြတယ်လို့လည်း သိရပါတယ်။

အာရက္ခတပ်တော် AA ဟာ အဲဒီကာကင်းစခန်းတွေအနီးမှာ တိုက်ပွဲတွေဖြစ်ပွားတာနဲ့အတူ ဓညဝတီရေတပ်ဌာနချုပ်အနီးကိုလည်း လက်နက်ကြီးတွေပစ်ခတ်တိုက်ခိုက်မှုတွေ ပြုလုပ်နေပြီး စစ်ကောင်စီတပ်ကလည်း ပြန်လည်ပစ်ခတ်ကာ အပြန်အလှန်လက်နက်ကြီး ပစ်ခတ်တိုက်ခိုက်မှုတွေ ရှိနေတယ်လို့လည်း AA နဲ့နီးစပ်တဲ့ကျောက်ဖြူ စစ်ရေးသတင်းရင်းမြစ်တစ်ဦးက ပြောပါတယ်။

"ဓညဝတီရေတပ်ဌာနချုပ်ဘက်ကိုတော့ AA က တိုးနေတာရှိပါတယ်၊ ကာကင်းစခန်းတွေဖြစ်တဲ့ ကပ်သပြေတို့၊ ပျားတဲ့တို့ဘက်မှာ တိုက်ပွဲတွေပြင်းထန်နေလို့ ရေတပ်ဌာနချုပ်ဘက်က လက်နက်ကြီးတွေ အတော်လေးပစ်ခတ်နေတာပါ၊ သူပစ်ကိုယ့်ပစ် ပစ်ခတ်နေကြတာပါ" လို့ ကျောက်ဖြူဒေသခံ စစ်ရေးသတင်းရင်းတစ်ဦးက BBM ကို ပြောပါတယ်။

စစ်ကောင်စီတပ်သားတွေဟာ ဓညဝတီရေတပ်ဌာနချုပ်ကနေ လက်ရှိ AA က သိမ်းထားတဲ့ စစ်တောလမ်းဆုံနဲ့ သိုင်းချောင်းကျေးရွာအနီးကို အင်အားအများအပြားနဲ့ စစ်ကြောင်းထိုးလာတာကြောင့် ကပ်သပြေနဲ့ ပျားတဲကျေးရွာအရောက်မှာ AA ရဲ့ ကြားဖြတ်တိုက်ခိုက်မှုကို ခံခဲ့ရတာလို့ သိရပါတယ်။

အဆိုပါ တိုက်ပွဲတွေအတွင်း စစ်ကောင်စီတပ်သားတွေရဲ့ ကျဆုံးမှုအခြေအနေတွေကို BBM က ဆက်လက်စုံစမ်းနေဆဲဖြစ်ပြီး တိုက်ပွဲအတွင်းမှာလည်း စစ်ကောင်စီတပ်သားတစ်ချို့ လက်နက်ချအညံ့ခံတာနဲ့ ထွက်ပြေးတာတွေရှိနေတယ်လို့လည်း သိရပါတယ်။

"တိုက်ပွဲဖြစ်ရင် စစ်ကောင်စီတပ်သားတွေ စစ်မြေပြင်မှာ စစ်မတိုက်ကြဘဲ ထွက်ပြေးကြတာပိုများပါတယ်၊ သူတို့က လေကြောင်းတွေနဲ့ ဒရုန်းလက်နက်တွေပါမှ ရှေ့တန်းကိုထွက်ဝံ့ကြတာပါ၊ မဟုတ်ရင် မထွက်ဝံ့ကြပါဘူး၊ တိုက်ပွဲအတွင်းမှာ ထွက်ပြေးသွားကြတဲ့ စကစတပ်သားတွေကိုလည်း AA က လိုက်လံဖမ်းဆီးမှုတွေ ရှိပါတယ်" လို့ AA စစ်ရေးသတင်းရင်းမြစ် တစ်ဦးက ပြောပါတယ်။

အလားတူ အာရက္ခတပ်တော် AA ဟာ အမှတ် ၃၂ ရဲတပ်ရင်းရှိတဲ့လမ်းပိုင်းက မင်းတက်တောင်နဲ့ ပြိုင်းစေ့ကေကျေးရွာဘက်တွေကိုလည်း ထိုးစစ်ဆင်လာတာရှိနေပြီး လက်နက်ကြီးတွေနဲ့ စစ်ကောင်စီတပ်ရဲ့ ကာကင်းစခန်းတွေကို ပစ်ခတ်တိုက်ခိုက်မှုတွေ ရှိနေတယ်လို့လည်း သိရပါတယ်။

ကျောက်ဖြူမြို့နယ်ကို AA က အခုနှစ် ၂၀၂၆၊ နှစ်ဆန်းပိုင်းမှာ စတင်ကာ ထိုးစစ်အရှိန်မြှင့်တိုက်ခိုက်လာနေတာကြောင့် မြို့နယ်အတွင်းရှိ စစ်ကောင်စီတပ်ရင်းအသီးသီးက တပ်မိသားစုဝင်တွေဟာ ရန်ကုန်နဲ့ ဘေးလွတ်ရာနေရာတွေကို ထွက်ပြေးတိမ်းရှောင်မှုတွေ ရှိနေကြတယ်လို့လည်း သိရပါတယ်။

ရခိုင့်မြေ၌
ရခိုင့်
အာရက္ခတပ်တော် ULA AA

crd

#ရခိုင်မြေသတင်း #ရခ်ိုင့်တပ်တော်

ရခိုင်ဆိုတာ
အရင်တစ်ခေတ်တစ်ခါက ကိုယ့်ထီးကိုယ့်နန့်နဲ့
နှစ်ပေါင်းများစွာ နေလာခဲတဲ့ လူမျိုးကြီးတစ်မျိုးဖြစ်တယ်။

အမျိုးလောက်ကောင် စံရဖွယ်ကောင်တွေ သစွာဖောက်တော့
ရခိုင်တွေရဲ့ ထီးနန်းလည်းပျောက်
မင်းဆက်လည်း ပျောက်ကွယ်ခဲရသည်။

ရခိုင်တွေရဲ့ အသည်းနှလုံးထဲမှာ
မမေ့နိုင်တဲ့ ဒီဇင်ဘာ ၃၁ ရက်ဆိုတာ အဖြစ်ဆိုးကြီး ဝမ်းနည်းဖွယ်ကောင်းဆုံးသော ဒီဇင်ဘာအဖြစ်ဆိုးဖြစ်ပေါ်ခဲသည်။

ထီးနန်းပျောက် မင်းဆက်ပျောက်ကွယ်ကတည်းက
တစ်ပါးသူရဲ့ လက်အောက်မှာ
နှစ်ပေါင်းများစွာ နေလာခဲရတဲ့ ရခိုင်တွေဟာ
ယနေ့ထိတိုင်
ကိုယ့်လူမျိုး ကိုယ့်ဘာသာ ကိုယ့်ရိုးရာတွေကို မပျောက်ကွယ်သွားအောင်
ထိန်သိမ်းနိုင်ခဲသော လူမျိုးတစ်မျိုးအဖြစ် တည်ရှိနေခဲသည်။

နောက်နောင် နှစ်ပေါင်းများစွာ ကမ္ဘာတည်နေသရွေ့
ရခိုင်ဆိုတဲ့ အမည်ဏာမ မပျောက်ကွယ်သွားအောင်
စောင့်ထိန်းရမှာ ရခိုင်သူရခိုင်သားတိုင်း၏ လူမျိုးတာဝန်ကြီးတစ်ခုဖြစ်သည်။

ရခိုင်ဆိုတဲ့ လူမျိုးအမည်ဏာမ မပျောက်ကွယ်သွားအောင်
နောင်လာနောင်သားတွေဟာလည်း
ရခိုင်သွေးစစ်စစ် ဖြစ်လာဖို့ ရခိုင်သားတိုင်း၏ စောင့်ထိန်းတည်ဆောက်ရမယ့် တာဝန်တစ်ခုဖြစ်သည်။

ဒါကြောင်း
ရခိုင်ဆိုတာ ခေတ်အဆက်ဆက် ကမ္မာတည်သရွေ့ရှိနေဖို့
ကိုယ်လူမျိုးကို တန်ဖိုးထားဖို့လိုသလို ချစ်ခင် မေတ္တာပွားနေဖို့လည်း အလွန်အရေးပါသည်။

ဘယ်သူပျက်ပျက် မပျက်ပျက် ကိုယ်မပျက်စေရဘူးလို့
ကိုယ့်အသည်းနှလုံးသားထဲမှာ
အမျိုးစောင့် ကဗ္ဗည်းတိုင် စိုက်ထူထားတဲ့ အမျိုးသမီးအမျိုးသား ကောင်းများ ပွားများနေဖို့ လိုပါသည်။

ရခိုင်ဆိုတာ ရခိုင်အဖြစ် ရှိနေဖို့
ကိုယ့်စီတာဝန် ရှိရမယ်ဆိုတဲ့ အသိတရားကို
အသက်ရှင်နေသရွေ့ မြဲမြဲ ကိုင်ဆောင်ထားပါ။

#ရခိုင့်မြေ #ရခိုင်လူမျိုး #မျိုးစောင့်သူ