Tishreen Architecture Engineering

ببداية رجعتنا بهل فترة . رح نحاول نتساعد بالامتحان . مين عندو أي استفسار او اسئلة بأي مادة رح نتساعد لنحل كلشي :)

نتائج المفاضلة عمارة :
دمشق 2233
اللاذقية 2197
حلب 2203
حمص 2208
السلمية - حماة 2217

التوقعات :)
منحكي بشكل عام
كلنا منعرف انو المفاضلة بتوقف ع عدة أمور منها
عدد المتقدمين / الاستيعاب الجامعي / نسبة النجاح بالمسابقة
القبول بالمسابقة بتشرين كان السنة الماضية بحدود ال 700 طالب و السنة هي تقريبا 715 طالب يعني مافي فرق بس في عنا قرار زيادة نسبة القبول بنسبة 10 % و هاد الشي بأثر ايجاب على المفاضلة يعني في احتمال تنزل شي بسيط
السنة الماضية بتشرين كانت العمارة 217،1 السنة حسب توقعاتي 216.5 تقريبا
لكن بنفس الوقت أحد دكاترة العمارة خبرني انو ممكن تطلع شي بسيط و هون بصير تضارب بين المنطق و حكي الدكاترة يعني عمارة تشرين احتمالاتا متعددة بس مجالا صغير يعني بين 216 و 217.5 هاد المتوقع :) و بالنسبة للموازي احتمال الزيادة اكتر من احتمال النقص و هون ما بعرف ليش بس حكي دكتور :)

دمشق :
القبول بالمسابقة هائل 1758 طالب
و هاد اكتر من السنة الماضية و ممكن يرفعها بحدود ال علامة و نص و زيادة نسبة القبول بتخفضا كمان شوي يعني بيطلع المحصل
زيادة علامة عن السنة الماضية
و الموازي يبقا ثابتا حسب كلام الدكتور :)
و بالنهاية هي توقعات لا حدا يفكر فيا كتير
انطرو قدركون و ما حدا يخاف
توفقو بفرعكون و اجتهدو شو ما كان
و لا تنطرو لانو هل شي ما رح يغير موعد صدور المفاضلة
و بزكركون مرة تانية هي توقعااات يعني ممكن يطلع حكيي صح او غلط
و بتمنى الخير للكل و انشالله يطلعلكون يلي بدكونياه
بتمنى ما كون طولت و دمتم سالمين احلا شباب و صبايا :)
#علق برأيك او بأي شيء لتصلك منشوراتنا .

الأدوات يلي رح تحتاجوا مبدئيا كطلاب عمارة سنة أولى :)
الموضوع رح يكون مختصر حالياً الى ما نحصل على الماركات ذات الجودة و نعرف الأسعار .. طبعا هاد البوست بس توضيح مبدئي و التفصيل انشالله لقدام :) ...
أقلام الرصاص من B - H - HB و غيرو من القرطاسية الاعتيادية ...
مسطرة ( T )
مساطر و مثلثات و منقلة
مرسم ( مو ضروري ل يلي ما عندون قدرة ماديّة )
أقلام تحبير
ألوان
شنتاية لانو كل هدول بدون يروحو معك عالجامعة ^_^
اضافة الى headphone لأنو الموسيقى ضرورية متل ما حكينا
يفضل يكون في غير المرسم طاولة واسعة لانو رح تحتاجوا بالأمور الكبيرة مشان ما تضيعو
في بعض المراجع المهمّة الك كطالب أو طالبة عمارة و رح نزكر أسمائها لاحقاً و نحاول نامنها pdf لانو حق الواحد منها ممكن يوصل ل 5000 ليرة او اكتر
و مهم الك كطالب عمارة انك تضل تقرا مجلات خاصة ب العمارة مشان تغني فكرك ب الامور يلي انت محتاجا :)
انشالله ما كون طولت :) و متل ما قلت هاد بس شي مبدئي :)
رح نزللكون اسعار كلشي ب التفصيل و الماركات يلي بينصحو فيا :)
#علّق برأيك أو باي شيء لتصلك منشوراتنا :)