Bites Lectures

صباح الخير 🌷

بتعرفو أنو الطفل أول ست شهور من عمرو مو بحاجة طعام أو شراب غير حليب الأم 👶❤

لازم تعرف أنو فقر الدم بعوز الحديد لازم ينعرف سببه وهالشي أهم من علاجه 👌

لازم تعرف شو هي ال ABC تبع مريض السكري
🚩 ال A هيي ال A1Cوهو الخضاب السكري:
تحليل مخبري بقيس قيمة الخضاب السكري ضمن الكريات الحمر
ولأنو عمر هالكرية 3 شهور (120 يوم) فهالتحليل كتير مهم لأنو بعبر عن ضبط قيم سكر الدم آخر 3 شهور.
وطبعا لازم يضل أقل من 7

🚩 ال B هي blood pressure ضغط الدم:
يجب ضبط ضغط دم المريض تحت 140/90 لتجنب أمراض الأوعية والقلب والكلية اللي بترافق الداء السكري
مع أهمية التذكير بزيارة طبيب القلبية والكلية كل 6 شهور على الأقل.

🚩ال C هي cholesterol مستوى كولسترول الدم:
يجب ضبطه بقيم LDL تحت 100 وذلك بالحمية والتمارين الرياضية وإعطاء كل مرضى السكري بعمر فوق ال 40 دواء الستاتين لضبط معدل الكولسترول

دمتم بخير وصحة وعافية أنتم ومن تحبون 🌷

صباح الخير ورمضان كريم 🌙❤

بكل سنة شركة زين للاتصالات بتنزل إعلان بيحمل رسالة معينة, ورسالتن هالسنة كانت الدعوة لأخذ لقاح فيروس كورونا.

لهيك اليوم رح نحكي عن لقاح فيروس كورونا, ورح نتركلكن رابط الإعلان بنهاية البوست لتستمتعو فيه 🌷

تم تطوير عدة أنواع من اللقاحات لفيروس كورونا رح نحكي عنن باختصار:

⚡لقاح Pfizer-BioNTech
يعطى لكل الأشخاص فوق عمر 16
يعطى على جرعتين بفاصل 3 أسابيع
يؤمن الوقاية بعد تاني جرعة بأسبوعين

⚡لقاح Moderna
يعطى لكل الأشخاص فوق 18
يعطى على جرعتين بفاصل 4 أسابيع
يؤمن الوقاية بعد تاني جرعة بأسبوعين

⚡لقاح Johnson & Johnson’s Janssen

تم إيقاف استخدامه مؤخراً بسبب تأثيراته الجانبية💔

⚡لقاح AstraZeneca/Oxford vaccine
يعطى لكل الأشخاص فوق 18
يعطى على جرعتين بفاصل 8 ل 12 أسبوع والفاصل الأكبر يترافق مع فعالية أعلى
يؤمن الوقاية بعد تاني جرعة بأسبوعين
هو اللقاح الأقل تأكداً من فعاليته والبيانات المتوفرة بتقول أنو نسبة فعاليته 63.09% بالحماية من الإصابات العرضية.✅

- هل أخذ اللقاح بيسمحلي بطل اتخذ إجراءات وقاية؟
للحقيقة اللقاح يخفض احتمال أنك تنقل العدوى ولا يمنعه بالتالي أنت كشخص أخذ اللقاح ملزم تلبس الكمامة لحماية الأشخاص حواليك.

- هل يؤمن اللقاح مناعة دائمة؟
الدراسات حول فيروس COVID 19 كلها جديدة وجواب منظمة الصحة العالمية لهالسؤال هو مامنعرف.
لكن الأرجح أنو يؤمن مناعة لعدة أشهر على الأقل والحكي نفسه بينطبق عالإصابة بالفيروس.

- هل ممكن يسبب أخذ اللقاح إيجابية اختبارCOVID 19 كاذبة؟
لا, اللقاح يولد أضداد للفيروس بالجسم وبالتالي تحري الأضداد بيصير إيجابي.
أما الPCR هو اختبار دقيق جداً وإيجابيته ولو أنت آخد اللقاح تعني أنك مصاب وناقل للعدوى ولو كنت بدون أعراض

- ممكن إعطاء اللقاح لسيدة مرضعة؟
نعم, ولاداعي لإيقاف الإرضاع بعد التلقيح.

- إذا كنت مصاب حديثاً بالفيروس, في داعي آخذ اللقاح؟
نعم, لأن الإصابة ممكن تتكرر, لكن نظراً لقلة توفر اللقاح ينصح بتأجيل أخذه 6 شهور بعد الإصابة لتسمح لغيرك ياخده.

دمتم بخير وصحة وعافية ❤ اتركولنا أي سؤال بدكن ياه بالكومنتات ورح نجاوب عليه ببوستات قادمة🌷

ورح نترككن هلق مع إعلان شركة زين
مشاهدة ممتعة ❤

اعلان زين لرمضان 2021 : لأجلي هذه المرة إختراع اللقاح يدل على ذكاء الإنسان. أما أخذه، فيدل على ذكاء الإنسانية. بادرة زين بالتعاون مع منظمة الأمم المتحدة للطفوله UNICEF لمحاربة الوباءInventing the v...

بمناسبة يوم الطبيب العالمي ❤ منبشركن بالانطلاقة الجديدة لصفحتنا bites lectures 😌

الصفحة رح تقدم معلومات طبية✅
دقيقة✅
باللغة العربية✅
تفيد عامة الناس، سواء عن التدبير الأولي لحالة إسعافية أو التدابير اليومية للأمراض المزمنة.

ادعمونا بالمشاركة مع أهلكن وأحبابكن وكل يلي بيهمكن يبقو بصحة جيدة 🤗

و اتركولنا بالتعليقات الحالات والأمراض يلي حابين تعرفوا عنها أكتر❤

المرحلة الثالثة من سبيل تحلل الغلوكوز (الخطوات 3-4-5)
Stage 3 of Glycolysis (Steps 3-4-5)

انضموا لقناتنا الرسمية على اليوتيوب:
https://www.youtube.com/channel/UC-WRRdIP_NnPYZn5NNZvoYQ

المرحلة الثالثة من تحلل الغلوكوز (الخطوات 3-4-5) - Stage 3 of Glycolysis (Steps 3-4-5) شرح مفصل عن ثالث مراحل سبيل تحلل الغلوكوز بخطواتها الثالثة والرابعة والخامسة Detailed demonstration of the third stage of glycolysis - third, fourth and fift...