In-Core Tech

كم معلومة مهمة عن البطاريات:

شو يعني بطارية 100 أمبير ؟
يعني 100 أمبير ساعي
فينك تصرفن بساعة بتفضيها كلها أو تصرفهن بإنارة متر ليد بيستهلك أمبير واحد لمدة مية ساعة.
فينا نقسم البطاريات الي ممكن نستخدمها كبديل عن الكهربا لنوعين:
***نوع غير مصمم لهالمجال ولكن يتم استخدامو بكثرة بنوعيه :
"بطاريات السيارات السائلة (المفتوحة لأغراض الصيانة)
"والمغلقة السائلة أيضا بس بسموها (جافة) وهالتسمية أكيد غلط لإنها سائلة
طيب ليش ما بيمشي حالن للإنارة والإنفرترات ؟
ببساطة لأن تصميم أبعاد صفائح رصاص هالبطارية لا يناسب عمليات التفريغ الكامل واعادة الشحن الكامل مرة عالأقل باليوم
تصمم لضربة مارش السيارة
يعني انك تاخد كمية كهربا كبيرة بوقت قصير جدا وترجع تنشحن من الدينمو
وهادا الشي عكس استهلاكنا المنزلي البطيئ مقارنة مع المارش.
***النوع التاني صمم خصيصا لهالمجال وما حدا بيستخدمو بجوز السبب ارتفاع الثمن بس بالمقابل مدة خدمة طويلة جدا وموثوقية تامة
وهو بطاريات ال deep cycle أو بطاريات دورة الشحن والتفريغ العميقة
وهي فعلا الها نوع سائل ونوع جاف gel .
صفائحها مصصمة لتفرغها عالبطيئ وتشحنها عالبطيئ وتعيد هي العملية مئات المرات عليها بدون اي اعطال
وهي الي بتناسب الاسهلاك المنزلي وحتى الصناعي .
*************

شوية نصائح عن الاستخدام الأمثل للبطارية :

%الشاحن المناسب هوي الي بعطي تيار بساوي عشرة بالمية من تيار البطارية .
يعني بطاية بيتك مية أمبير بدك الها شاحن عشرة أمبير
لاتقلي الكهربا ما بتجي بدي لحق اشحنها
انت بهالطريقة عم تحرق البطارية وتقصر عمرها
جيب وحدة حجمها اكبر بتكفي استخداماتك طول اليوم
%بطارية الأسيد بينعملها صيانة كل شهرين او ثلاثة بإضافة مي مقطرة حصرا وفقط.
لاتخلي حدا يقلك بضفلك أسيد أو بغيرلك أسيدها لأن حتما قضيت عليها
%بطارية بيتك مية أمبير ما بصير تستهلكها وتفضيها بساعتين لازم عالأقل خمس ساعات
طيب كيف بحدد ؟
ما بصير استهلاكك من البطارية يتجاوز عشرين بالمية من سعتها بالساعة
%ازا عم تستعمل البطارية لليدات لاتخلين شاعلين في حال ضعفت اضاءتهم
لان بكون جهد البطارية نزل تحت ال 10.5 فولط وانت بهالحالة عمتقصف عمر البطارية
%بالنسبة للشاحن :
نوعي الشواحن إما طرنس أو الكتروني إلهن مساوئ ومحاسن
*** الطرنس برأيي أفضل للبطارية
بس المشكلة الكهربا عم تضعف وبتوصل لل 170 فولط بالنهار الشتوي
وبهالحالة حتما الشاحن ما رح يشحن لإنو مصمم عال 220
***الالكتروني بيشحن البطارية من 160 فولط عالأقل وهوي مرتاح
بس المشكلة برأيي انو سريع وهالشي بقصر عمر البطارية
طيب ليش ما بيعملو شاحن طرنس وبحطولو دارة الكترونية تنظم عملو ؟
ببساطة هادا الصح وفي دراسات كاملة لأنظمة الشحن بس هادا الشي بزيد التكلفة وبحطنا تحت رحمة القطع الإلكترونية الي ما عم يجي عالبلد منها إلا الستووك
%طيب ليش بقلي البياع بدك شاحن عشرين لبطارية مية ؟
إلا من رحم ربي لإن هوي بيعرف إنو شاحنو مغشوش بكلشي فيه
وبالتالي ما بيعطي فعليا أكتر من 15 أمبير وبصير متل النار .
أو السبب التاني مفكر حالو عم يتشاطر ليشحنلك البطارية بسرعة
والنتيجة البطارية بتعطل بست شهور .
%ميزة الشحن السريع أو البطيئ بشواحن الطرنس تسمية مشان الناس تعرف معناها,
لازم مكان السريع يكتب 200 فولط يعني عند بتحس انو الكهربا ضعيفة بتحط عليه
أو من عندي عم قلك بالنهار الشتوي حطها عليه .
ومكان البطيئ يكتب 220 وهيي حالة الكهربا الطبيعية والشحن الطبيعي المريح.
%لاتحط البطارية بالجنينة أو عالبرندا وحطها بمكان معتل الحرارة صيفا شتاءً
%لاتخلي الليدات شاعلين والكهربا جاي مشان ترتاح البطارية بالشحن والأفضل تركبلن ريليه بيشتغل هالشغلة أوتوماتيكيا .

ودمتم سالمين .....

حاسوب Intel Stick أصبح متوفر في أوروبا

في الفترات السابقة تم الحديث عن Compute Stick وهو حاسوب مصغر بشكل قطعة فلاش صغيرة، حيث تم استعراضه من قبل Intel في معرض الإلكترونيات الإستهلاكية في لاس فيغاس. هذا الحاسوب يعمل بفضل معالج Bay Trail Atom SoC بداخله وهو Atom Z3735F الذي يعمل بتردد بـ1.33GHz. كما يتضمن 32GB من سعة التخزين على متن هذا الحاسوب المصغر، مع ذاكرة RAM بحجم 2GB.

حاسوب Compute Stick سيأتي مسبق التنصيب مع نظام Windows 8.1 أو Linux. بالنسبة لإصدار ويندوز، سوف تحصل على ذاكرة RAM بحجم 2GB و 32GB من سعة التخزين بينما سوف تحصل على 1GB من ذاكرة الـ RAM و8GB من التخزين المدمج لإصدار لينكس. كما أن قطعة الحاسوب المصغر Compute Stick تدعم بث الوسائط عبر منفذ HDMI 1.4. إنه يمتلك أيضا منفذ بطاقة ذاكرة microSD من أجل ميزة توسيع حجم التخزين الإضافي لديك. الميزات الأخرى تتضمن منافذ USB و micro USB، بالإضافة لـ Bluetooth 4.0, و 802.11b/g/n Wi-Fi…إذا كنت مهتما بالحصول على واحدة منها، فهي حاليا أصبحت متوفرة في بعض المناطق في أوروبا, حيث يأتي إصدار Windows 8.1 بسعر 149 دولار بينما إصدار Linux بسعر 89 دولار, وربما نشهد توفرها في مواقع الشراء المشهورة.

رغم التميز بحجم وقدرة قطعة الحاسوب المصغر هذا، إلا أن هناك عدم قبول للسعر المرتفع لها، فلقد كان يتوقع أن تكون أرخص من ذلك بكثير. المثير للدهشة هو ملاحظة منتجات “صينية” شبيهة لها ومسعرة بحوالي 100 دولار. بشكل عام وبنظري الشخصي هو حاسوب مصغر مميز لأستخدامه في العديد من المهام ولكن يبقى السعر مشكلة للكثيرين لانه مرتفع بشكل مبالغ فيه.