The Top In The ITE

البوست مخصص ل سنافر #المعلوماتية الجداد 😂😌اهلا وسهلاً فيكن😎
منبلش معكن بمواد الفصل الأول من السنة الأولى يمكن أسهل وأبسط مواد بتاخدوها بكل الكلية😁
***********************
1:انكليزي 1 المادة الاسهل مادة مؤتمتة من 100 علامة عبارة عن 50 سؤال انا ضعيف ومستوايي مو زيادة بالانكليزي ممكن ما رفعا؟؟
المادة بسيطة وسهلة ومافيها شي زيادة عن البكالوريا دراسة كم ساعة قبل الفحص وبتترفع معكن
***********************
2:مبادئ عمل الحاسوب
مادة حلوة وسلسة كتيير عبارة عن قسمين قسم عملي من 30 وقسم نظري من 70
بالقسم العملي حتحضرو الجلسات بمخابر
بتتعلمو شغلات بسيطة شوية شغل عال excel وكم شغلة بسيطة وبيطلبو منكن حلقة بحث عن شي موضوع إلو علاقة بالكمبيوتر
وكويز بالمواضيع اللي اخدتوها بالعملي
بالنظري حتاخدو قسمين قسم بيتعلق بمكونات الحاسب وقيم بيتعلق بأنظمة العد و العمليات عليهن (رح تتعلموا شلون إنو 1+1=10 😂) والمادة مؤتمتة
***********************
3: التحليل 1 عبارة عن قسمين عملي من 20 ونظري من 80بالقسم النظري حتاخدو شوية قصص من البكالوريا استمرار ونهايات واشتقاق وبالقسم التاني حتاخدو المتتاليات والمتسلسلات ومعايير لدراسة تقارب وتباعد هالمتسلسلة بالقسم العملي حتاخدو تمرينات عليهون كمان شوية شغل وتدريب خلال السنة والمادة تقليدي
***********************
4: الجبر العام وهي مادة نصها رياضيات ونصها فلسفة🙂 وطبعا 20 علامة للعملي و80 للنظري
بتبلش بالقضايا وبرهان صحتها باستخدام جدول الحقيقة وبعدين بتحكي عن البنى الجبرية والزمر والحلقات والحقول وبالعملي حتاخدو تمرينات عن هالقصص وتحلوها
المادة ناشفة كتيير وبدها متابعة بقلب الفصل والمادة كمان تقليدية
***********************
5:الفيزياء
المادة قسمين كمان عملي 20 ونظري 80 بالقسم النظري حتاخدو مقدمة بالأبعاد والكميات والمقادير الفيزيائية بعدها حتاخدو بحث عن الميكانيك والنواسات مع شوية تطوير انو بصير النواس متخامد
وبحث عن الامواج وبحث عن الصوت وبحث عن الضوء والليزر يعني الابحاث ضخمة وبدها وقت لتاخد حقا بالقسم التاني من المادة حيكون عن الكهربا ويعني أسهل بالمقارنة بالقسم الأول وطبعاً المادة مؤتمتة وع جديد صارت كتير سهلة وبتترفع بسهولة
***********************
المادة الاخيرة وهي البرمجة 1 المادة اللي حتسببلكن شوية مشاكل وعقد نفسية 😆(قد تؤدي إلى التفكير بترك الكلية 😂) لأنو جديدة عليكن إلا الطلاب يلي فايتين ع المعلوماتية عن رغبة وعارفين شو يعني برمجة وبدكن شوية وقت لتتعودوا ع المادة وتفهمو البرمجة
المادة عبارة عن قسمين قسم عملي من 30 وقسم نظري من 70
أول شي حتبلشو بمقدمة عن البرمجة حتفهمو شو استخداماتها بالواقع بعدين حنبلش ب أساسيات اللغة اللي حنتعلمها وهي لغة ال++c (سي بلس بلس) اصحكن تقولو سي زائد زائد 😂
بالقسم العملي اللي حيكون قسمين قسم بتاخدوه بالمدرجات متل محاضرة النظري بس حتحلو فيه مسائل وتتعلمو تكتبو كود والخطوات
وبالقسم التاني حيكون تطبيق بالمخابر للمسائل اللي بتاخدوها والعلامة حتكون عمشروع صغير بتعملوه و quiz وتقييماتكن خلال جلسات العملي
والمادة تقليدية
***********************
شوية معلومات عالسريع :
أول شي حيكون هالفصل مريح كبداية إلكن حاولو تكونو مرتاحين وتستغلو هالشي
تاني شي دخولكن ع مكان ما بتعرفو عنو شي حيخليكن خايفين وحكي إنو مستقبل المعلوماتية بسطة سيديات أو ما إلها شغل بالبلد وما بعرف شو شيلوها من راسكن لإنو هي شغلات ما إلها أساس من الصحة✋😌
تالت شي الشي يلي بخلي غيرك متميز عنك اجتهادو الشخصي لازم تتعلم تبحث وتدرس لحالك وما تستنى الدكتور يشرحلك او يعطيك وخاصة بمجال البرمجة وطبعاً بحاجة مين يوجهو للطريق الصحيح وطبعاً إلكن غروب برعاية الهيئة الإدارية بالكلية فيو كلشي بتحتاجوه وبيساعدكن كتيير لتطرحو أسئلة وتلاقو جوابها مع بعض.
وأخيراً العملي اهتمو فيه وحاولو تجيبو علامات منيحة💪🏻
يلي بيحب يستفسر عن شي فيو يسألنا ونحنا رح نحاول نساعد قد ما بنقدر 😇
وبداية موفقة للجميع ♥️

‏عيدكم مُبارك ♥️
‏وكل عامٍ وأنتم بخير❤️🐑

يعطيكن العافية جميعاً🤩
تم تأجيل البدء بكورس ++C ليوم الخميس 18/11/2021
المكان: بجانب كلية الهندسة المعلوماتية جامعة دمشق
الساعة 2:45
ملاحظة تم تحديد الوقت والمكان بما يناسب معظم الطلاب المسجلين لحد الآن يلي لسا بحب يسجل لسا في مجال نستقبل طلاب 😍
لسا معكن مجال ليوم الثلاثاء ليسكر التسجيل ع الفورم أو تواصلو معنا ع بريد الصفحة 😌
رابط التسجيل 👇

دورة ++c للتسجيل يرجى ادخال المعلومات التالية من فضلك