Tabaarak ICT

Waxaa si heer sare ah maanta loo soo gabagabeeyey shirweynihi AI Everything Kenya X GITEX Kenya oo ka dhacayey Nairobi.

Madasha ayaa looga hadlay mustaqbalka garaad gacmeedka Afrika, diyaar garowga garaad gacameedka, sharciyeynta teknoolojiyadda casriga ah, amniga dhanka internet-ka iyo sidii Afrika uga qayb qaadan lahayd horumarinta garaad gacameedka caalamka.

Tabaarak ICT waxaa halkaas ku matalayey Madaxa Horumarinta Wax Soo Saarka Yusha Ali Ahmed, Madaxa Teknolojiyadda Shafici Cabdi, iyo injineero ka tirsan qaybta garaad gacameed ee shirkadda.

Shirkan ayaa ahaa madal muhiim ah oo lagu is dhaafsaday aragtiyo cusub, laguna xoojiyay xiriirrada iyo iskaashiyada dhanka teknoolojiyadda iyo garaad gacameedka.

Kulankii Howlwadeenada Tabaarak ICT wuxuu ahaa kulan muujinayey wadashaqeynta, wadajirka, dadaalka, iyo himilada ay wadaagaan dhammaan shaqaalaha shirkaddu. Waxaa halkaas ka muuqatay karti, iskaashi, iyo aragti mideysan oo muujinaysa halka ay Tabaarak ICT u socoto.

Kulankan oo ahaa mid sanadle ah ayaa noqday fursad uu maamulku ku dhiirrigeliyey shaqaalaha, lagu abaalmariyey dadaalka, kartida iyo ka go’naashaha ay muujiyeen, iyadoo lagu xoojiyey xiriirka ka dhexeeya maamulka iyo howlwadeenada.

Waxaan uga mahadcelineynaa dhammaan intii ka qeyb qaadatay diyaarinta iyo hirgelinta kulankan quruxda badan. Guusha Tabaarak ICT waxay ku dhisan tahay Howlwadeeno leh hufnaan, hal-abuur, iyo ka go’naansho.

Ugu dambeyn, waxaan rajeyneynaa in kulankan uu noqdo mid sii xoojiya wada shaqeynta, horumarka, iyo safarkeena.



#2026