Break studio

اللمسات النهائية على مجلة هواة جاهزين ليها!!!!!
ان شاء الله 1/1/2019

في العادة الناس بتشتغل عشان تطلع او تكسب قروش , صح ؟؟
يعني المعادلة كالتالي «أعمل من أجل الحصول على المال» بس الجلابي عندو فرق بسيط في صيغة المعادلة دي , فالجلابي بواسطة اعمالو وأستثماراتو -حتى ولو كانت أعمال واستثمارات بسيطة -قدر إلانو يحول المعادلة عشان تبقى كالتالي «دع المال يعمل لاجلك » ودي هي المعادلة الممكن كل الناس يحققوها لو بس اكتسبو مهارات بسيطة وفهمو طريقة تشغيل اموالهم عشان في المستقبل تستغل الاموال دي في جلب اموال تانية ليهم , يعني لو عايز تبقى مع الجلابي كل العليك تعملو هو انو تغير معادلتك الخاصة بالمال

وطريقة قلب المعادلة بتبدأ غالبا بأنك تعمل وتشتغل بجد لفترة من الذمن وبعدين تستثمر الاموال الجمعتها في عمل مشروع مفيد ممكن يحقق ليك دخل في المستقبل

كتير من الناس بتقيس مقدار نجاح المشاريع بمقدار الارباح البتجي منو , بس هم بينسو عامل مهم بيركز عليهو الجلابي قبل قيامو بعمل اي مشروع وهو عامل أستقلالية المشروع , فمشروع عمل سوبر ماركت او دكان أو حتى تربية الحيوانات ممكن تكون مشاريع فاشلة من وجهة نظر الجلابي حتى لو كان مداخيلها كبيرة اذا كان صاحب المشروع مضطر إنو يقضي حياتو كلها في إدارة المشروع , والمشروع الناجح تم تعريفو بإنو « هو المشروع الذي ان غبت عنه لمدة عام كامل لم يتأثر بغيابك وأستمر بتحقيق الارباح لك»
والمشاريع الماعندها القدرة على ادارة نفسها بدونك ممكن تكون مشاريع ناجحة في حالة كنت بتحب المشروع وتكون مستعد تشتغل فيهو بدون اي تعب , بس لو كان الهدف من مشروعك هو تحقيق دخل ليك بس فمن الافضل انو نفتش على مشاريع ممكن تستمر بدون اضطرارك للاشراف المباشر واليومي عليها

ونصيحة الجلابي هي " حاول فتش على مشاريع تحقق ليك دخل بدون اضطرارك للعمل فيها