Ahmed - Design

شغلي في تصميم الجرافيك 🎨🖌️
بوسترات سوشيال ميديا 👇✨
إنستغرام و فيسبوك 👌📸
#بوسترات

زي ما قلت ليكم البرنامج ده بستهدف كل الناس
وبتهم اكتر بالمرأة لانها أهم شريحة.
إنتي ك طالبة، ربة منزل، موظفة، عاطلة عن العمل عندك دور كبير جداً في المجتمع وتستاهلي كل الدعم
لانك بتستحقي.
انا ما عايز أشبكك أبقي أسترونق اندبدنت وومن والكلام بتاع الشفيفين ده.
لكن عايزك تبقى زولة قوية وتستفيدي من المصادر و الفرص المتوفرة.
ساعة واحدة في اليوم قادرة انها تغير حياتك وتملكك مفاتيح وأسرار، بعدها تقدري تشتغلي من مكانك، الشغل ده ما محتاج تمشي ليهو حته، من بيتكم بس.
وتكوني وفرتي و ريحتي نفسك من حاجات كتير من ضمنها المض-ايقات البتلقيها من ابجيقه.
اي خلينا نكون واضحين وصريحين من غير تغليف ونميق للكلام.
في نقطة عايز كل زول يفهما وهي انو كلنا عندنا دور وقادرين نكون منتجين ولو بقليل.
عشان كده بدل تعيشي حياتك كلها مسلسلات ولا الليلة الجبنه عن فلانه وبكره عن غيرا.
استفيدي من زمنك البتكوني فيهو في البيت واشتغلي وطلعي قروش عزي بيهم نفسك.
كمان لو عندك أطفال تعلميهم وتملكيهم الأسرار دي عشان من صغار يطلعوا ليك مفتحين ويدعموكي اكتر.
الشغل زاتو ما بتعارض مع مسئولياتك المنزلية، يعني تطبخي طبيخك و تنظفي نظافتك و تمشي مشاوريك عادي.
حتى لو شغاله دوام تقدري عادي في وقت فراغك تشتغلي من البيت.
كمان انتي عندك حِس فني عالي جد ومميزات بتمتازي بيها عشان كده في وظائف كتير بفضلوك على الرجل مثلا زي تصميم الجرافيك إنتي مفضلة بنسبة 90% من الرجل لأنو الحس الفني والنظرة الفنية والذوق عالى جدا.
وبرضو الوظايف التانية زي مسئولة التوظيف و التسويق.
عشان كده البرنامج ده بستهدفك و بهتم بيك عشان يعرفك على الأدوات البتخليك تبدعي وتغيري حياتك.
عايز أشوف في كل بيت زولة مبدعة، ناجحة ومنتجة.
ونبقى كلنا منتجين مع بعض لانو كل شئ متوفر وما ناقصانا حاجة ونحن قادرين.