Apricity

إذا كنت مهتم بالبزنس عندك مشروع او بتفكر تبدا بزنس خاص بيك ، حابي تشتغل في وظيفة في مجالك او تبدا تشتغل فريلانس لازم تكون بتعرف تسويق
طيب ليه لازم الحاجة دي مثلا انا مهندس علاقتي بالتسويق شنو
حاقول ليك عشان يا باشمهندس الشركات الفي مجالك تقدر توصل ليك لازم انت تكون ظاهر ليهم وعشان تقدر تظهر ليهم و يعرفو انك موجود اساساَ لازم تعرف تسوق لي نفسك
طيب لو انت عندك بزنس هل تعلم انو نسبة فشل المشاريع الناشئة تتراوح ما بين 50% لي 90% سبب الفشل طبعاَ بيتنوع من مشروع لي مشروع ولكن في الغالب انعدام السيولة التقدية او الميزانية الضعيفة هي البتتسبب في الحاجة دي اللهي بدورها بتجي نتيجة لي نقص المبيعات
طيب بعد عرفنا المعلومة دي الخطوة الجاية شنو عشان نتجنب الوقوع في الفشل الوقعو فيهو الناس القبلنا
خلينا ناخد نبذة بسيطة عن الموضوع دا في البداية
حصل سئلت نفسك الفرق شنو بين الستويق والاعلان؟
اغلب الناس بتعتقد انو التسويق هو انك تعلن عن انك بتقدم خدمة معينة او عندك منتج معين في اي منصة و بي اي طريقة و بينتظرو من الحاجة دي انها توصلهم لي اهداف البزنس حقهم و يحققو الارباح المتوقعة الما عندها اي علاقة بي ارض الواقع مثلاَ
حافتح متجر الكتروني للساعات حأبيع في اليوم 5 ساعات و سعر الساعة 8 الف اذا في الشهر حيكون دخل المشروع 240 الف
طيب مين هم ال5 الحيشترو منك ال5 ساعات و كيف اصلا حيعرفو انك بتبيع ساعات و ليه اساسا حيشترو منك انت ما اي متجر تاني او ليه اصلا انت قررت انو في ناس حتشتري ساعات من متجر الكتروني من الاساس
و بينتهي المشروع بي انو يتقفل خلال اقل من سنة و انت من الحظوظين في حال قدرت ترجع راس المال بدون خسارة
نرجع لي سؤالنا الاول و الحيخلينا ناخد اول خطوة نحو مشروع نجاحو ملموس (ما في النهاية انت ما فاتح بزنس عشان تفضل تربح بي هامش بس يخلي البزنس لسة شغال)
شنو الفرق بين التسويق والاعلان بنقدر نوصفها بي الطريقة الاتية
نفترض انو في فرقة سيرك جاية تعمل عروض في مدينة معينة
اذا الفرقة عملت لافتات في الشوارع مكتوب عليها "عرض سيرك في المدينة الاسبوع القادم" هذا يسمي الاعلان"
اذا جزء من اعضاء الفرقة دخلو المدينة وبدو يعملو عروض في الشارع بالمجان "هذا ما يسمي الترويج"
اذا تحدث الناس في المدينة وكتبت الصحف و وسائل الاعلام عن الحدث "هذا يسمي الدعاية"
واذا تفاعل الناس وضحكو او انزعجو