Phone Point

بوست للفائدة | كلنا سمعنا انو شركة زين اعلنت في السودان انها فعلت ال E-SIM " او الشريحة الالكترونية"

بس في ناس بتسأل يعني شنو شريحة E-SIM ؟ وفرقها شنو من الشريحة بتاعتنا العادية SIM ؟

بإختصار شديد ..

أول حاجة نعرف بطاقة ال SIM التقليدية حتى نمشي لل E-SIM الالكترونية

طيب ..

بطاقة ال SIM ياها نفسها شريحة الاتصال التقليدية واللي حاليا انت مركبها في تلفونك

وال SIM هي اختصار ل
"Subscriber Identity Module"

وبتعني "وُحدة تعريف المشترِك"

دي شريحة ملموسة قاعدين نشتريها من اي مركز خدمة وبيفعلوها لينا نشتغل بيها عادي ، ولو ضاعت تاني إلا تمشي تطلع واحدة جديدة وموضوع مرهق ..

بس مع التطور الرقمي وحاجة الناس لتشغيل اكثر من شريحة وشريحتين في جهاز واحد

حاليا ظهر جيل جديد من الشرائح يسمى بال E-SIM او الشريحة الالكترونية

ال E-SIM هي إختصار ل
" Embedded SIM "

وبتعني " وُحدة تعريف المشترِك المدمجة "

وال E-SIM هي عبارة عن رقاقة إلكترونية صغيرة جدا زي ما موضحة في الصورة "أول واحدة من اليسار "

الشريحة دي بيتم دمجها داخل الهاتف عن طريق الشركة ( سامسونج ، ابل ، هواوي .. الخ )

عشان تشتغل كنسخة رقمية وبديلا للشريحة التقليدية .

وبيتم تفعيلها عن طريق الخدمة المزودة ( زين ، اريبا ..الخ )

الميزة بتاعت الشريحة الالكترونية دي انها :

• قابلة للعمل على اجهزة متعددة وغير قابلة للازالة من قبل شخص آخر .. لانها رقمية ومدمجة داخل الهاتف

• ممكن تعمل عدة شرائح في جهاز واحد

• بتعمل فورا وفي اي وقت وفي اي زمان

• بتقلل النفايات لأنها شريحة رقمية وغير ملموسة

• بيتم تنشيطها من اي مقدم خدمة وممكن تغير مقدم الخدمة في اي وقت عن طريق رمز Qr بتديك ليهو الشركة

"يعني تاني تقدر تعمل 4 شرايح أو اكثر جوا تلفونك وانت تقدر تتحكم فيهم تشغل العاوزها وتمسح الما عاوزها وتشغل أو تغيرها بطريقة رقمية لتلفون تاني"

طيب هل كل التلفونات بتدعم ال E-SIM ؟

حاليا الهواتف من الفئة العليا وبعض الفئات المتوسطة هي اللي بتدعم ال E-SIM ، كمثال ( شركة ابل عندها من موديلات ايفون X فما فوق ، شركة سامسونج من موديلات Galaxy S20 فما فوق )

بس مع مرور الزمن حتختفي شرايح ال SIM التقليدية اللي إحنا شغالين بيها حاليا وحيتم تزويد ال E-SIM في كل فئات الهواتف الحيتم صناعتها مستقبلا ..

زي ما كانت زمان تقنية ال 4G شغالة في اجهزة معينة

وحاليا بقت شغالة في كل الهواتف تقريبا حتى هواتف الفئة الاقتصادية والمتوسطة .

عموما نقول حمدالله على السلامة .. وعقبال شبكات ال5G في السودان ان شاء الله

وشكرا ونتمنى الفائدة تعم 💜

تسليم الجوائز للفائزين معنا في مسابقتنا الاولى 💜💜💜💜💜

Mohammed Ezo

حسام يوسف

Charming Prince

Ahmed Khalid Mahmed

Òm Sêđra

الف مبروك للفائزين معنا وعقبال الجميع ان شاء الله تابعوا صفحتنا وترقبوا جميع عروضنا ومسابقاتنا وكل الجديد من Phone Point💜💜💜💜💜