Syed Muhammad Roohullah Rizvi

آپ تمام مومنین کی جانب سے رسول اللہ ص، حضرت سیدہ س اور ائمہ بقیع ع کے محضر میں نائب الزیارہ

رہبر شہید کی شہادت کے بعد تشیع کے فکری و نظریاتی حلقوں میں اتحاد کی خواہش اور آوازیں تیزی سے بلند ہونے لگیں لیکن بعض مرتبہ اس طرح کی باتوں سے ہماری مراد یا خواہشات غیر منطقی ہوتی ہیں۔ مثال کے طور پر کسی اہل سنت شخصیت کی تعریف سے مراد یہ لی جائے کہ گویا اس نے مکتب اہلبیت ع کو اختیار کرلیا ہے اور اب اگر وہ کوئی اختلافی بات کرے تو کہا جائے کہ ہم نے تو پہلے ہی کہا تھا یہ دھوکا ہے یا جب شیعہ اتحاد کی بات کرے تو کوئی سنی یہ سمجھے کہ اب شیعہ اپنی اعتقادی حدود سے دست بردار ہوجائے گا اور جب وہ اپنا عقیدہ بیان کرے تو اسے دھوکا اور اتحاد کا ڈھونگ رچانا کہا جائے۔ اتحاد مشترکات پر جمع ہونے کا نام ہے اور بقول رہبر شہید یہ کوئی ٹیکٹک نہیں ہے بلکہ اسلام کی اصل ہے۔
اسی طرح تشیع کے داخلی اتحاد کا مطلب بھی یہی ہے کہ فکری و نظریاتی یا تنظیمی اختلافات کے باوجود ایک دوسرے کو برداشت کرتے ہوئے مشترکات پر جمع ہونا، اور یہی ہر خاص و عوام کی آرزو ہے۔
جہاں تک مجھے یاد ہے شہید قائد علامہ عارف حسین الحسینی سے جب مرحوم علامہ محمد حسین نجفی (ڈھکو صاحب) کے حوالے سے سوال ہوا تو انہوں نے اپنی تقریر یا میٹنگ میں واضح فرمایا کہ وہ ولایت فقیہ اور معصومین کی ولایت تکوینی کے نظریہ پر علامہ محمد حسین نجفی صاحب سے فکری اختلاف رکھتے ہیں لیکن یہ تقاضہ کہ اس اختلاف کی وجہ سے وہ ساتھ نہ بیٹھیں یہ ان کے لئے قابل قبول نہیں۔
آج بھی اتحاد سے یہی مراد ہے کہ فکری، نظریاتی اور تنظیمی اختلافات کے باوجود تشیع، اسلام اور پاکستان کے مفاد میں مشترکہ کوششیں کی جائیں۔ اس تقاضے کے جواب کو دیگر چیزوں سے مشروط قرار دینا یا سمجھنا، غیر منصفانہ ہے۔ اب یہ نانصافی خواص کی جانب سے ہو یا عوام کی جانب سے فرق نہیں پڑتا۔
ایک عقلائی اصل ہے کہ "ما لا یدرک کلہ لا یترک کلہ" یعنی اگر کسی چیز کو مکمل حاصل نہیں کیا جاسکتا تو مکمل چھوڑا بھی نہیں جاسکتا، اس اصل کے تحت جتنے مسائل میں وحدت ممکن ہے اسے دیگر اختلافی مسائل کے سبب نظر انداز نہیں کیا جاسکتا۔ ہاں تنقید و اختلاف کا طریقہ کار شائستہ و مودبانہ ہو۔ تنقید علمی انداز میں ہو نہ سوئے ظن کے اظہار اور مسخرہ، توہین اور طنز کے ذریعے۔


8 مئی 2026

8 مئی بروز جمعہ
فورا بعد نماز مغربین
محمدی ڈیرہ، ملیر

۲ مئی بروز ہفتہ
رات 8 بجے شب
دولت کدہ شہید ناموس رسالت علی رضا تقویؒ

Catch the complete episode of "Civilizations at Clash" on our YouTube channel:

EmergingWorldOrder 5 likes. "Civilizations at Clash | Ep:2 | How Iran's Government Actually Works (Post-1979)"

۱۸ اپریل بروز ہفتہ
رات ۸ بجے
امام بارگاہ منتظر المہدیؑ، سلمان فارسیؓ