Penalti

Messi Yevropaning eng yaxshi o‘yinchisi deb topildi

Chempionlar Ligasiga qur’a tashlash marosimidan so‘ng Messiga sovrin topshirildi. 28 yoshli hujumchi mavsumdagi ilk shaxsiy sovrinini qo‘lga kiritdi.

Messi bu sovrin uchun kurashda jamoadoshi Luis Suares, hamda, portugaliyalik Krishtianu Ronalduni ortda qoldirdi.

Argentinalik fenomen yakuniga yetgan mavsumda «Barselona» bilan birgalikda Chempionlar Ligasi, Ispaniya kubogi va La Liga g‘olibi bo‘lgan edi.

«Biz uchun ajoyib mavsum bo‘ldi. Bu yerda yashiradigan sirning o‘zi yo‘q, kiyinish xonasida hammamiz yakdil bo‘lardik va shu sababli u mavsum muvaffaqiyatlarga to‘la unutilmas yil bo‘ldi.

«Jamoadoshlarim tufayli men shu yerda turibman, aks holda men bu sovrinni qo‘lga kiritmas edim.» - dedi Messi jurnalistlarga bergan intervyusida.

2014-15 yilgi mavsumda Yevropa musobaqalarida Messi «Real Madrid» yulduzi Ronaldu va «Barselona»dagi jamoadoshi Neymar bilan birgalikda 10tadan gol urishdi.

Messi ilk bor «Uefaning Yevropadagi eng yaxshi futbolchisi» sovrinini 2011- yilda qo‘lga kiritgan edi.

(Foto: Getty Images)

Fernandes: Zidan «Real»ning navbatdagi murabbiyi bo‘ladi

Luis Fernandesning fikricha, Rafael Benitesdan so‘ng uning vatandoshi «Santiago Bernabeu»da murabbiylik lavozimiga tayinlanadi.

«Menga qolsa Karlo Anchelottining jamoada qolgani ma’qul edi. 1 mavsum avval «Madrid» Chempionlar Ligasining 10-kubogini qo‘lga kiritdi. Ular buyuk «Barselona» va buyuk Lionel Messiga qarshi kurashgan edilar.

«Men Karloning jamoadan ketganidan afsusdaman. Uning jamoada qolishini xohlar edim.

Benitesning uslubi Anchelottinikidan farq qiladi. Vaziyat barchasini Zizu uchun hozirlab bermoqda va men o‘ylashimcha, u «Real Madrid»ning navbatdagi murabbiyi bo‘ladi.»

(Foto: Getty Images)