MetaVerse

सबैले भन्ने गर्छन् मित्रता होस् त बालेन र कुमार बेनको जस्तो । नेपालमा यी जोडीको मित्रताको तारिफ खुबै चल्ने गर्दछ । नचलोस् पनि किन यो जोडीको मित्रताले केवल एउटा कथा मात्र रचेको छैन इतिहाँसनै रचिदिएको छ । एक अर्काको साथ , भरोसा र विश्वासको जगमा यो जोडीले रचेको इतिहाँसको चर्चा युगौँ युग सम्म चल्ने देखिएको छ । ३८ बर्षको उमेरमानै झण्डै दुई तिहाई जनमतको शक्तिशाली प्रधानमन्त्री बन्न सफल भएका बालेन शाहको यो सफलताका पछाडी उनका साथी कुमार बेनको ठूलो देन छ । कुमार बेनलाई प्रधानमन्त्री बालेनको रणनितीकार भनेर पनि चर्चा हुन थालेको छ । बालेनलाई आश्चर्यजनक रुपमा काठमाडौँ महानगरपालिकाको मेयर देखी मुलुकको शक्तिशाली प्रधानमन्त्री सम्म बनाउनको लागी बेनको ब्रेनले धेरै काम गरेको देखिन्छ । बालेनले कुमारका बुवालाई आफ्नो राजनितीक आर्दश मान्दथे, कुमार र बालेन विच पुरानै घनिष्ठ मित्रता थियो । २०७९ सालको स्थानिय तहको निर्वाचनमा काठमाडौँ महानगरपालिकाको मेयरमा प्रतिष्पर्धा गर्ने तयारी गरेका बालेनले त्यसबेला आफ्ना साथी कुमार बेनसँग जब आफ्नो कुरा सेयर गरे त्यस पछि कुमारले बालेनलाई दुई वटा प्रश्न सोधेका थिए । जब बालेनले कुमारले सोधेका ती दुई प्रश्नको चित्तबुझ्दो जवाफ दिए त्यसबाट चित्त बुझेर बालेनलाई मेयर बनाउन सकिन्छ भन्ने मिसनमा बेन पुर्ण रुपमा समर्पित भएर लागेका थिए । त्यस पछि यो जोडीको मित्रताले कसरी काम गर्यो त्यो त दुनियाँले देखेकै छ । बालेनको रफ्तार रकेट स्पीडमै अघि बढ्यो । पाँच बर्ष भन्दा कम समयमै उनले काठमाडौँको मेयर देखी देशकै प्रधानमन्त्री सम्म बनेर देखाइदिए । त्यसबेला कुमार बेनले बालेनलाई सोधेको दुई प्रश्न थियो आज सम्म आर्थिक रुपमा कतै चुकेको छकी छैन ? नैतिक रुपमा कतै चुकेको छ कि छैन ? बालेनले आफु आर्थिक र नैतिक रुपमा कतै नचुकेको र कहिल्यै पनि नचुक्ने विश्वास दिलाए पछि उनलाई तत्कालिन अवस्थामा काठमाडौँ महानगरपालिकाको मेयरमा निर्वाचित गराउन सकिने विश्वासमा साथ कुमार मिसनमा होमिएका थिए । त्यस पछिका दिनका यी दुईको जोडीले एक पछि अर्को चकित पार्ने परिणाम देखाउँदै गएको छ ।