Crypto Secrets

هااام جدا بخصوص موضوع واختصاص الصفحة او مشروع أسرار الكريبتو !

مرحبا
من الضروري ان يعرف الجميع ان الغاية من مشروع ( أسرار الكريبتو ) هو نقل العلم في مجال الكريبتو بصورته المجردة , وهاد بيستدعي انو نتكلم بالعموم قبل ما نفوت في نسيج التفاصيل , ولكن راح نحاول انو نخلي الموضوع متدرج لحتى نكون بنينا قاعدة قوية في الانطلاق لأي شخص بدا معنا من البداية ومع مرور الوقت راح يصير ملم جدا جدا بهاد المجال بطريقة افضل من الابحار منفردا .
كمان شيء تاني مهم , انو نحنا بنركز على المعلومات يلي بتساعد على تطوير عقليتك كمتداول في التفكير المنطقي وبطريقة مختلفة عن السائد وبهيك راح تتفوق على غيرك بمراحل لانو طريقة التفكير العملي هي اولى خطوات النجاح .

هاد بيخلينا نصرح انو بالتأكيد مش هدفنا بالدرجة الاولى نشر توصيات او توقعات لعملات معينة او ننصح بيها بالدرجة الاولى او حتى نقدم نصائح استثمارية محددة ولكن راح نركز على انك تمتلك ادوات القياس المناسبة لحتى تقدّر الفرص يلي راح تعترض طريقك وتستطيع انك تتحكم فيها بامتياز وتختار صح يلي بيناسبك وتتجنب الخطأ قدر الامكان في طريقك الى القمة .

شيء طبيعي انو راح نمر على اهم المصطلحات والمفردات في هاد العالم وشرح معانيها والمؤهلات الشخصية المناسبة فيك كفرد قبل ما تفوت في هاد العالم من حيث الخبرات السابقة والاستعداد النفسي وبعدين راح ننتقل للمفاهيم يلي بتخلق عندك وعي , وبتبني في ذهنك الصورة الكاملة عن هاد العالم بدل التركيز على الجزئيات لانو ممكن تتوه معها وهاد بيوصلنا لتعلم فن التخطيط المالي والاستثماري الصحيح إضافة لإدارة المخاطر , كمان التكتيكات واسرار التداول او المضاربة يلي بيستعملها اغلب صناع السوق والجهات المؤثرة , اضافة لادوات لا حصر لها تستخدم في عمليات التداول اليومية , وكمان راح نغطي مع الوقت المنصات وانواعها وطرق العمل عليها ومعايير الأمان فيها وافضل النصائح وفق التجربة للنجاح و تحقيق افضل عائد على الاستثمار وسنتوج كل ذلك بكيفية بناء الخط الموازي الخاص بك وبعملية عقلية بحتة لا تجعلك متأثر بثقافة القطيع وتخلق طريقا سهلا خاصا بك وغيرها الكثير الكثير .

اكيد مش حنتطرق للموضوعات السابقة بنفس هاد التسلسل ولكن في النهاية سنمر عليها جميعا ان شاء الله .

ما بدنا نطول عليكم ولنا لقاء آخر ان شاء الله فكونوا دوما معنا
شاركونا آرائكم في التعليقات فنحن نقدر وجهات نظركم البناءة و لا تنسوا الاعجاب بالصفحة ونشرها للمعارف والاصدقاء المهتمين بالدخول في هذا العالم ولنبدأ سويا على بركة الله

نراكم على القمة


مع كامل تحيات فريق أسرار الكريبتو | Crypto Secrets