Free Belarus Museum

Беларуская загадка Рамана Скірмунта
Лекцыя Аляксандра Смалянчука з цыклу «Каляндар вольнай Беларусі»

25 красавіка запрашаем на лекцыю, прысвечаную цікавай і супярэчлівай постацi беларускай гісторыі.

У гэты дзень у 1868 годзе нарадзіўся Раман Скірмунт - чалавек, які ў 1917–1918 гадах актыўна адстойваў права беларусаў на свабоду і ўласную дзяржаву. Яго называлі «беларускім дзеячам з вялікіх паноў», і гэтая характарыстыка да сёння выклікае пытанні.

Хто ён быў насамрэч? Палітык, патрыёт, арыстакрат, які шукаў шлях для Беларусі?

На лекцыі разам паспрабуем:
— разабрацца ў ключавых этапах яго жыцця
— зразумець яго ролю ў беларускай дзяржаўнасці
— крыху наблізіцца да разгадкі “загадкі Скірмунта”

🗓 25 красавіка
🕖 19:00
📍 Музей Вольнай Беларусі (Warszawa, Foksal 11/1)

Уваход па данатах.

Чакаем вас.

19 красавіка а 16-й гадзіне ў Музеі Вольнай Беларусі адбудзецца прэзентацыя патранату !

У межах патранату каманды валанцёраў і валанцёрак будуць супрацоўнічаць з людзьмі з досведам міграцыі, падтрымліваючы ў адаптацыі да новай рэчаіснасці - нехта дапаможа ў вывучэнні польскай мовы, іншы падтрымае ў запаўненні дакументаў для дзяржаўных устаноў, а яшчэ нехта дапаможа з напісаннем CV і пошукам працы.

На працягу шасці месяцаў валанцёры і валанцёркі будуць падтрымліваць у наладжванні сувязяў у мясцовых супольнасцях, каб можна была адчуваць сябе іх часткай.

Калі такая форма падтрымкі дапамагла б вам адчуць сябе лепей у Польшчы і знайсці сваё месца ў мясцовай супольнасці, Музей Вольнай Беларусі запрашае вас у нядзелю, 19 красавіка, а 16-й гадзіне. Мы сустрэнемся з прадстаўнікамі Amnesty International, даведаемся больш пра сацыяльны патранат, а таксама падзялімся сваім міграцыйным досведам.

Каб сустрэча прайшла максімальна эфектыўна і каманда валанцёраў лепш зразумела патрэбы рэпрэсаваных беларусаў, просім адказаць на некалькі пытанняў, анкета ананімная:

https://forms.gle/TAiPEpWWov1uNvYe8

Да сустрэчы!