BNN

سرفراز بگٹی کے گاڑی کے پیٹرول ہے میرے رکشے کا نہیں ہے

کسی بھی ادارے کو ملک کو خانہ جنگی کی طرف دھکیلنے کی اجازت نہیں دیں گے محمود خان اچکزئی

گھڑ بھڑ نہ کرے AC DCتمام میٹنگز کے معلومات مجھے دیتے ہیں محمود خان اچکزئی

ایرانی پٹرول بند ہوا تو پاکستانی پٹرول بھی نایاب کیوں ہو گیا؟

کوئٹہ میں پٹرول بحران نے کئی سوالات کھڑے کر دیے ہیں۔

اگر سرکاری سپلائی موجود تھی تو پمپ خشک کیوں پڑ گئے؟

عوام اب پٹرول سے زیادہ جواب مانگ رہے ہیں۔

یہ کسی محکمے کا کتا ہے ٹریفک سارجنٹ نے سرکاری ڈرائیور کو کھری کھری سنا دی

کوئٹہ میں چوڑی گلی کے ساتھ ایک سرکاری نمبر پلیٹ والی گاڑی کو مبینہ طور پر غیر پارکنگ ایریا میں کھڑا کرنے پر تنازع کھڑا ہوگیا۔ واقعے نے ایک بار پھر یہ سوال اٹھا دیا ہے کہ کیا سرکاری نمبر پلیٹ لگانے والوں کے لیے ٹریفک قوانین کی کوئی حیثیت نہیں؟

اطلاعات کے مطابق ڈیوٹی پر موجود ٹریفک سارجنٹ نے معمول کی چیکنگ کے دوران گاڑی کے ڈرائیور کو بتایا کہ مذکورہ مقام پارکنگ کے لیے مختص نہیں اور گاڑی فوری طور پر ہٹائی جائے۔ سارجنٹ نے گاڑی پر لگی سرکاری نمبر پلیٹ کے حوالے سے متعلقہ دستاویزات اور سرکاری اجازت نامہ بھی طلب کیا تاکہ گاڑی کی قانونی حیثیت کی تصدیق کی جا سکے۔

ذرائع کے مطابق سارجنٹ کا مؤقف تھا کہ صرف سرکاری نمبر پلیٹ لگا لینے سے کسی گاڑی کی سرکاری حیثیت ثابت نہیں ہوتی، کیونکہ ماضی میں بھی سرکاری نمبر پلیٹس کے مبینہ ناجائز استعمال کے واقعات سامنے آتے رہے ہیں۔

عینی شاہدین کے مطابق دستاویزات طلب کیے جانے پر گاڑی کا ڈرائیور مشتعل ہوگیا اور ٹریفک اہلکار سے تلخ کلامی شروع کردی۔ معاملہ اس وقت مزید کشیدہ ہوگیا جب ڈرائیور نے مبینہ طور پر ٹریفک سارجنٹ کی وردی پر ہاتھ ڈالا، جس کے بعد دونوں کے درمیان شدید بحث و تکرار ہوئی۔

شہری حلقوں کا کہنا ہے کہ اگر ایک عام شہری کو غیر قانونی پارکنگ پر جرمانے اور قانونی کارروائی کا سامنا کرنا پڑتا ہے تو سرکاری گاڑیوں اور ان کے ڈرائیورز کے لیے بھی وہی قانون لاگو ہونا چاہیے۔ ان کا مؤقف ہے کہ سرکاری نمبر پلیٹ کسی کو قانون سے بالاتر ہونے کا اختیار نہیں دیتی۔

شہریوں نے مطالبہ کیا ہے کہ واقعے کی شفاف تحقیقات کی جائیں اور اگر کسی نے اختیارات یا سرکاری حیثیت کا ناجائز فائدہ اٹھایا ہے تو اس کے خلاف قانون کے مطابق کارروائی عمل میں لائی جائے، تاکہ یہ واضح پیغام جائے کہ قانون سب کے لیے برابر ہے

وزیر اعلیٰ میر سرفراز بگٹی کے ترقیاتی وژن سے کوئٹہ میں نمایاں بہتری، شہریوں نے تبدیلی کا اعتراف کر لیا

کوئٹہ: بلوچستان کے دارالحکومت میں جاری ترقیاتی منصوبوں کے باعث شہر کی صورتحال میں واضح بہتری دیکھنے میں آ رہی ہے۔ شہریوں کے مطابق سڑکوں کی حالت، ٹریفک نظام اور بنیادی انفراسٹرکچر پہلے کے مقابلے میں بہتر ہوا ہے۔

ماضی میں کوئٹہ کو ٹوٹی پھوٹی سڑکوں، ٹریفک جام اور ناکافی سہولیات جیسے مسائل کا سامنا تھا، تاہم حالیہ دور میں اہم شاہراہوں کی توسیع، جدید ٹریفک سگنلز کی تنصیب اور ٹریفک مینجمنٹ میں بہتری جیسے اقدامات نے صورتحال کو کافی حد تک بہتر بنایا ہے۔

شہریوں کا کہنا ہے کہ سفر کا وقت کم ہوا ہے اور شہر میں نظم و ضبط میں اضافہ محسوس کیا جا رہا ہے، جبکہ رات کے اوقات میں بھی شہر کی رونق پہلے سے زیادہ نظر آتی ہے۔

ماہرین کے مطابق کوئٹہ چونکہ صوبے کا مرکزی شہر ہے، اس لیے یہاں کی ترقی سے نہ صرف عوامی سہولت بڑھتی ہے بلکہ معاشی سرگرمیوں پر بھی مثبت اثر پڑتا ہے۔

اگر یہی ترقیاتی رفتار برقرار رہی تو کوئٹہ مستقبل میں ایک زیادہ جدید اور منظم شہر کے طور پر سامنے آ سکتا ہے، جسے شہری ایک مثبت تبدیلی قرار دے رہے ہیں۔