Pak Rail Express update

پاکستان ایکسپریس کی زاد میں آ کر 1 راہگیر کی 13 جانور ہلاک اور آپ خود زندگی کی بازی ہارگیا راجہ رام کے قریب ملتان ڈویژن سیکشن شجاع آباد

راولپنڈی سے ملتان جانے والی تھل ایکسپریس حادثے کا شکار، ایک بوگی پٹری سے اتر گئی

راولپنڈی سے ملتان جانے والی 130 ڈاؤن تھل ایکسپریس مسان اور داودخیل کے درمیان حادثے کا شکار ہو گئی، جب ٹرین کی ایک بوگی پٹری سے اتر گئی۔ حادثے کے باعث مذکورہ ریلوے ٹریک پر ٹرینوں کی آمد و رفت عارضی طور پر معطل کر دی گئی ہے۔

ریلوے ذرائع کے مطابق حادثے کے بعد ٹریک کی بحالی کے لیے امدادی ٹرین کندیاں سے روانہ کر دی گئی ہے، جو متاثرہ مقام پر پہنچ کر بحالی کا کام سرانجام دے رہی ہے۔

ذرائع کا کہنا ہے کہ ٹرین میں خواتین، بچوں اور بزرگ مسافروں کی بڑی تعداد موجود تھی، جو شدید گرمی میں ٹرین رکنے کے باعث مشکلات کا شکار ہو گئے۔ مقامی افراد اور ریلوے عملے نے مسافروں کو ابتدائی امداد فراہم کی۔

ذرائع کے مطابق تاحال کسی جانی نقصان کی اطلاع موصول نہیں ہوئی، تاہم واقعے کی وجوہات جاننے کے لیے تحقیقات کا آغاز کر دیا گیا ہے۔ ریلوے حکام کا کہنا ہے کہ متاثرہ ٹریک کو جلد از جلد بحال کرنے کی کوششیں جاری ہیں تاکہ رکی ہوئی ٹرینوں کی آمد و رفت بحال ہو سکے۔