Pashtoon SF BZU

پختون سٹوڈنٹس فیڈریشن بی زیڈ یو ملتان، پنجاب میں حالیہ اناؤنس شدہ انتخابات کو یکسر مسترد کرتے ہوئے انہیں غیر قانونی قرار دیتی ہے اور فوری منسوخی کا مطالبہ کرتی ہے۔ تنظیم سمجھتی ہے کہ صوبائی الیکشن کمیٹی اپنی غیر جانبداری کھو چکی ہے اور تنظیم کے اندر باقاعدہ لابنگ میں ملوث ہے۔ الیکشن کمیٹی کے ارکان اپنے پسندیدہ اور من چاہے امیدواروں کو عہدے دلوانے کے لیے ملتان سمیت پنجاب کے دیگر یونٹس میں پہلے ہی مہم چلا چکے ہیں، جس سے اس پورے عمل کی شفافیت ختم ہو چکی ہے۔ انتخابات کا انتہائی اچانک اور جلد بازی میں اعلان اس بات کا ثبوت ہے کہ یہ عمل پہلے سے "مینج شدہ" ہے تاکہ عام کارکنوں کو تیاری کا موقع نہ ملے اور مخصوص افراد کو مسلط کیا جا سکے۔ بی زیڈ یو ملتان ایسے کسی بھی جانبدارانہ اقدام کو تسلیم نہیں کرے گی جو تنظیم کے جمہوری ڈھانچے کو نقصان پہنچانے کے مترادف ہو۔

پختون سٹوڈنٹس فیڈریشن بی زیڈ یو ملتان

Pukhtoon Students Federation Punjab

16 دسمبر ہماری تاریخ کا وہ سیاہ دن ہے ، جس میں آرمی پبلک اسکول کے معصوم بچوں کا بے دردی سے قتلِ عام کیا گیا۔ مگر اے پی ایس کا سانحہ محض ایک واقعہ نہیں تھا، بلکہ یہ ان کالونیل باقیات پر مبنی پالیسیوں کا تسلسل ہے ، جو بابڑہ سے شروع ہوئیں، اے پی ایس تک پہنچیں، اور پھر اے پی ایس سے خڑ کمر، وکلا کے قتلِ عام، اور پشتون سیاسی و سماجی رہنماؤں کی ٹارگٹ کلنگ تک جاری رہیں، یہ ظلم وہیں نہیں رکا ، بلکہ جو بھی اس جبر اور بربریت کے خلاف ڈٹ کر کھڑا ہوا، یہ تو اس سے قتل کر دیا گیا اور یا خاموش کرنے کی کوشش کی گئی۔ مولانا خان زیب شہید، عثمان کاکڑ، بشیر بلور، حمید داوڑ ، یہ سلسلہ شہادت پر ختم نہیں ہوا بلکہ آج تک جاری ہے،

المیہ یہ ہے کہ ان تمام سانحات کے باوجود ہم سیکھ نہیں رہے، ہماری اجتماعی یادداشت کو کمزور کر دیا گیا ہے، ہمیں سیاست سے دور رکھا گیا، ہمیں اپنی تاریخ سے کاٹ دیا گیا۔ اور جو قوم اپنی تاریخ سے محروم کر دی جائے، اس کی مثال اس شخص جیسی ہو جاتی ہے جو سفر پر نکلے اور راستے میں حادثے کا شکار ہو کر اپنی یادداشت کھو بیٹھے، نہ اسے اپنی شناخت کا علم ہو، نہ راستے کا، نہ منزل کا، اور نہ ہی اپنے مخلص اور دشمن کی پہچان ،
بدقسمتی سے پشتون قوم کے ساتھ بھی یہی ہوا ہے، انہیں اپنی تاریخ، ثقافت اور سیاسی شعور سے دور رکھا گیا، جس کے نتیجے میں نہ انہیں اپنے حقیقی رہنماؤں کا پتا ہے، نہ اپنی قومیت اور شناخت کا، اور نہ ہی اپنی سیاست کے سمت و مقصد کا۔

اگر ہم واقعی ایسے سانحات کو روکنا چاہتے ہیں تو ہمیں اجتماعی طور پر سیاسی شعور حاصل کرنا ہوگا ، لوگوں کو سیاست سے جوڑنا ہوگا، اپنی قوم میں سیاسی آگاہی پیدا کرنی ہوگی، کیونکہ موجودہ حالات میں یہی ہمارے پاس واحد راستہ بچتا ہے۔

انعام داوڑ
ڈپٹی جنرل سیکرٹری
پشتون سٹوڈنٹس فیڈریشن بی زیڈ یو ملتان

کل پشتون سٹوڈنٹس فیڈریشن بی زیڈ یو ملتان کے صدر سلال میانی اور صوبائی الیکشن کمیٹی چیرمین عبدالحمید ناصر نے باجوڑ سے تعلق رکھنے والے کاروباری شخصیت عثمان باجوڑ سے ملاقات کی۔ ملاقات میں آنے والا ایونٹ کے بارے میں بات چیت ہوئی۔ صدر سلال میانی نے شرکت کرنے کی دعوت بھی دی۔

سیکرٹری اطلاعات
شاہ زیب داوڑ
پشتون سٹوڈنٹس فیڈریشن بی زیڈ یو ملتان🌺🚩