Muhammad Riaz Farooq Sahi

منڈی بہاوالدین میں لاقانونیت کا راج، جماعت اسلامی کا بڑا الزام
سی سی ڈی فورس ناکام، اغواء کے خلاف سخت کارروائی نہ ہوئی تو سڑکوں پر ہوں گے: چوہدری ریاض فاروق ساہی
منڈی بہاوالدین

جماعت اسلامی منڈی بہاوالدین کے مرکزی رہنما اور امیدوار قومی اسمبلی حلقہ این اے 68 چوہدری محمد ریاض فاروق ساہی نے منڈی بہاوالدین میں بڑھتی ہوئی لاقانونیت، اغواء کی وارداتوں اور جماعت اسلامی کے ٹکٹ ہولڈر پی پی 40 کے امیدوار چوہدری حسن عباس بوسال کے اغواء پر شدید ردِعمل دیتے ہوئے صورتحال کو انتہائی تشویشناک قرار دیا ہے۔ انہوں نے کہا کہ صوبہ پنجاب میں وزیر اعلیٰ مریم نواز شریف کی جانب سے جرائم کے خاتمے کے لیے قائم کی گئی سی سی ڈی فورس اسلحہ بردار اور سنگین جرائم پیشہ عناصر کے خلاف کارروائی کرنے میں مکمل طور پر ناکام ہو چکی ہے، جبکہ منڈی بہاوالدین میں تو سی سی ڈی، پوٹ سمیت تمام قانون نافذ کرنے والے ادارے بے بس نظر آ رہے ہیں۔ چوہدری ریاض فاروق ساہی کا کہنا تھا کہ انتہائی شریف النفس، باکردار اور جماعت اسلامی کے نامزد امیدوار چوہدری حسن عباس بوسال کا اغواء حکومت اور پولیس کی کارکردگی پر ایک بڑا سوالیہ نشان ہے۔ اگر فوری طور پر ملزمان کو گرفتار کر کے مغوی کو باحفاظت بازیاب نہ کرایا گیا تو اس کے سنگین نتائج برآمد ہوں گے۔ انہوں نے وزیر اعلیٰ پنجاب مریم نواز شریف، آئی جی پنجاب ڈاکٹر عثمان انور، ریجنل پولیس آفیسر گجرات اور ڈسٹرکٹ پولیس آفیسر منڈی بہاوالدین سید عبدالرحیم شیرازی سے مطالبہ کیا کہ اغواء میں ملوث عناصر کو فی الفور گرفتار کیا جائے اور حسن عباس بوسال کو بحفاظت بازیاب کرایا جائے۔
آخر میں انہوں نے خبردار کیا کہ اگر ریاستی ادارے ناکام رہے تو جماعت اسلامی خاموش نہیں رہے گی اور راست اقدام پر مجبور ہو جائے گی، جس کی تمام تر ذمہ داری حکومت وقت پر عائد ہو گی۔

ہم انتظامیہ سے مطالبہ کرتے ہیں کہ ہمارے بھائی حسن بوسال کی جلد سے جلد بحفاظت بازیابی کویقینی بنائے

جماعت اسلامی ضلع منڈی بہاؤالدین کے زیر اہتمام “بلدیاتی قانون “ کے خلاف ریفرنڈم کے رزلٹ کو گننے اور جمع کرنے کی تقریب کا منعقد کی گئی جس میں ضلع کے سیاسی و سماجی رہنما اور جماعت اسلامی کے ضلعی ذمہ داران بھی موجود تھے