Tarz-e-Wafa

خود مرض ہو کے مریضوں کو شفا دیتا ہے
عشق انساں کے تخیل کو ہوا دیتا ہے

کسی محفل میں نہیں ان کی نشستیں لگتیں
اپنے پہلو سے وہ جس جس کو اٹھا دیتا ہے

سیکھ لے جو بھی یہاں کارِ وفا، بے چارہ
بند مٹھی سے بھی ہر شے کو گنوا دیتا ہے

وقت اور عشق میں چھنتی ہے ازل سے گاڑھی
اک سے بگڑے جہاں دوجا بھی دغا دیتا ہے

مہرباں بن کے ملے، دشمنِ جاں بن کے ملے
ہر دو صورت میں زمانہ یہ رُلا دیتا ہے

کوئی پہلے تو کوئی بعد میں رخصت لے گا
ساتھ مجنوں کا تو صحرا ہی سدا دیتا ہے

اس سے پہلے کسی منظر میں نظر آؤں میں
اپنی نظریں ہی وہ منظر سے ہٹا دیتا ہے

کیوں نہ اس بار بھی تجھ سے ہی محبت کر لیں
جب یہی طے ہے کہ ہر ایک دغا دیتا ہے

جانے قاصد کو رقابت ہے کہ احساس مرا
خط کو ترسیل سے پہلے ہی جلا دیتا ہے

میں نہیں مانتا شاعر کبھی خود کو لیکن
میرا لکھا مرے یاروں کو شفا دیتا ہے

کیوں مقدر سے یوں ناراض سبھی ہیں
یہ جو ملتے ہیں، انہیں کون ملا دیتا ہے۔۔!!!🌹

ہماری شمع تمنا بھی جل کے خاک ہوئ
ہمارے شعلوں کا عالم چتاؤں جیسا ہے

وہ بس گیا ہے جو آ کر ہماری سانسوں میں
جبھی تو لہجہ ہمارا دعاؤں جیسا ہے

تمہارے بعد اجالے بھی ہو گئے رخصت
ہمارے شہر کا منظر بھی گاؤں جیسا ہے

وہ ایک شخص جو ہم سے ہے اجنبی اب تک
خلوص اس کا مگر آشناؤں جیسا ہے ۔۔۔

‏ھم ھیں بــے فیض ادیبوں کے ادھورے مصـــــرے

اور وہ ِمیــــــر, کــے دیوان پہ چھایا ھوا شخص

خود کشی , عشــق .فنا ,قتل یا پھر، ترکــــــــ وفا

کچھ بھی کر سکتا ہے جذبات میں آیا ہوا شخص