Procon

زبانی استغفار قابلِ تعریف ہے لیکن اب عملی استغفار کی اشد ضرورت ہے۔
اپنے گناہوں، ناپسندیدہ کاموںکا جائزہ لیں، فہرست بنائیں اور چھوڑنا شروع کردیں جلد از جلد۔
اسی طرح لایعنی کام بھی رفتہ رفتہ کم کرتے جائیں۔ لا یعنی کام جن میں نہ دین کا فائدہ ہو اور نہ دنیا کا فائدہ۔
محض زبانی استغفار نہیں بلکہ عملی استغفار بھی لازم ہے۔
بہت بڑی آفات دستک دے چکی ہیں، ایسی آفات جو بڑے پیمانے پر روحانی تبدیلیاں مانگ رہی ہیں، اسی میں بقا ہے۔
بہت بڑے فتنے کُھل چکے اور مزید تیزی سے کُھلنے والے ہیں جن کے سامنے پچھلے فتنے چھوٹے معلوم ہورہے ہیں، ان فتنوں سے بچنا ہے تو رجوع الی اللہ کی پناہ میں آنا ہوگا اور جلد آنا ہوگا، گناہ چھوڑنے ہونگے، اگر مگر کا رویہ ترک کرنا ہوگا۔

آفاق احمد