WAO Collection

Beshak
Alhamdulillah

چار بچوں کی اماں جان بننے کے بعد بھی آج تک یہ معمہ حل نہ ہو سکا کہ جونہی میں نوالہ منہ میں ڈالتی ہوں
اچانک سب بچوں کو بیک وقت واش روم کیوں یاد آ جاتا ہے—یوں محسوس ہوتا ہے جیسے میرا کھانے کا وقت ان کے لیے باقاعدہ الارم ٹون ہو 😅

چار بچوں کی ماں بننے کے باوجود یہ راز مجھ پر نہ کھل سکا کہ بچے ہزاروں روپے کے مہنگے کھلونے چھوڑ کرپلاسٹک کی بوتل، ریموٹ اور گتے کے ڈبوں سےایسے کیوں کھیلتے ہیں جیسے یہی ان کی زندگی کا سب سے بڑا خواب تھا 🤦‍♀️

چار بچوں کی اماں جان ہو کر بھی یہ عقدہ حل نہ ہوا کہ گھر میں بنی بہترین اور محبت سے تیار کی گئی چیزناک چڑھا کر مسترد کر دی جاتی ہےلیکن کسی کے گھر مہمان بن کروہی چیز ایسے کھائی جاتی ہےجیسے برسوں سے فاقہ کشی پر تھے 😅

چار بچوں کی ماں ہونے کے بعد بھی یہ گتھی نہ سلجھی کہ بچوں کو گھر سے باقاعدہ واش روم کروا کر لے جاؤں تب بھی ہر ریسٹورنٹ اور ہر شادی ہال کے واش روم کی زیارت مجھے لازمی کروائی جاتی ہے
(میں کھانے کی ریٹنگ شاید نہ دوں مگر واش روم کی صفائی پر پورا لیکچر دے سکتی ہوں) 😆

چار بچوں کی اماں جان بن کر بھی یہ بات سمجھ نہ آئی
کہ اگر میں گھر میں صرف لپ اسٹک ہی لگا لوں تو بچوں کو کیوں لگتا ہےکہ آج کہیں گھومنے جانا ہےاور سب تیار ہو کر میرے پیچھے کیوں لگ جاتے ہیں 😂

چار بچوں کی ماں ہونے کے بعد بھی آج تک یہ سمجھ نہیں آیا کہ جس دن بچوں کو نیا ڈریس پہناؤں یا نئی بیڈ شیٹ بچھاؤں اسی دن اس پر چائے، جوس یا چاکلیٹ قربان کرنا کیوں فرض سمجھ لیا جاتا ہے 😢

چار بچوں کی ماں ہونے کے بعد بھی مجھے یہ سمجھ نہیں آیا کہ جیسے ہی میں ذرا ساسکون سے بیٹھوں بچوں کو بھوک، پیاس، ہوم ورک اور آپس کی لڑائیاں سب ایک ساتھ کیوں یاد آ جاتی ہیں 😅

چار بچوں کی ماں ہونے کے بعد بھی یہ عقدہ حل نہ ہواکہ بچوں کو نیند تب ہی کیوں آتی ہےجب میں خود سونے کا ارادہ ترک کر چکی ہوتی ہوں 😴

چار بچوں کی ماں ہونے کے بعد بھی مجھے یہ سمجھ نہیں آیا کہ میرا موبائل صرف میرا کیوں نہیں اور بچوں کو یہ کیوں لگتا ہےکہ یہ ان کی مشترکہ جائیداد ہے 😂

چار بچوں کی ماں ہونے کے بعد بھی مجھے یہ سمجھ نہیں آیا کہ اگر میں خاموش بیٹھ جاؤں تو بچے فوراً کیوں پوچھتے ہیں“امی، کیا سوچ رہی ہو؟”اور اگر بولنا شروع کر دوں تو کوئی کیوں نہیں سنتا۔۔۔ 😅

چار بچوں کی ماں ہونے کے بعد بھی یہ معمہ حل نہ ہوا
کہ جیسے ہی میں لیٹنے لگوں بچوں کو پانی، واش روم، بھوک اور زندگی کے تمام مسائل ایک ساتھ کیوں یاد آ جاتے ہیں 🤦‍♀️

کیا آپ کے بچوں میں بھی ایسی ہی نایاب اور عجیب و غریب عادتیں پائی جاتی ہیں یا میرے بچے ہی کسی اور ہی دنیا کی مخلوق ہیں؟ 🤣
کاپیڈ