Ayesha Rafique Write's

اکثر جسے ڈیجیٹل محبت کہا جاتا ہے، وہ دراصل محض ایک جذباتی ضرورت ہوتی ہے۔ انسان کسی اور سے نہیں، بلکہ اپنے خالی پن سے بھاگ رہا ہوتا ہے۔ ان باکس میں موجود دوسرا فرد ایک انسان نہیں رہتا، بلکہ وقت گزارنے کا ذریعہ بن جاتا ہے۔ جسے آپ محبت سمجھ رہے ہوتے ہیں، وہ عموماً اسی جذباتی ضرورت کا نام ہوتا ہے جو رابطہ کمزور پڑتے ہی اپنی حقیقت کھو دیتی ہے۔
ڈیجیٹل تعلقات کا سب سے بڑا فریب یہ ہے کہ یہاں الفاظ سستے اور وعدے بے قیمت ہوتے ہیں۔ نہ کوئی جواب دہی ہوتی ہے، نہ کوئی اخلاقی بوجھ۔ یہ صرف ایک ٹائم پاس ڈیل ہوتی ہے جہاں دونوں طرف سہولت کی بنیاد پر سودے بازی چل رہی ہوتی ہے۔ جیسے ہی پیکج ختم ہوتا ہے، وہی نام نہاد عظیم جذبات بلاک لسٹ کی نذر ہو جاتے ہیں۔ بلاک کرنا آسان ہے، چھوڑ دینا معمولی، اور بھلا دینا فوری ہوتا ہے۔ جو رشتہ صرف نیٹ ورک پر چلتا ہو، وہ حقیقت کے دباؤ کو برداشت نہیں کر سکتا..

ہم صرف ‘وقتی’ ضرورت ہو سکتے ہیں، ‘دائمی’ ضرورت کوئی نہیں ہوتا۔ لوگ ہماری کمی محسوس کرتے ہیں، مگر اسے بھرنے کے لیے بہت جلد کوئی متبادل بھی ڈھونڈ لیتے ہیں۔ یہ دنیا ‘ری پلیسمنٹ’ کے اصول پر چلتی ہے۔ انسان کتنا ہی خاص کیوں نہ ہو، وہ بدل دیا جاتا ہے۔