Point Of View

پاکستان کے وزیراعظم شہباز شریف نے پاکستانی کرکٹ ٹیم کو 15 فروری کو انڈیا کے خلاف ٹی ٹوئنٹی ورلڈ کپ میچ کھیلنے کی اجازت دیتے ہوئے کہا ہے کہ یہ فیصلہ دوست ممالک کی درخواست پر کیا گیا ہے۔

اس سے قبل پاکستان کرکٹ بورڈ (پی سی بی) کے چیئرمین محسن نقوی نے وزیراعظم شہباز شریف کو پی سی بی، انٹرنیشنل کرکٹ کونسل کے نمائندوں اور بنگلہ دیش کرکٹ بورڈ کے صدر کے درمیان ہونے والے اجلاس میں کیے گئے فیصلے سے باضابطہ طور پر آگاہ کیا۔

حکومتی بیان میں کہا گیا ہے کہ ’حکومت پاکستان نے یہ فیصلہ بنگلہ دیش کرکٹ بورڈ کی جانب سے پی سی بی کو دی گئی باضابطہ درخواستوں کے ساتھ ساتھ سری لنکا، متحدہ عرب امارات اور دیگر رکن ممالک سے موصول ہونے والے پیغامات کی بنیاد پر کیا ہے۔‘

بیان کے مطابق وزیراعظم شہباز شریف نے پیر کی شام سری لنکا کے صدر انورا کمارا ڈسانائیکے سے فون پر بات بھی کی جس کے دوران سری لنکا کے صدر نے وزیراعظم سے موجودہ صورت حال کو خوش اسلوبی سے حل کرنے پر سنجیدگی سے غور کرنے کی درخواست کی۔

رپورٹ: اسلام آباد امام بارگاہ واقعہ
اسلام آباد کے ایک علاقے میں واقع امام بارگاہ میں عبادت کے دوران اچانک زور دار دھماکے کی آواز سنی گئی جس سے علاقے میں خوف و ہراس پھیل گیا۔ اطلاع ملتے ہی ریسکیو، پولیس اور سکیورٹی ادارے فوری طور پر موقع پر پہنچ گئے اور زخمی افراد کو قریبی اسپتالوں میں منتقل کیا گیا، جبکہ علاقے کو گھیرے میں لے کر سرچ آپریشن شروع کر دیا گیا۔
ذرائع کے مطابق واقعے کی نوعیت جاننے کے لیے تحقیقات جاری ہیں اور حکام کی جانب سے سکیورٹی مزید سخت کر دی گئی ہے۔ شہریوں سے اپیل کی گئی ہے کہ وہ پرامن رہیں، افواہوں سے گریز کریں اور کسی بھی مشکوک سرگرمی کی فوری اطلاع متعلقہ اداروں کو دیں۔

ملتان سلطانز کی دوبارہ نیلامی: علی ترین سمیت پانچ کمپنیوں کے درمیان فرنچائز کے لیے مقابلہ ہوگا۔
پی ایس ایل کی پچھلی نیلامیوں میں ناکام والی والی ٹیک اور ایم نیکسٹ اینک بھی شامل ہیں۔

فیصل آباد میں دیانت داری کی ایک روشن مثال سامنے آئی جس نے سب کے دل جیت لیے۔
محلہ نگر بان پورہ میں صفائی کے دوران ورکر نصرت بی بی کو کوڑے میں ایک بند پیکٹ ملا۔ جب اسے کھولا گیا تو اندر بڑی مقدار میں نقد رقم موجود تھی۔ مگر حیرت کی بات یہ کہ انہوں نے ایک لمحہ بھی لالچ نہ کیا۔
نصرت بی بی نے فوراً اپنے سپروائزر کو اطلاع دی اور رقم کمپنی کے دفتر جمع کرا دی۔ گنتی کی گئی تو رقم 9 لاکھ روپے نکلی۔ بعد ازاں اصل مالک کو تلاش کیا گیا جس نے بتایا کہ گھر کی صفائی کرتے وقت یہ رقم غلطی سے کوڑے میں چلی گئی تھی۔
نصرت بی بی کی ایمانداری نے ہر شخص کو متاثر کر دیا۔ ڈپٹی کمشنر آفس میں ان کے اعزاز میں تقریب منعقد ہوئی جہاں:
رقم کے مالک نے 1 لاکھ روپے انعام دیا
صفائی کمپنی کی جانب سے 1 لاکھ روپے دیا گیا
ڈپٹی کمشنر نے بھی 1 لاکھ روپے انعام دیا
اور خصوصی طور پر ان کے بیٹے کو نوکری فراہم کی گئی
یہ وہ پاکستان ہے جہاں سچائی اور امانت داری آج بھی زندہ ہے، اور کردار دولت سے کہیں زیادہ قیمتی سمجھا جاتا ہے۔

سلمان آغا نے ایشیا کپ فائنل کی فوٹو شوٹ میں شرکت نہیں کی
ان کی غیر موجودگی نے سریا کمار یادو کے ساتھ مداحوں میں بحث چھیڑ دی