Waqar Medical Complex

𝐑𝐡𝐞𝐮𝐦𝐚𝐭𝐨𝐢𝐝 𝐀𝐫𝐭𝐡𝐫𝐢𝐭𝐢𝐬
آرتھرائٹس کی ایک قسم روماٹائیڈ آرتھرائٹس ہے جس کو عام زبان میں گنٹھیا بھی کہا جاتا ہے۔ جس میں آپ کا مدافعتی نظام آپ کے جسم کے صحت مند خلیوں پر غلطی سے حملہ کرتا ہے، جس سے جسم کے متاثرہ جوڑوں میں سوزش ہوتی ہے۔ جو پٹھوں اور جوڑوں میں درد سوجن ، پٹھوں کی سختی اور جوڑوں کے کام کرنے کی صلاحیت کو کم کرنے کا باعث بنتی ہے۔

■ علامات: 𝐒𝐲𝐦𝐩𝐭𝐨𝐦𝐬
● ایک سے زیادہ جوڑوں میں درد یا سختی ۔
● ایک سے زیادہ جوڑوں میں سوجن۔
● صبح کے وقت 30 منٹ سے زیادہ جسم میں اکڑاؤ کا محسوس ہونا۔
● جوڑوں میں سوزش جو اکثر کلائی اور ہاتھ کے قریب تر واقعہ انگلیوں کے جوڑوں کو متاثر کرتی ہے۔
● جسم کے دونوں طرف ایک جیسی علامات (جیسے دونوں ہاتھوں یا دونوں گھٹنوں میں)
● تھکاوٹ کبھی کبھی بخار
● توانائی میں کمی
● وزن میں کمی
● جسم میں گلٹیاں بننا

■ وجوہات 𝐂𝐚𝐮𝐬𝐞𝐬
آپ کا مدافعتی نظام عام طور پر اینٹی باڈیز بناتا ہے جو بیکٹیریا اور وائرس پر حملہ کرتے ہیں، انفیکشن سے لڑنے میں مدد کرتے ہیں۔
اگر آپ کو ریمیٹائڈ آرتھرائیٹس ہے تو، آپ کا مدافعتی نظام غلطی سے آپ کے جوڑوں کی تہہ میں اینٹی باڈیز بھیجتا ہے، جہاں وہ جوڑوں کے ارد گردکے ٹشو پر حملہ کرتے ہیں۔
اس کی وجہ سے آپ کے جوڑوں کو ڈھانپنے والے خلیات کی باریک تہہ (𝑠𝑦𝑛𝑜𝑣𝑖𝑢𝑚) میں زخم اور سوجن ہو جاتی ہے، جس سے ایسے کیمیکل خارج ہوتے ہیں جو آس پاس کی ہڈیوں، ٹینڈن اور لیگامینٹز وغیرہ کو نقصان پہنچاتے ہیں۔
اگر ریمیٹائڈ آرتھرائیٹس کا علاج نہ کیا جائے تو یہ کیمیکل آہستہ آہستہ جوڑ کی شکل اور سیدھ کھونےکی وجہ بنتے ہیں۔

■ ریمیٹاںٔڈ آرتھرائٹس کے خطرے کے عوامل کیا ہیں؟
● عمر
● جنس
● موٹاپہ
● سیگریٹ نوشی کی عادت
● وراثت میں ملنے والی خصوصیات

■ تشخیص 𝐃𝐢𝐚𝐠𝐧𝐨𝐬𝐢𝐬
𝟏 -𝐑𝐀 𝐅𝐚𝐜𝐭𝐨𝐫 کا مثبت ہونا
𝟐 -𝐂 𝐫𝐞𝐚𝐜𝐭𝐢𝐯𝐞 𝐩𝐫𝐨𝐭𝐞𝐢𝐧
𝟑 -𝐀𝐧𝐭𝐢-𝐂𝐂𝐏
گنٹھیا جوڑوں کے عام درد سے بالکل مختلف ہوتا ہے۔ اس کی تشخیص اور علاج سپیشلسٹ 𝐑𝐡𝐞𝐮𝐦𝐚𝐭𝐨𝐥𝐨𝐠𝐢𝐬𝐭 ڈاکٹر کرتے ہیں۔

■ علاج 𝐓𝐫𝐞𝐚𝐭𝐦𝐞𝐧𝐭
ابتدائی علاج میں دوائی، طرز زندگی میں تبدیلی، معاون علاج جوڑوں کے نقصان کے خطرے کو کم کر سکتی ہے اور حالت کے اثرات کو روک سکتی ہے۔
ریمیٹاںٔڈ آرتھرائٹس کو مزید خراب ہونے سے روکنے اور مزید مسائل کے خطرے کو کم کرنے میں مدد کے لیے دوائیں دستیاب ہیں۔

بروقت تشخیص سے اس بیماری کا بہت بہتر علاج ممکن ہے بروقت تشخیص اور علاج نہ ہونے کی وجہ سے یہ بیماری مستقل معذوری میں مبتلا کر سکتی ہے۔
اگر آپ یا آپ کا کوئی عزیز اس بیماری کی ابتدائی علامات میں مبتلا ہے تو فوری طور پر تجربہ کار ریوماٹولوجسٹ سے رابطہ کریں۔

اللہ تعالی ہم سب کو صحت مند زندگی عطا کرے