NATCO

سکردو اسٹیشن پر ہیلتھ کارڈز کی تقسیم

منیجنگ ڈائریکٹر نیٹکو جناب عثمان احمد صاحب کے ویژن کے مطابق ملازمین کی فلاح و بہبود کے لیے ہیلتھ کارڈز کی فراہمی کا سلسلہ جاری ہے۔

اسی سلسلے میں اسٹیشن منیجر سکردو، جناب بشارت نے سکردو اسٹیشن کے ملازمین میں ہیلتھ کارڈز تقسیم کیے، جنہیں ملازمین نے خوشی اور اطمینان کے ساتھ وصول کیا۔

سکردو اسٹیشن کے ملازمین اس شاندار فلاحی اقدام پر منیجنگ ڈائریکٹر نیٹکو جناب عثمان احمد صاحب کا تہہ دل سے شکریہ ادا کرتے ہیں۔ ملازمین کی صحت اور فلاح کے لیے ہیلتھ کارڈ کی فراہمی آپ کے دوراندیش ویژن اور ملازم دوست پالیسیوں کا عملی مظہر ہے، جو یقیناً قابلِ تحسین ہے۔

منیجنگ ڈائریکٹر نیٹکو عثمان احمد سے گلگت کے صحافیوں کی ملاقات۔۔۔۔

Daily K2
Information Department Gilgit-Baltistan
Zakir Journalist

نیٹکو اپنے صارفین اور سٹاف کی سہولت کے لئے پری پیڈ اور فیول کارڈ سسٹم متعارف کرائے گا
نیٹکو نے عہد جدید کے تقاضوں سے ہم آہنگ ڈیجیٹل ٹرانسفارمیشن کے ذریعے اپنے صارفین اور سٹاف کی سہولت کے لئے پری پیڈ اور فیول کارڈ سسٹم متعارف کرانے کا فیصلہ کیا ہے اس حوالے سے بینک الفلاح کی سینئر انتظامیہ کے ساتھ ایک اہم آن لائن اجلاس (گوگل میٹ) منعقد ہوا، جس میں پری پیڈ کارڈ اور فیول کارڈ سلوشن کے منصوبے پر تفصیلی غور و خوض کیا گیا۔
اجلاس میں منیجنگ ڈائریکٹر نیٹکو عثمان احمد اور جنرل منیجرز نے شرکت کی۔ اجلاس کے دوران جدید ڈیجیٹل پیمنٹ سسٹم کو متعارف کرانے کے منصوبے کی اصولی منظوری دی گئی۔
اس اقدام کا بنیادی مقصد ایک جدید، محفوظ اور کیش لیس ادائیگی کا نظام متعارف کرانا ہے، جس سے مسافروں کو سہولت میسر آئے گی جبکہ ادارے کے آپریشنل نظام میں شفافیت، بہتری اور کارکردگی میں اضافہ ہوگا۔
اس منصوبے کے تحت نیٹکو کے مسافر پری پیڈ کارڈ کے ذریعے ٹکٹ خریدنے پر10 فیصد تک کیش بیک حاصل کر سکیں گے، جو مقررہ شرائط و ضوابط کے مطابق ہوگا۔
منصوبے کے اہم نکات میں مسافروں کے لیے پری پیڈ کارڈز کا اجرا، ڈرائیورز اور آپریشنل گاڑیوں کے لیے فیول کارڈز کا اجرا، محفوظ اور کیش لیس لین دین کا نظام، نامزد کاؤنٹرز پر فوری کارڈ اجراء، ریئل ٹائم ٹرانزیکشن مانیٹرنگ اور MIS رپورٹنگ شامل ہیں۔
یہ اقدام نیٹکو کے ڈیجیٹل نظام کی طرف ایک اور اہم سنگ میل قرار دیا جا رہا ہے، جو نہ صرف ادارے کی کارکردگی کو بہتر بنائے گا بلکہ مسافروں کے تجربے کو بھی مزید سہل، جدید اور مؤثر بنائے گا۔