Dil Gilgit

پریس ریلیز
گلگت
ڈپٹی کمشنر/ڈسٹرکٹ مجسٹریٹ گلگت کیپٹن (ر) عارف احمد کی ہدایات پر ایڈیشنل ڈپٹی کمشنر/ایڈیشنل ڈسٹرکٹ مجسٹریٹ گلگت صداقت علی کی زیر صدارت پولیو مہم کے حوالے سے ایک اہم اجلاس منعقد ہوا۔ اجلاس میں تحصیلدار گلگت، ایڈیشنل ڈی ایچ او گلگت، ایس ڈی پی او سٹی، ڈی ڈی ایجوکیشن گلگت، نمائندہ ڈبلیو ایچ او اور دیگر متعلقہ آفیسران نے شرکت کی۔
اجلاس سے خطاب کرتے ہوئے ایڈیشنل ڈپٹی کمشنر گلگت نے کہا کہ پولیو مہم ایک قومی فریضہ ہے اور اس کو کامیاب بنانے کے لیے تمام وسائل بروئے کار لائے جائیں گے۔ انہوں نے کہا کہ پانچ سال تک کے تمام بچوں کو پولیو سے بچاؤ کے قطرے پلانا ہم سب کی مشترکہ ذمہ داری ہے۔ انہوں نے مزید کہا کہ پولیو مہم 13 اپریل سے 15 اپریل تک جاری رہے گی۔
ایڈیشنل ڈی ایچ او گلگت نے اجلاس کو پولیو مہم کے حوالے سے تفصیلی بریفنگ دیتے ہوئے بتایا کہ 30 مارچ سے 4 اپریل تک پولیو ٹیموں کی تربیت کی جائے گی۔ انہوں نے بتایا کہ اس مہم کے دوران ضلع گلگت میں 64,660 بچوں کو پولیو کے قطرے پلانے کا ہدف مقرر کیا گیا ہے جبکہ بچوں کو وٹامن اے کیپسول بھی فراہم کیے جائیں گے۔
بریفنگ میں مزید بتایا گیا کہ مہم کو مؤثر بنانے کے لیے 293 موبائل ٹیمیں، 11 ٹرانزٹ پوائنٹس اور 47 فکسڈ ٹیمیں تشکیل دی گئی ہیں، جبکہ ان ٹیموں کی نگرانی کے لیے 75 ایریا انچارجز اور 15 یو سی ایم اوز تعینات کیے گئے ہیں۔
ایڈیشنل ڈپٹی کمشنر گلگت نے اجلاس کے شرکاء کو ہدایات جاری کرتے ہوئے کہا کہ پولیو مہم کے دوران کسی قسم کی کوتاہی ہرگز برداشت نہیں کی جائے گی اور تمام متعلقہ ادارے اپنی ذمہ داریاں احسن طریقے سے سرانجام دیں۔ انہوں نے ایڈیشنل ڈی ایچ او گلگت کو ہدایت دی کہ مقررہ ہدف کے حصول کے لیے تمام ممکنہ اقدامات یقینی بنائے جائیں۔
انہوں نے اس عزم کا اعادہ کیا کہ ضلعی انتظامیہ، محکمہ صحت اور دیگر اداروں کے باہمی تعاون سے پولیو مہم کو کامیاب بنایا جائے گا اور ہر بچے تک رسائی یقینی بنائی جائے گی۔
ایڈیشنل ڈپٹی کمشنر گلگت نے عوام الناس سے اپیل کرتے ہوئے کہا کہ اپنے پانچ سال کے کے بچوں کو پولیو کے قطرے پلائیں اور کسی بھی مقام پر پولیو کے ٹیمیں نہ آنے پر الفا کنٹرول روم نمبر 920724 اور ڈی ایچ او گلگت کنٹرول روم نمبر 920111 نمبر پر رابط کریں۔

چلاس گلگت بلتستان ہڈر کے مقام پر آرمی کا ہیلی کاپٹر کرش 2 پائلٹ سمیت 5 افراد ہلاک

دعا اللّٰہ رب العالمین سے یہ ہے کہ آج کی صبح اساتذۂ اکرام کا بنیادی حق کی فتح کی نوید لے کر آۓ آمین ثم آمین

این ایل آئی
V
سکاؤٹس
کون جیتے گا