PYO District Gilgit Official

پیپلز یوتھ آرگنائزیشن ضلع شگر کا اہم اجلاس

پیپلز یوتھ آرگنائزیشن ضلع شگر کا ایک نہایت اہم اجلاس منعقد ہوا، جس میں نائب صدر پیپلز یوتھ آرگنائزیشن گلگت بلتستان جناب زبیر ملک نے صدر پی وائی او ضلع شگر شاہد شگری، جی ایس ایڈوکیٹ ندیم اور سینئر نائب صدر آس بلتی کے ہمراہ شرکت کی۔ اجلاس میں پی وائی او بلتستان ڈویژن کے نائب صدر سید ذوالفقار، شرافت کینگ سمیت ضلع شگر کے تمام عہدیداران نے بھرپور شرکت کی۔ اجلاس میں تنظیمی امور، یوتھ کی فعالیت اور آئندہ مہینوں کی حکمتِ عملی پر جامع مشاورت کی گئی۔

اجلاس کے دوران جناب زبیر ملک نے پی وائی او کی آئندہ حکمتِ عملی، تنظیمی ڈھانچے کی مضبوطی، نوجوانوں کے مؤثر کردار اور یوتھ کی ذمہ داریوں کے حوالے سے تفصیلی بریفنگ دی۔ انہوں نے کہا کہ پیپلز یوتھ آرگنائزیشن پارٹی کی نظریاتی اور عملی قوت ہے، اور نوجوانوں کا کردار پارٹی کی مضبوطی میں بنیادی اہمیت رکھتا ہے۔

اس موقع پر صدر پی وائی او جی بی ڈاکٹر شاہد گلگتی نے بھی آن لائن اجلاس میں شرکت کرتے ہوئے شگر کی تنظیم کو سراہا۔ انہوں نے کہا کہ پی وائی او شگر، تنظیم کی ریڑھ کی ہڈی کی حیثیت رکھتی ہے اور ان کی مسلسل فعالیت اور محنت پورے گلگت بلتستان کے لیے حوصلہ افزا ہے۔

میٹنگ میں درج ذیل نکات پر اتفاقِ رائے کیا گیا:

1. ضلع شگر کے تمام یوتھ یونٹس کو مکمل طور پر فعال کیا جائے گا اور ہر یونٹ کو تنظیمی سطح پر مؤثر کردار ادا کرنے کے لیے واضح ٹاسکس دیے جائیں گے۔

2. پارٹی کی مضبوطی اور تنظیمی جدوجہد کے لیے دن رات کام جاری رکھا جائے گا۔ تمام یونین کونسلز کی کابینہ کو جلد فعال کیا جائے گا اور ہر یونین کونسل کی تنظیم کے ساتھ الگ الگ میٹنگز منعقد کی جائیں گی تاکہ زمینی سطح پر تنظیمی کام مزید بہتر انداز میں آگے بڑھ سکے۔

3. سوشل میڈیا پر چلنے والے جھوٹ، بہتان اور منفی پروپیگنڈے کو یکسر رد کیا گیا۔ فیصلہ کیا گیا کہ تمام کارکنان مثبت، اخلاقی اور ذمہ دارانہ سیاست کو فروغ دیں گے۔

4. پی وائی او کی میڈیا ٹیم کو مکمل طور پر فعال کرنے کا فیصلہ کیا گیا، اور میڈیا ٹیم کے ہیڈ کو مکمل ذمہ داریاں اور اختیارات تفویض کیے جائیں گے تاکہ پارٹی کا مؤقف مضبوط، واضح اور بروقت عوام تک پہنچ سکے۔

President Asif Ali Zardari addressing a meeting of the Pakistan Peoples Party (PPP) Gilgit-Baltistan chapter at the Governor House.

گلگت:
صدرِ مملکت جناب آصف علی زرداری صاحب کی گلگت بلتستان تشریف آوری پر پیپلز پارٹی گلگت بلتستان کے صوبائی صدر امجد حسین گلگت ائیرپورٹ پر استقبال کر رہے ہیں۔