Exceed Akademie Gilgit

*Activity based teaching .*
Class: 9th
Subject : Physics
Activity #: 07.......................

اکثر جب ہم گاڑی میں سوار ہوتے ہیں اور گاڑی چل رہی ہوتی ہے، اچانک بریک لگنے پر ہم آگے کی طرف دھکیل جاتے ہیں۔ ایسا کیوں ہوتا ہے؟

اسی طرح جب ہم کسی گاڑی سے لٹک رہے ہوتے ہیں یا موٹر سائیکل پر سوار ہوتے ہیں، اور بریک لگنے سے پہلے ہی اتر جائیں یا چھلانگ لگا دیں، تو ہمیں ایسا لگتا ہے جیسے گاڑی ہمیں اپنی طرف کھینچ رہی ہے۔ ایسا کیوں؟

ان سب کے پیچھے طبیعیات (فزکس) کا ایک اصول کارفرما ہے۔

اس سب کی وجہ فزکس کی ایک خاصیت یعنی جڑت (Inertia) ہے۔

جڑت کیا ہے؟
جڑت مادے کی وہ خاصیت ہے جس کی وجہ سے کوئی جسم اپنی حالتِ سکون یا یکساں حرکت میں اچانک تبدیلی کا مزاحمت کرتا ہے۔ آسان الفاظ میں، ایک ساکن چیز ساکن رہنا چاہتی ہے اور حرکت کرتی ہوئی چیز حرکت میں رہنا چاہتی ہے (جب تک کوئی بیرونی قوت اس پر عمل نہ کرے)۔

جب آپ گاڑی میں سوار تھے تو آپ حرکت کی حالت میں تھے۔ گاڑی سے اچانک چھلانگ لگانے پر آپ نے فوری طور پر اپنی حالت بدل لی، لیکن آپ کے جسم کی جڑت آپ کو حرکت میں رہنے پر مجبور کرتی ہے۔ اسی لیے آپ کو لگتا ہے کہ گاڑی آپ کو کھینچ رہی ہے۔

اسی طرح جب آپ گاڑی میں بیٹھے ہوتے ہیں، تو آپ کا جسم گاڑی کے ساتھ حرکت کرتا ہے۔ گاڑی اچانک رک جائے تو آپ کی جڑت آپ کو حرکت میں رہنے کی ترغیب دیتی ہے، اس لیے آپ بریک لگنے پر آگے کی طرف جھک جاتے ہیں۔

لیکن اگر آپ گاڑی سے دھیرے سے چھلانگ لگا کر گاڑی کو پکڑتے ہوئے کچھ قدم چلیں، تو رفتہ رفتہ جڑت ختم ہو جاتی ہے۔ رگڑ (Friction) جڑت کے خلاف کام کرتی ہے۔ اسی طرح اگر گاڑی آہستہ سے بریک لگائے تو ٹائر اور سڑک کے درمیان رگڑ پیدا ہوتی ہے، جس سے آپ اپنی سیٹ سے زیادہ آگے نہیں جھکتے۔

اس عمل کو سمجھنے کے لیے ہم نے ایک تجربہ کیا ہے جو آپ اوپر دیکھ سکتے ہیں۔
سکے اور کاغذ کا تجربہ:

1. جب کاغذ کو تیزی سے کھینچیں:
کاغذ پر رکھا سکہ ساکن ہوتا ہے۔ جب آپ کاغذ کو تیز جھٹکے سے کھینچتے ہیں تو کاغذ تو نکل جاتا ہے، لیکن سکہ جڑت کی وجہ سے اپنی سکون کی حالت میں رہنے کی کوشش کرتا ہے۔ کاغذ کے نکلتے ہی سکے کے نیچے سے سہارا ختم ہو جاتا ہے اور کششِ ثقل (Gravity) فوراً اسے نیچے گرا دیتی ہے۔ چنانچہ سکہ براہِ راست پیالے یا گلاس میں گر جاتا ہے۔
2. جب کاغذ کو آہستہ سے کھینچیں:
اگر آپ کاغذ کو آہستہ اور مسلسل کھینچیں تو رگڑ (Friction) کی قوت سکے اور کاغذ کے درمیان کام کرتی ہے۔ یہ رگڑ سکے کو کاغذ کے ساتھ آہستہ آہستہ کھینچ لیتی ہے، جس سے سکہ کاغذ کے ساتھ ہی حرکت کرتا ہے اور پیالے کے کنارے تک پہنچ کر بھی نہیں گرتا — یا اگر گرتا ہے تو بعد میں اور مختلف انداز سے۔

خلاصہ:
تیزی سے کھینچنے پر جڑت اور کششِ ثقل مل کر کام کرتے ہیں — سکہ اپنی جگہ رہنے کی کوشش کرتا ہے اور کششِ ثقل اسے سیدھا نیچے گرا دیتی ہے۔ آہستہ کھینچنے پر رگڑ جڑت پر غالب آ جاتی ہے اور سکہ کاغذ کے ساتھ چلا آتا ہے۔

Tribute to Martyred soldiers