Blacked Out Rider

𝐌𝐀𝐇𝐈𝐆𝐏𝐈𝐓 𝐍𝐀 𝐈𝐏𝐀𝐏𝐀𝐓𝐔𝐏𝐀𝐃 𝐍𝐆 𝐋𝐓𝐎 𝐀𝐍𝐆 𝐏𝐀𝐆𝐁𝐀𝐁𝐀𝐖𝐀𝐋 𝐒𝐀 𝐌𝐆𝐀 𝐄-𝐓𝐑𝐈𝐊𝐄 𝐒𝐀 𝐌𝐀𝐉𝐎𝐑 𝐇𝐈𝐆𝐇𝐖𝐀𝐘𝐒 𝐒𝐀 𝐌𝐄𝐓𝐑𝐎 𝐌𝐀𝐍𝐈𝐋𝐀 𝐒𝐈𝐌𝐔𝐋𝐀 𝐉𝐀𝐍𝐔𝐀𝐑𝐘 𝟐, 𝟐𝟎𝟐𝟔

Sisimulan na bukas, Enero 2, 2026 ng Land Transportation Office (LTO) ang mahigpit na pagpapatupad ng pagbabawal sa mga E-TRIKE sa major highways sa Metro Manila. Kabilang sa mga daang ipinagbabawal ay ang Epifanio de los Santos Avenue (EDSA), C-5 Road, Roxas Boulevard, at Quirino Ave to Magallanes - South Luzon Expressway (SLEX) alinsunod sa mga umiiral na patakaran ng Metropolitan Manila Development Authority (MMDA).

Ayon kay LTO Chief, Assistant Secretary Markus V. Lacanilao, “Ang pagpapatupad na ito ay nakabatay sa pangkalahatang konsiderasyon sa kaligtasan sa kalsada. Ang mga pangunahing lansangang ito ay idinisenyo para sa mas mabilis at mas malalaking sasakyan, at hindi angkop para sa mga e-trike dahil sa bilis ng daloy ng trapiko, dami ng sasakyan, at lawak ng mga lansangan. Ang pagsasabay ng mababagal at magagaan na sasakyan sa ganitong uri ng kalsada ay nagdudulot ng malinaw na panganib sa lahat ng gumagamit ng daan.”

Idinagdag pa ni Asec Lacanilao, "Unawain po natin na ang hakbang na ito ay ginagawa natin para sa kaligtasan ng lahat ng gumagamit ng kalsada. Naiintindihan natin na marami sa atin ang umaasa sa mga e-trike bilang paraan ng paglalakbay, kaya naman handa ang LTO na makipagtulungan sa mga lokal na pamahalaan at mga sektor ng industriya para bumuo ng mga ligtas at angkop na ruta para sa mga e-trike sa mga darating na araw. Hinihikayat din po natin ang mga mamamayan na sumunod sa mga patakaran at makipagtulungan para mapanatili ang ligtas na daloy ng trapiko."

Ang mga mahuhuling nagpapatakbo ng e-trike sa mga ipinagbabawal na lansangan ay sasailalim sa mga kaukulang parusa alinsunod sa Republic Act No. 4136 o Land Transportation and Traffic Code at Joint Administrative Order No. 2014-01, kabilang ang pagpataw ng multa at ang posibleng pag-impound ng e-trike.

Binibigyang-diin ng LTO na ang layunin ng hakbang na ito ay hindi upang ipagbawal ang paggamit ng nga e-trikes sa pangkalahatan, kundi upang maiwasan ang aksidente at matiyak ang kaligtasan at kaayusan sa ating mga lansangan, habang inaantay ang mas komprehensibong joint guidelines mula sa DOTr at iba pang kaukulang ahensya.

Ang LTO ay maglalaan ng mga law enforcer sa mga kritikal na punto sa mga nasabing daan para ipaalam ang nasabing patakaran at tiyakin ang wastong pagpapatupad nito.

Nanawagan ang LTO sa publiko ng kooperasyon at mahigpit na pagsunod sa umiiral na mga patakaran sa trapiko, alang-alang sa kaligtasan ng lahat.



CTTO: Transportation Office (LTO)

Gas is History. Welcome to The Future.

Yamaha Aerox-E 🔋⚡️🔌

"𝙄𝙛 𝙮𝙤𝙪 𝙘𝙖𝙣'𝙩 𝙛𝙡𝙮 𝙩𝙝𝙚𝙣 𝙧𝙪𝙣, 𝙞𝙛 𝙮𝙤𝙪 𝙘𝙖𝙣'𝙩 𝙧𝙪𝙣 𝙩𝙝𝙚𝙣 𝙬𝙖𝙡𝙠, 𝙞𝙛 𝙮𝙤𝙪 𝙘𝙖𝙣'𝙩 𝙬𝙖𝙡𝙠 𝙩𝙝𝙚𝙣 𝙘𝙧𝙖𝙬𝙡, 𝙗𝙪𝙩 𝙬𝙝𝙖𝙩𝙚𝙫𝙚𝙧 𝙮𝙤𝙪 𝙙𝙤 𝙮𝙤𝙪 𝙝𝙖𝙫𝙚 𝙩𝙤 𝙠𝙚𝙚𝙥 𝙢𝙤𝙫𝙞𝙣𝙜 𝙛𝙤𝙧𝙬𝙖𝙧𝙙." – 𝙈𝙖𝙧𝙩𝙞𝙣 𝙇𝙪𝙩𝙝𝙚𝙧 𝙆𝙞𝙣𝙜 𝙅𝙧. Blacked Out Rider #PureElectric #LifeQuotes #ElectricScooter

Leveling up my driving skills today!

Trading the gas pump for the charging port. ⚡️

Today is all about understanding the pure capacity and potential of this electric scooter on the circuit.

No fumes.

No noise.

Just a deep dive into electric vehicle capacity and performance. ⚡🔌✔️

📸 Tara G Shots

Easter Ride 🙏🏻⚡️

www.relive.com

🔌⚡️🔋